Morgunn - 01.06.1962, Blaðsíða 35

MORGUNN
31
fyrir áhrifunum og sambandinu við annan heim meir en
nokkru sinni áður. Hún þráir það mest af öllu, að fá að
þjóna heiminum með því að sannfæra aðra um fram-
haldslífið og hið nána samband milli þessa lífs og hins
næsta.
Hún hefir ferðazt um allt England og flutt skyggni-
lýsingar og erindi, auk einkafundanna, sem hafa sannfært
fjölda manns og fært ótal syrgjendum huggun. Og hún
hefir farið víðar. Fyrir nokkrum árum var hún reiðubúin
til þess að koma til íslands sem gestur Sálarrannsóknafél.
Islands. En því miður gat ekki úr því orðið.
I ævisögu hennar segir frá því, að Georg Grikkjakon-
ungur hafi í útlegðinni frá Grikklandi verið tíður gestur
hjá frú Roberts og tekið miklu ástríki við Rauða Skýið
(stjórnandann), sem hann leitaði oft ráða hjá. Um tíma
dvaldi konungurinn á Indlandi, sem gestur vísikonungs-
ins brezka. Langaði hann þar mjög til að hitta einhvern
helgan mann, indverskan, og var honum þá vísað á ein-
setumann nokkurn. Hann fór þangað einn og fótgang-
andi. Leiðin lá um víðáttumikla hásléttu, og á henni miðri
mætti hann einsetumanninum, sem átti konungsins enga
von eftir venjulegum leiðum. Einsetumaðurinn rétti upp
hönd sína og bauð konunginum að nema staðar. Síðan
mælti hann: „Farðu ekki lengra, sonur minn. Þú hefir
mín enga þörf, þar sem þú ert undir vernd Rauða Skýs-
ins, hins mikla leiðtoga." Þegar hann kom aftur til Eng-
lands, sagði hann Estelle Roberts söguna. Hún er skjal-
fest og geymd ásamt ýmsu fleiru um viðskipti konungs
og stjórnanda frú Roberts.
Lækningar hafa gerzt í hundraðatali í sambandi við
Estelle Roberts. Ég ætla aðeins að segja frá hinni fyrstu,
þegar hæfileiki hennar til að lækna uppgötvaðist.
Þetta gerðist á opinberum spíritistafundi í London.
Móðir bar til miðilsins lítinn dreng, sem þjáðist svo af