Morgunn - 01.06.1963, Síða 74

68
MORGUNN
1. Þau eiga öll sitt „Mekka“, sínar trúarlegu höfuð-
stöðvar, þar sem menn koma saman til hátíðlegra at-
hafna, í sumum þeirra daglega. Eitt trúfélagið, sem
nefnist Rissho Kosei Kai, á byggingu, sem rúmar fullar
50 þús. manna.
2. Það er auðvelt að ganga í þessi nýju trúfélög, auð-
velt að skilja boðskap þeirra og auðvelt að breyta eftir
honum. Engin upptökuathöfn er framkvæmd, nýr með-
limur er ekki látinn vinna nokkur heit, honum er gert
að greiða mjög lágt safnaðargjald. Kenningin er ein-
föld og auðskilin. Það sem tekið er úr Búddhadómi, t.d.
er gert einfaldara, ljósara.
Guðsþjónustan er byggð upp af örfáum, litríkum
helgisiðum með stuttri predikun, þar sem tekin eru til
meðferðar dagleg vandamál og viðfangsefni, og eru tíð-
um notaðar gamansamar sögur til að bregða ljósi yfir
umræðuefnið. Stundum er guðsþjónustan fólgin í óhátíð-
legri og óformlegri samkomu, þar sem þáttakendum er
ætlað að ræða sín á milli trúarreynslu sína og dagleg
vandamál.
3. Þessi nýju trúarbrögð eru bjartsýn, sum nefnast
blátt áfram „trúarbrögð hamingjunnar“, grundvölluð á
þeiiri kenningu, að maðurinn eigi kröfu á að vera ham-
ingjubam. Sá blær hátáðleika, sem hvilir yfir ársfjórð-
ungs- og hálfs-árs-hátíðum með hiniun litríku helgisiðum
þeirra og dönsum, sýnist búa yfir aðdráttarafli fyrir
marga.
4. Markmiðið er að stofna guðsríki á jörðu, nú þegar
og hér, en ekki í fjarlægri, ókominni tíð eða eilífð.
Mönnum er heitið lausn frá margskonar böli, sem þjáir.
sjúkdómum, fátækt, óhamingju. Meðal hinna trúuðu rík-
ir sterk samúðar- og samfélagskennd, og mikil innbyrðis
hjálpsemi. Margir stunda huglækningar og telja sig ná
árangri. Mikið þjóðfélagslegt umbótastarf er unnið og
margir starfa innan þessara trúfélaga að friði á jörðu.
5. Á það er lögð megináhersla, að trúarbrögð og dag-