Íslenskt mál og almenn málfræði - 01.01.1994, Qupperneq 24

22
Anna María Gunnarsdóttir...
samanburðarhópnum. Ein leið til að kanna þetta er að reikna óvissubii-
ið fyrir hvern hlustanda. Hugtakið óvissubil er ættað úr sáleðlisfræðinni
og segir til um hversu brött skynkúrfan er, nánar tiltekið spannar það
svarbilið frá 25% til 75% á skynkúrfunum (Aldís Guðmundsdóttir og
Jörgen Pind 1981). Því flatari sem skynkúrfan er þeim mun stærra verð-
ur óvissubilið. Meðalóvissubilin eru tilgreind í töflum 2 og 3 og virðist
munur tilraunahóps og samanburðarhóps að því er breidd óvissubils
varðar vera lítill og reynist reyndar hvergi tölfræðilega marktækur.
4. Umræða
Niðurstöður hlustunartilraunanna sem hér hafa verið raktar renna
tæplega stoðum undir þá kenningu Baldurs og Steingríms að sumar
stafsetningarvillur megi skýra með brenglaðri talskynjun. Við treyst-
um okkur að vísu ekki til að fullyrða að talskynjun skipti engu máli í
stafsetningu en miðað við þær niðurstöður sem hér liggja fyrir verður
að telja ólíklegt að talskynjun skipti verulegu máli. En ástæða þess
að við treystum okkur ekki, á grundvelli þessarar rannsóknar, til þess
að slá því föstu að talskynjunin skipti þar engu máli (þótt niðurstöður
bendi óneitanlega í þá átt) er sú að hugsanlegt er að nákvæmari sundur-
greining þátttakenda kynni að leiða það í ljós að í sumum tilvikum væri
talskynjunin mikilvægur þáttur. Allir einstaklingarnir í þeim tilrauna-
hópi sem hér var rannsakaður höfðu að vísu verið greindir með sértæka
lestrarerfiðleika en hugsanlegt er vitaskuld að þeir séu innbyrðis býsna
ólíkir þrátt fyrir það. Til þess að leita af sér allan grun í þessum efnum
yrði að takast á hendur langtum nákvæmari rannsókn þar sem í senn
færi fram nákvæm greining á stafsetningarleikni hvers einstaklings og
könnun á margvíslegri hugarstarfsemi sem gera má ráð fyrir að komi
við sögu í stafsetningu. Hér væri vitaskuld um æði yfirgripsmiklar
rannsóknir að ræða.
En óvarlegt virðist að gera ráð fyrir því að lausnin á stafsetningarörð-
ugleikum finnist almennt í talskynjun þeirra sem eiga í vandræðum með
rétta stafsetningu (og því héldu Baldur og Steingrímur vissulega ekki
fram). í inngangskafla ritgerðarinnar var nefnd rannsókn Hurfords og
Sanders (1990) sem benti til þess að börn sem eiga erfitt með að læra