Morgunn - 01.12.1950, Page 27

MORGUNN
105
margir „bæir“ til á landinu, og að við getum ekki vitað,
hvert ætti að senda bréfið hennar eftir þessari utaná-
skrift. Skrifar hún þá: „Þórlaug í Gaulverjabæ“. Lýkur
svo fundinum, eftir að hann hafði staðið yfir í rúma tvo
klukkutíma.
Ég hef heyrt síðar, að Gaulverjabær væri oft aðeins
kallaður hinu stytta nafni þar í sveitinni og ef til vill
víðar, en ég hafði ekki hugmynd um það þá, og að þvi
er ég held, ekkert okkar, sem á fundinum voru.
Tveim dögum eftir þennan fund, segir miðillinn mér,
að hann hafi séð, að brúnn blettur hafi verið í öðru aug-
anu á „Siggu“, en í hvoru auganu það var, man miðill-
inn ekki. Sömuleiðis sagði miðillinn, að framliðna stúlk-
an hafi sagt, áður en hún fór af fundinum, að hún hafi
„gleymt að biðja að heilsa Tómasi kaupmanni". Þama
komu enn tvö atriði, sem voru sannana eðlis, ef rétt
reyndust.
Nú var eftir að koma bréfinu til skila. Við höfðum þó
fengið bæjarnafnið og fornafn eins viðtakandans. Hvor-
ugur okkar Jónasar Þorbergssonar þekkti nokkuð til þarna
eystra og ekki vissum við, hvort húsfreyjan í Gaulverja-
bæ héti Þórlaug, sem er frekar óalgengt nafn. Ekki viss-
um við heldur um nafn bóndans þar, en af föðurnafni
framliðnu stúlkunnar sáum við, að hann mundi heita
Dagur.
Ég held ekki, að miðillinn hafi vitað neitt um fólkið
á þessum bæ, en áreiðanlega vissi ekkert okkar um neitt
af því, sem gert var að umtalsefni í bréfinu. Þar á ofan
bætist, að allt bréfið er skrifað, eins og ég hef þegar
tekið fram, áður en nokkurt okkar vissi, hvert það ætti
að fara eða frá hverjum það vœri, og finnst mér það
veigamesta atriðið í þessu efni.
Mér datt í hug, að helzt væri að leita upplýsinga um
fólk það, er bréfið getur um, á Hagstofunni. Þar myndi