Morgunn - 01.12.1950, Síða 7

MORGUNN
85
Erindi hans vakti mikla athygli, og honum var þá boðið
að flytja erindi um spíritismann í félagi hefðarfólks í
Aþenu, en hann er meðlimur í því. Hann flutti þarna
erindi um málið fyrir tignasta fólki landsins, og vakti
það mikla athygli. Mörgum var kunnugt, að fyrrverandi
Grikkjakonungur var eindreginn spíritisti og var jafnvel
nokkurum sálrænum gáfum gæddur. Melas hershöfðingi
er nú sjötugur maður, en vinnur fyrir málefnið af eld-
legum áhuga, sem ungur væri. Hann var fimmtugur, þeg-
ar hann kynntist spiritismanum, en var trúlaus maður
áður.
Skringilegir hlutir geta gerzt í ensku biskupakirkjunni.
Þótt spíritisminn eigi fleiri áhangendur í Bretlandi en
nokkuru öðru landi, geta hlutir gerzt í hinni virðulegu
ensku þjóðkirkju, sem dálítið örðugt er að átta sig á.
1 Psychic News, 12. ágúst s.l. segir á þessa leið: „Einum
af prestum ensku kirkjunnar hefur verið tilkynnt, að
höfðað verði á hann mál fyrir villutrú, ef hann hætti
ekki að breiða spíritismann út í predikunum sínum. Ég
vildi geta nefnt nafn prófastsins, sem gcif prestinum áminn-
inguna, en þá yrði ég líka að nefna nafn prestsins. En
presturinn lítur svo á, að hann geti meira gagn gert inn-
an kirkjunnar en utan hennar, því að hann heldur áfram
að boða í einkasamtölum það, sem hann veit að er sann-
leikur. Það sýnist undarlegt, að fyrir þá sök, að boða
það, sem vissulega var kenning Jesú sjálfs á hinum stutta
starfstíma hans, skuli vera hægt að ógna presti með brott-
rekstri úr kirkjunni. Og það, þegar þessi sama kirkja þol-
ir einum biskupa sinna að predika hreina efnishyggju
(hér er átt við biskupinn af Birmingham) og þolir dóm-
prófast, sem sætt hefur ákúrum frá biskupi sínum fyrir
að vera kommúnisti (hér er átt við dómprófastinn af
Kantaraborg). Nefndin, sem fyrrverandi erkibiskup setti
á laggirnar til þess að rannsaka spíritismann, komst að
þeirri niðurstöðu, með 7 atkvæðum gegn 3, að líkur væru
fyrir því, að spíritisminn flytti sannleika, háttsettur mað-