Morgunn - 01.12.1950, Side 4

82
MORGUNN
opinbera áskorun gegn miðlasvikum, hvatning til almenn-
ings um að vera vel á verði og hvatning til miðlanna um
að gefa sig undir skynsamlega rannsókn. Þeir skora á
alla, sem við sálræna starfsemi fást, að leita til viður-
kenndra spíritistafélaga til þess að láta prófa hæfileika
sína. Annars vegar vakir fyrir þessum mönnum að verja
sanna miðla fyrir svikagrunsemdum, en hinsvegar það,
að uppræta illgresið og stuðla að því að þeir, sem svik
kunni að fremja, verði látnir sæta þyngstu ábyrgð og
refsingum fyrir verknað sinn. Þeim er Ijóst, að oft getur
einn óvandaður maður brotið niður mikið af því, sem
'margir vandaðir og sannir menn hafa byggt upp.
Hvernig er hægt að sanna, að látinn lifir? Þeirri spurn-
ing verður ekki svarað í stuttu máli, svo mörgu er hér
að svara. En hvað segja menn um þetta atvik: Ókunnur
maður utan af landi fær aðgang að fundi, þar sem Haf-
steinn Björnsson er að gera skyggnitilraunir á vegum
S.R.F.l. Miðillinn þekkir ekki fundargestinn, veit sann-
anlega ekki, hver hann er. En hann snýr sér að ókunna
fundargestinum og segir: „Hjá þér stendur maður, sem
segist vera afi þinn og heita J. Hann segir: Það er ekki von
til að þú kannist við mig, karlinn minn, því að ég dó sex
árum áður en þú fæddist. Ég fór af jarðneska heiminum
19.....árið 1894“. Fleira var manninum sagt um þenn-
an afa hans. Fundargesturinn kvaðst vera fæddur árið
1900, en enga hugmynd kvaðst hann hafa um dánardag
þessa afa síns. Þegar heim kom, spurðist hann fyrir um
þetta hjá fólki sínu, en enginn mundi dánardag gamla
mannsins. Við nánari eftirgrennslan hjá einum þjóðskjala-
varðanna kom í ljós, að dánardagur gamla mannsins var
nákvæmlega eins og miðillinn kvaðst hafa heyrt gamla
manninn segja. Hver sagði miðlinum það, sem engum við-
stöddum var kunnugt um?
Á hernámsárunum var stranglega bannað að halda mið-
ilsfundi í Hollandi, og mjög var erfitt um alla slíka starf-
semi. Þegar eftir styrjaldarlokin var starfið hafið að nýju