Frjáls verslun - 01.04.2003, Blaðsíða 96

VORIÐ ER KOMIÐ
Skrifstofulífið:
Bætum vinnuaðstöðuna!
Skrifitofulíf er orðið allmiklu flóknara en það var
þegar fullbúin skrifitofa samanstóð afkonu með ritvél
(ritaranum) við tekkskrifborð (i kolrangri hœð),
hugsanlega á stillanlegum stól, ogyfirmanni sem las
inn á band bréfin á meðan hann hallaði sér mak-
indalega aftur á bak íþœgilegum „forstjórastólnum“.
rátt fyrir allar breytingar og umbætur eru nokkur atriði
sem stöðugt vilja fara úrskeiðis og þeir sem sjá um
vinnuvernd gera athugasemdir við í hvert sinn sem
komið er að skoða eða taka út ástandið. Hér að neðan er listi
yfir þau 10 atriði sem víðast eru vandamál og hvernig á að
leysa þau þannig að starfsfólki líði betur. Vinnuvernd Gáska
aðstoðaði við samsetningu listans.
1. Almennt eru skrifstofustólar orðnir góðir svo framarlega
sem ekki er valin alódýrasta tegund. En vandamálið er að
starfsmenn kunna ekki alltaf að stilla stólana og þekkja
ekki möguleika þeirra til fulls. Sem sagt - kannið stillingar
stólanna og nýtið þær til fulls!
Hæð borðsins skal miðast við olnboga.
2. Hæð borðsins skiptir máli en hún þarf að miðast við oln-
bogahæð viðkomandi. I viðbót við stillanlegan stól er gott
að hafa stillanlega borðhæð.
3. Til þess að þorðið nýtist sem best og að vinnuaðstaðan sé
viðunandi, þarf að skipuleggja það sem á borðinu er. Það
sem mest er notað þarf að vera næst viðkomandi og mikil-
vægt er að eyða ekki borðplássi í tölvukassann heldur láta
hann vera undir borðinu.
4. Hæðin á skjánum er oft röng. Almenna viðmiðið er að efri
brún á skjá sé í augnhæð viðkomandi - nema því aðeins að
notandi sé með tvískipt gleraugu, en þá þarf skjárinn að
vera neðar. Þeir sem nota fartölvur mikið eiga i stöðugum
vandræðum því ef lyklaborðið er í réttri hæð er nokkuð
vist að skjárinn er það ekki. Það vekur upp þá spurningu
hvers vegna ekki sé fyrir löngu búið að finna upp skjá
með stillanlegri hæð fyrir fartölvur.
Gott er að nota hægri og vinstri hönd til skiptis.
5. Fjarlægð að skjá er oft of mikil eða of lítil. Gott er að miða
við seilingarijarlægð eða 40-70 sm.
6. Mýsnar eru góð hjálpartæki en geta valdið vandræðum þar
sem álagið við að nota þær er mjög einhæft. Gott er að
venja sig á að nota flýtitakkana og eins að skipta um hönd
af og til.
7. Ef skjárinn snýr þannig að það glampar á hann (alltof
algengt) þreytist fólk mikið í augunum og er gjarnan með
höfuðverk eða þreytuverki. Almennt er best að snúa horn-
rétt á glugga.
8. Lýsing á vinnustað er oft vond. Best er að hafa óbeina lýs-
ingu og vera með lampa á skrifborðum til að lýsa beint á
það sem verið er að vinna hverju sinni.
9. Loftræsting þarf að vera góð. Almennt er loftraki of lítill á
Islandi og ekki síst á vinnustöðum þar sem pappír gleypir í
sig loftrakann. Þá skiptir máli að opna glugga og skipta um
loft. Gott er að opna í gegn strax að morgni ef það er hægt.
Ó, ó, þreytuverkur er fljótur að koma.
10. Of langar setur. Þegar setið er við tölvur eða skrifborð
margar klukkustundir á degi hveijum mótmælir líkaminn.
Hann hefur þó ekki hátt lengi vel heldur finnur viðkomandi
fyrir þreytuverkjum en lætur þá yfirleitt sem vind um eyru
þjóta. Mikilvægt er að stoppa sem oftast, teygja sig aðeins
og hreyfa sig. Það þarf ekki að vera langt hlé, 1-2 mínútur
á 30 mín. fresti er ágætt.
Síðast en ekki síst skipta samskipti á vinnustað máli fyrir líðan
fólks og verður það seint ítrekað um of. 33
96