Andvari - 01.06.2011, Qupperneq 42

40
GUÐRÚN KVARAN
ANDVARI
Sídari þýðingar Jakobs
Eftir að Jakob fluttist heim 1946 hélt hann áfram að þýða verk Halldórs
Laxness. Árið 1947 kom út Den lyse M0 (Hið ljósa man 1944) og árið
eftir K0benhavn brœnder (Eldur í Kaupinhafn 1946). Eins og áður leið
ekki langur tími frá útgáfu bókanna á Islandi og þar til Jakob hafði þýtt
þær fyrir útgefandann í Kaupmannahöfn.
Árið 1952 kom út síðasta þýðing Jakobs á verkum Halldórs sem
hann vann að í samvinnu við konu sína og er þeirra beggja getið sem
þýðenda. Það var Organistens hus sem kom út á Islandi 1948 undir
heitinu Atómstööin. Þau luku þýðingunni í mars 1950 og var stefnt að
því að gefa hana út þá um haustið. Það dróst þó til 1952 vegna fjárhags-
vandræða Gyldendalsforlagsins. Halldór mun sjálfur hafa stungið upp á
titlinum Organistens hus þar sem forstjóri Gyldendals taldi að íslenski
titillinn gæti fælt lesendur frá.54 Bókin kom út í kiljuútgáfu 1967 og var
titillinn þá Atomstationen.
Þær tíu bækur Halldórs sem Jakob þýddi hafa margsinnis verið
endurprentaðar og ávallt fengið mjög góða dóma í dönskum blöðum.
Hann var í viðtali í Tímanum 23. febrúar 1975 spurður hvort erfitt hefði
verið að þýða bækur Halldórs. Hann svaraði:
Það var ákaflega gaman. Jú, víst var það erfitt, því að Halldór er allt annað
en auðþýddur á erlend mál, en auk þess háði það mér að ég er ekki innfæddur
Dani. Að vísu var ég búinn að eiga heima í Danmörku í mörg ár og það átti víst
svo að heita, að ég kynni dönsku nokkurn veginn sæmilega eins og hún verður
lærð af bókum. En það er nú sama: Útlendingur fær aldrei sömu tilfinningu
fyrir máli og sá maður, sem fæddur er og alinn upp með þeirri þjóð sem málið
talar. Hins vegar bjargaði það mér nrikið, að kona mín er dönsk og hennar lið
var mér alveg ómetanlegt á meðan á þessu verki stóð.55
Hér kemur það fram svart á hvítu að Grethe aðstoðaði Jakob við
þýðingarnar þótt hennar hafi ekki verið getið fyrr en við þýðingu
Atómstöðvarinnar.
Þegar hér var komið á æviferli Jakobs var hann önnum kafinn við
svo mörg verkefni að hann treysti sér ekki til að þýða fleiri bækur
eftir Halldór. Hann lagði þó þýðingar ekki alveg á hilluna en þýddi
fyrir Þjóðleikhúsið tvö leikrit árið 1954. Annað var / deiglunni (The
Crucible) eftir Arthur Miller sem leikhúsið frumsýndi 5. nóvember
1955. Það var tekið til sýningar aftur að vori 1986 og hafði Jakob árinu