Frjáls verslun - 01.04.2003, Side 16

Bankamál í brennidepli
Ótrúleg hrina bankaskjálfta hefur dunið yfir
íslenska bankamarkaðinn og landslagið
hefur gjörbreyst á nokkrum vikum. Bank-
arnir eru í vígahug og hika ekki við að
„berja hverjir á öðrum" og beita nýjum
vinnubrögðum. Kaupþing „stakk undan"
Landsbanka og íslandsbanka með samein-
ingunni við Búnaðarbankann. Landsbank-
inn „braut blað" með því að segja upp 20
manns úr stjórnendahópi sínum. Síðan
gerði hann „sögulega árás" á Búnaðar-
bankann og náði af honum 26 starfs-
mönnum. Eftir það keypti Landsbankinn
Búnaðarbankann í Lúxemborg. En blekið
var vart þornað þegar íslandsbanki gerði
„skyndisókn á bankann" og náði af honum
fjórum starfsmönnum. Menn telja að hin
„herskáa atburðarás" yrði toppuð með
sameiningu Landsbanka og íslandsbanka.
Texti: Myndir:
Jón G. Hauksson Geir Olafsson
6á Richter er harður jarðskjálfti. Það er
ofmælt að segja að skjálfti af þeirri
stærðargráðu hafi gengið yfir íslenska
bankamarkaðinn. Engu að síður hefur sú hrina
bankaskjálfta sem bylgjast hefur um bankana
tekið í og þar er núna gjörbreytt landslag frá
því sem var fyrir nokkrum mánuðum. Þá hafa
hinar miklu hræringar í starfsmannamálum
Landsbankans og Búnaðarbankans vakið
athygli. Það er mikil gerjun.
Stærstu bankaskjálftarnir eru af þeirri
stærðargráðu að bankarnir nötra og nálin á
skjálftamælinum dansar. Kaup Kaupþings
banka á Búnaðarbanka eru söguleg en stærsti
skjálftinn hefur þó snúist um áhlaup Lands-
bankans á Búnaðarbankann. Upptökin eru
vegna einkavæðingar ríkisbankanna tveggja,
Lands- og Búnaðarbanka.
Svona tíma hefur enginn upplifað áður á
íslenskum bankamarkaði og finnst mörgum
sem bankarnir séu farnir að „klóra augun hver
úr öðrum“, eins og einhverjir hafa nefnt það.
Þessir hörðu bankaskjálftar sýna hvað bank-
arnir takast á af afli í metnaði sínum við að
stækka og hve samkeppnin er hörð þeirra á
milli - þótt margir stjórnendur í atvinnulífinu
séu á öndverðum meiði og segist ekki upplifa
nægilega samkeppni á milli bankanna.
Helstu pælingar manna núna eru hvort
Landsbanki og Islandsbanki hugi á samein-
ingu. Ostaðfestar sögur hafa verið um það um
nokkurt skeið. Þá eru eilífar vangaveltur um
framtíð sparisjóðanna - og hvort nýtt umhverfi
sé þeim í hag eða ekki. Flestir eiga von á því
að einhverjar sameiningar verði hjá stærstu
sparisjóðunum, en það umræðuefni virðist
ætla að vara að eilífu.
16