Morgunn - 01.06.1963, Qupperneq 23

MORGUNN
17
ekki að dæma spíritismann. En þá er auðsætt, að sú skylda
hvílir á þeim, sem með mál hans fara, að gefa ekki and-
stæðingunum tækifæri til þess.
Hvernig rækjum vér þá skyldu?
Um það ættum vér, kæru félagar, í alvöru að spyrja
sjálfa oss vegna þess málefnis, sem oss er öllum kært.
Gætum vér þess, að skemma ekki fyrir málinu með því
að fullyrða sitt hvað, sem ekki verður fullyrt með rökum?
Gætum vér þess, að sönnunargögnin eru oft vandasamari
og flóltnari en virðast kunna við fyrstu sýn? Gætum vér
þess, að spíritisminn er mál, sem verulega þekkingu þarf
að hafa á, til þess að geta unnið því gagn ? Þar nægir ekki
góður vilji einn og áhugi.
Það eru liðin bráðum 45 ár síðan þetta félag var stofn-
að, og það eru liðin nærfellt 60 ár, síðan hreyfingin barst
hingað til lands, og að þessvegna eru viðhorfin að sjálf-
sögðu nokkuð breytt.
Lengi var það í rauninni eina hlutverk þessa félags, að
kynna málið, vekja áhuga fyrir því, standa gegn mótstöðu-
mönnum þess, fræða landsfólkið um það. Það hlutverk á
S.R.F.Í. að leysa af hendi enn. En svo er komið, og þó ekki
nýlega tilkomið, að öðru hlutverki þarf jafnframt að sinna,
að standa fast á verði gegn vitleysunni og fáránlegum hug-
arburði þeirra, sem ekki hafa þekkingu til að dæma málið,
vega sönnunargögnin og draga réttar niðurstöður af fyr-
irbrigðunum.
Þetta hlutverk hefir S.R.F.I. haft hug á að rækja, og
að það hafi rækt það hlutverk má m. a. af því sjá, að all-
margir hafa horfið úr félaginu á síðari árum, beinlínis
vegna þess, að þeim þótti stjórn félagsins of ihaldssöm og
ekki gefa nægilega mikið þeim, sem vildu fara of geyst,
að því er stjórn félagsins sýndist.
Um þessi sjónarmið hafa mörg erlend spíritistafélög
klofnað. Átök hafa orðið milli þeirra, sem gerðust oftru-
aðir spíritistar og hinna, sem vildu fylgja hinni gætnari
línu sálarrannsóknamanna, fullyrða minna, fara sér hæg-
2