Tímarit Þjóðræknisfélags Íslendinga - 01.01.1930, Qupperneq 158

124
TÍMARIT ÞJÓÐRÆKNISFÉLAGS ÍSLBNDINGA
séu samskot tekin, upp í ferðakost-
nað þeirra ungmenna er örðugt ættu
með að kosta ferð sína til Winnipeg,
en það sem inn kæmi umfram þann
kostnað leggist í sjóð, sem helgaður sé
þessu málefni. Ráðið er og til slíkra
samskota, í heimabygðum ungmenna.
8. Þjóðræknisfélagið leggi allar med-
alíur til ókeypis og sjái ungmennum þeim
er keppa í sambandi við þingið fyrir ó-
keypis verustað, þegar þess væri þörf,
á meðan þingið stendur yfir.
9. Stjórnarnefnd félagsins sé falið að
sjá um, á þann hátt, sem henni finnst
við eiga, að, hinn stórmerki viðburður
í sögu íslenzku þjóðarinnar, þúsund ára
minningarhátið Alþingis verði hagnýttur
til þjóðræknisþroska í íslenzkum bygð-
um hér vestra, — þannig að fólki því,
sem ekki á þess kost að fara til Islands
á komandi sumri, verði gefið tækifæri
að kynnast því, sem fram fer á hátíðinni,
svo og sjálfum kjarna hennar.
10. Þingið heimili stjórnarnefndinni.
að verja, á næsta starfsári, alt að
$250.00 til útbreiðslumála.
Dóra Benson,
Thorst. J. Gíslason,
J. J. Bíldfell.
Séra G. Árnason lagði til að nefndar-
álitið væri rætt lið fyrir lið. Samþykt.
1.—3. liður samþyktir umræðulaust.
I sambandi við 4. lið lýsti Guðrún
Priðriksson margra ára framsagnarstarf-
semi Islendinga í Winnipegosis; fór enn-
fremur nokkrum orðum um félagslif og
þjóðrækni þeirrar bygðar og óskaði þess
að Islendingar væru allstaðar jafn sam-
huga. Var svo 4. liður samþyktur.
5.—10. liðir samþyktir umræðulaust,
að öðru en því, að séra R. E. Kvaran,
Rósm. Árnason og Sigurður Magnússon
lögðu áherslu á nauðsyn 10. liðs.
Séra R. E. Kvaran bar þá fram munn-
lega viðaukatillögu við nefndarálitið,
þess efnis, að gefið yrði út á næsta
starfsári, kver þau til kynningar félag-
inu, er út átti að gefa siðastliðið ár. B.
B. Olson studdi.
Séra J. P. Sólmundsson minntist þá á
vanrækslu stjórnarnefndar í sambandi
við útgáfur þær, er síðasta þmg fól
henni að framkvæma.
Ari Magnússon áleit að timarit félags-
ins ætti að geta unnið það útbreiðslu-
starf, er bæklingur þessi væri fyrir-
hugaður til. Ásg. Bjarnason spurði, hve
útgáfa bæklingsins mundi verða dýr.
Rúmlega $100.00 var svarið. Séra G.
Arnason, Sig. Magnússon og Rósm.
Árnason mæltu með útgáfimui. Viðauka
tillagan síðan borin upp, og samþykt.
Nefndarálitið, með áorðnum viðauka var
þá borið upp og samþykt.
Þingstörf hófust aftur næsta dag,
föstudaginn, 28 febrúar, kl. 10.30 ár-
degis.
Fundargerð siðasta fundar upplesin og
samþykt.
Lesin var eftirfarandi skýrsla frá deild-
inni Frón:
Deildin Frón.
Frón hefir þetta ár haft með höndum
íslenzku kenslu eins og að undanförnu
og fylgir hér skýrsla kennara yfir starf
þeirra . Fundir Fróns hafa verið vel
sóttir á þessu ári enda hefir verið vel
til þeirra efnt. Samkepni í framsögn
hefir deildin komið á þetta ár eins og
í fyrra og voru 28 börn sem tóku þátt
i henni. Var börnunum skift í 3 flokka
og voru 2 medaliur gefnar að verðlaunum
í hverjum flokk. Hlutu þessi börn verð-
laun: I fyrsta flokk: 1. Lilja Johnson,
4 ára, 2. verðlaun Kristján Thorsteins-
son, 7 ára. I öðrum flokk; 1. Lillian
Baldwin, 11 ára, og 2. verðlaun Stefán
Pálmason 11 ára. I þriðja flokk 1. verð-
laun Jónas Thorsteinsson og 2. verðlaun
stúlkur er voru jafnar Ragnheiður John-
son 12 ára og Sesselja Bardal 12 ára.
Hafa þessar samkomur vakið mikinn
áhuga hjá börnum fyrir viðhaldi íslenzk-
urnar og er vonandi að hægt verði að
halda þessum samkepnum áfram. I ráði
er á þessum vetri að hafa samkepni
fyrir börn í lestri og er mjög víst að
mörg taka þátt í þvi. Aðal samkoma
Fróns á árinu var Miðsvetrarmótið. I
Þetta sinn var Frón svo heppið að fá
hr. Á. Pálsson sem aðalræðumann. Auk
hans á skemtiskrá sungu þeir Ragnar E.
Kvaran og Halldór Thórólfsson ein-