Morgunn - 01.06.1963, Page 71

Frá trúarheimi Japana
Nýjar hreyfingar
★
Væntanleg mun á dönsku innan skamms þýðing á at-
hyglisverðri bók, sem danskur maður, cand mag. Harry
Thomsen, hefir ritað á ensku um trúarlíf í Japan á
vorum dögum. Höf. hefir dvalizt þar eystra langdvölum
og aflað sér staðgóðrar þekkingar á því efni, sem hann
skrifar um.
Hann segir frá nýrri trúvakningu í Japan, og byggir
sú hreyfing á hinum ævaforna Shintoátrúnaði Japana,
Búddhadómi, eins og hann hefir þróast í Japan og mik-
ill fjöldi þjóðarinnar hefir aðhyllzt, og sækir auk þess
margt til kristindómsins og raunar einnig annarra trú-
kerfa.
Þessi nýja hreyfing hefir þegar náð miklum áhrifum
meðal Japana. Mestur hluti þeirra manna, sem að henni
hneigist, er alþýðufólk. 80% er bændur og verkamenn,
en afkoma þessara stétta er langt um verri í Japan en
á Vesturlöndum. Á síðustu árum hafa forvígismenn
hreyfingarinnar lagt á það mikla stund, að ná til milli-
stéttanna og menntafólksins, og alveg sérstaklega til
æskulýðsins. f því skyni er miklum áróðri beitt, upplýs-
ingastarfsemi, bókasöfnum, sem stofnuð eru, og þjóð-
félagslegu umbótastarfi. Nýjar leiðir eru famar til þess
að ná eyrum fólksins, með fyrirlestrum, kvikmyndum,
sjónvarpi, námsflokkum, hátíðum og dansi. Verðlag þar
eystra er miklum mun lægra en á Vesturlöndum, og
voru þó útgjöld fjögurra megindeilda þessarar nýju
hreyfingar árið 1958 um 220 milljónir ísl. króna það ár.
5