Búnaðarrit - 01.01.1991, Qupperneq 253

Halldór Valgeirsson var nemandi á Stend 1956-1958 og lauk þá prófi.
Hann er fæddur í Reykjavík 1. desember 1937 og uppalinn þar. Halldór
lauk landsprófi 1953. Stundaði verkamannavinnu 1953-1954. Stundaði
nám í Samvinnuskólanum 1954—1955. Gerðist verslunarstjóri í Rafbúð
Rafveitu Hafnarfjarðar 1955-1956. Stundaði eftir heimkomuna frá Noregi
landbúnaðarstörf, ýmis verslunar- og skrifstofustörf frá 1958-1964. Hóf þá
störf hjá Véladeild Sambands íslenskra samvinnufélaga.
Vann á endurskoðunarskrifstofu SÍS 1969-1973, hjá skipulagsdeild SÍS
1973-1974 og hjá Véladeild SÍS frá 1974-1980.
Hóf nám í endurskoðun 1969 og fékk löggildingu sem endurskoðandi 1.
apríl 1975. Stofnaði sínaeiginendurskoðunarskrifstofu 1981 ogrekurhanaí
Kópavogi.
Guðmundur Franklín Guðmundsson var nemandi á Stend 1875-1877, en
lauk ekki námi.
Hann var fæddur á Mýrum í Dýrafirði í Vestur-ísafjarðarsýslu 2.
desember 1855, dáinn þar 1. maí 1881.
Guðmundur vann mikið að jarðabótum eftir heimkomuna frá Noregi.
Var ráðsmaður við bú móður sinnar í eitt ár. Veitti síðan forstöðu búi systur
sinnar til dánardags.
Pétur Pétursson var nemandi á Stend 1876-1878.
Hann var fæddur á Mosfelli í Svínadal í Austur-Húnavatnssýslu 31.
desember 1850, dáinn á Blönduósi í sömu sýslu 26. apríl 1922. Eftir
heimkomuna frá Noregi vann Pétur hjá Búnaðarfélagi Svínavatns- og
Bólstaðarhlíðarhreppa. Árið 1880 var hann í þjónustu Búnaðarfélags
Húnavatnssýslu, en mun þó hafa unnið töluvcrt í Svínavatnshreppi.
Pétur bjó á Gunnsteinsstöðum í Austur-Húnavatnssýslu 1880-1910.
Jafnhliða búskapnum rak hann um tíma veitingasölu á Hótcl Tindastóli á
Sauðárkróki í Skagafirði. Síðar starfrækti hann nokkra sveitaverslun á bæ
sínuin og jafnhliða búð á Blönduósi, þangað sem hannflutti að lokum ogvar
þar til dánardags.
Það er taiin full vissa fyrir því, að Pétur hafi verið nemandi á Stend. Það er
vitað, að hann fór til Noregs á vegum Th. Thomsen með verslunarskipinu
„Hana“ frá Bergen, haustið 1876.
Bogi Thorarensen Helgason var nemandi á Stend 1877-1879, en lauk ekki
námi.
Hann var fæddur í Vogi í Hraunhreppi í Mýrasýslu 27. júlí 1860, dáinn á
Brúarfossi í sama hreppi og sýslu 10. júní 1942. Eftir heimkomuna frá
Noregi gerðist hann ráðsmaður í Laugardælum í Hraungerðishreppi í
Árnessýslu. Vann þar mikið að jarðarbótum. Bjó í Vogi frá 1889-1892, en
eftir það á Brúarfossi til dánardags.
227