Frjáls verslun - 01.04.2003, Blaðsíða 98

Frá vinstri: Þorvaidur Bragason, forstöðumaður upplýsingasviðs, Gunnar H. Kristinsson sölustjóri og dr. Kolbeinn Árnason,
sérfræðingur á sviði fjarkönnunar hjá Landmælingum.
Landmœlingar:
Farið á flug
Notkun stafrænna kortagagna er stöðugt að aukast í sam-
félaginu. Landmælingar íslands hafa gefið út nákvæm
kort um árabil en nú síðast efni á geisladiskum fyrir
tölvur. Diskarnir hafa fengið mjög góðar viðtökur á markaðn-
um og selst í yfir 15.000 eintökum á stuttum tíma.
Kort eru ómissandi þegar farið er í ferðalög - svo mikið er
víst. En kort eru ekki bara kort og Landmælingar Islands hafa
gengið skrefi lengra með þvi að gefa út geisladiska með hefð-
bundnum Islandskortum og svo ,flugkort“ þar sem viðkom-
andi setur diskinn í tölvuna og ,flýgur“ svo yfir landið.
„Við gáfum út flugdisk fyrir hálfu öðru ári en sá diskur
byggði á heildarmynd af landinu sem gerð var eftir Landsat
gervitunglamyndum,“ segir Þorvaldur Bragason, forstöðu-
; maður upplýsingasviðs Landmælinga, sem haft hefur umsjón
með útgáfu diskanna. „Með því að setja heildarmyndina ofan á
hæðarlíkan af Islandi var hægt með sérstökum hugbúnaði að
,fljúga“ yfir landið og skoða það í þrívídd. Viðbrögðin við disk-
inum voru vægast sagt góð og í framhaldi af því var farið að
undirbúa útgáfu nýs flugdisks þar sem settar voru inn
nákvæmari myndir af völdum svæðum. Sett voru inn örnefni,
vegir og ný útgáfa hugbúnaðarins og sá diskur kom síðan út í
I byrjun desember 2002.“
íslandskortadiskur Landmælingar höfðu um árabil verið að
i skoða leiðir til að koma kortum sínum út á geisladiskum og
leiddi það til þess að farið var í samstarf við kortastofnun Dana
?! sem hannað hafði hugbúnað til að sýna kort á slíkum diskum.
„Við tókum þá ákvörðun að setja nokkur heildarkort af land-
inu á fyrsta diskinn," segir Þorvaldur. „Eitt þeirra er samsett úr
aðalkortunum níu sem skeytt voru saman í eitt kort. Þessi
;i diskur markar ákveðin þáttaskil þar sem í fyrsta sinn er gefinn
möguleiki á að vinna með Islandskort á einfaldan hátt í tölvum
og nota þannig upplýsingar sem áður fyrr voru aðeins fáan-
98
legar á mörgum ólíkum pappírskortum." Von er á nýjum korta-
diski í haust, en á honum verða öll Atlaskortin í mælikvarða
1:100 000, 87 að tölu. Diskunum fylgja vandaðir leiðbeininga-
bæklingar á íslensku. Dr. Kolbeinn Arnason, sérfræðingur hjá
LMI á sviði fjarkönnunar, hafði umsjón með tæknilegri vinnslu
flugdiskanna en Gunnar H. Kristinsson, sölustjóri LMI, með
kortadiskinum.
„Markmiðið með útgáfu diskanna er að koma út á aðgengi-
legu formi sem mestu af kortum og öðrum gagnasöfnum sem
eiga erindi til almennings. Við höfum reynt að setja fram
áhugaverða vöru og bjóða hana á góðu verði, en það er mikil-
vægt að ungt fólk fái tækifæri til að umgangast kort og önnur
slík gögn á stafrænu formi og venjist notkun þeirra ásamt þeim
hugtökum og tækni sem notuð er,“ segir Þorvaldur.
Flutningur 09 nýjar áherslur Landmælingar hafa gengið í
gegnum miklar breytingar, ekki síst vegna flutnings stofiiunar-
innar upp á Akranes fyrir fjórum árum, en síðan hefur átt sér
stað markviss uppbygging og reksturinn gengið vel. Stofnunin
skiptist nú í fjögur meginsvið: stjónisýslusvið, mælingasvið,
kortasvið og upplýsingasvið en samkeppnisrekstur í sölu korta
er sérstök rekstrareining undir stjórnsýslusviði.
„Nýjar áherslur hafa verið að líta dagsins ljós,“ segir Þor-
valdur. „Meðal annars í nýjum verkefnum á sviði landupplýs-
inga, landmælinga ogkortagerðar, en stærsta verkefni stofnun-
arinnar um þessar mundir er gerð stafræns gagnagrunns af
landinu í mælikvarðanum 1:50 000. Einnig hafa nýjar og áhuga-
verðar kortaútgáfur verið að koma á markað að undanförnu."
Heimasíðan Landmælingar íslands halda úti heimasíðu,
www.lmi.is, þar sem
hægt er að nálgast gríðar-
miklar upplýsingar um
stofnunina, skoða kort og
fleira. Heimasíðan er vel
skipulögð og þægileg
aflestrar og fátt sem ekki
finnst þar af því sem
varðar landið. S5