Tímarit Þjóðræknisfélags Íslendinga - 01.01.1930, Side 164

34
TÍMARIT ÞJÓÐRÆKNISPÉLAGS ÍSLENDINGA
Endurskoðað álit húsnæðis- og bóka-
safnsnefndar kom þá fyrir þingið, lesið
og skýrt af séra H. Marteinssyni.
(sjá fylgiskjál nr. 22)
Tillaga frá Á. Eggertssyni að taka
álitið fyrir lið fyrir lið, samþykt.
1 sambandi við 1. lið gerði A. Magn-
ússon fyrirspurn um kostnað og tilhög-
un við útlán bóka. Var því efni visað til
reglugerðar, sem þegar hefði verið sam-
in og samþykt á fyrra þinginu. Lagt ti)
(S. Vilhjálmsson) og stutt, að viðtaka
1. lið. Samþykt.
Lagt til (Á. Eggertsson), og stutt, að
viðtaka 2. lið. Samþykt.
Lagt til (Á. Eggertsson), og stutt, að
viðtaka 3. lið. Samþykt.
Nefndarálitið síðan samþykt 1 heild.
Sigurður Vilhjálmsson bar því næst
fram þá tillögu, að fela stjórnarnefnd-
inni að láta prenta lög félagsins. Þórður
Bjarnason studdi. Samþykt með öllum
greiddum atkvæðum.
Miimisvarða- og hátíðarmálið var þá
tekið á dagskrá. Skriflegt nefndarálit
hafði nefndin ekki samið. Hafði B. B.
Olson orð fyrir nefndinni, og taldi æski-
legt að fela stjórnarnefndinni meðferð
málsins. I sambandi við hugmynd nefnd-
arinnar um allsherjar hátíð Islendinga
á einhverjum einum stað, gat séra F. A.
Friðriksson þess, að þátttaka Vatna-
bygðar væri mjög vafasöm, þar eð bygð-
in sjálf væri í þann veginn að ákveða
að hafa tilkomumikla Alþingishátíð. Sr.
R. Marteinsson kvað sér þykja vænt um
þær fréttir, og væri hann að komast á
þá skoðun, að heppilegast væri, eins og
málin horfðu nú við, að hver bygð hefði
sín hátíðarhöld.
Forseti bað þá varaforseta að taka
við fundarstjórn í bili, og ávarpaði þing-
ið. Varaði hann við að fela stjórnar-
nefndinni þetta mál, þótt ekki væri fyrir
annað en það, að einhver meirihluti
hennar kynni að verða heima á Islandi
í sumar um það leyti er hátíðin þyrfti
að undirbúast og fara fram hér vestra.
Lagði hann til að skorað yrði á þing-
nefndina að starfa áfram í þessu máli i
samvinnu við minnisvarðanefnd Gimli-
bæjar. Séra J. P. Sólmundsson studdi,
og taldi æskilegt að hátíðarnefndir allra
íslenzkra bygða ættu svo mikla sam-
vinnu sem unt væri á sumrinu, og gæt.i
það ef til vill að lokum orðið Gimli-
hátíð að hausti komanda til gengis —
sem vel væri verðskuldað; því eins og
Winnipeg væri “Reykjavík” Vestur-ls-
lendinga, svo væri og Gimli þeirra Þing-
vellir. B. B. Olson þakkaði þá velvild-
arorð þingmanna í garð Gimlibygðar.
Var því næst gengið til atkvæða og til-
lagan samþykt í einu hljóði.
önnur störf lágu eigi fyrir þessu þingi.
Hjálmar Gíslason lagði til, að þing-
heimur efndi til samkomu að kvöldinu,
kl. 8; J. K. Jónasson studdi; samþykt.
A. Eggertsson lagði til að fresta fundi
til kvölds; stutt og samþykt. Fundi
frestað.
Var fundur aftur settur að kvöldi kl. 8.
Fundargerðir tveggja síðustu fund-
anna voru upp lesnar og samþyktar, er
tvö atriði höfðu verið leiðrétt.
Hófst þá samkoman undir stjórn séra
Jónasar A. Sigurðssonar, og var skemti-
skráin þessi:
Séra Guðm. Árnason flutti ræðu; birt-
ist kafli úr henni i Heimskringlu mið-
vikudaginn 12. marz.
Séra Jónas A. Sigurðsson flutti kvæði
sitt, “Skáldið”.
Sigfús Halldórs frá Höfnum söng ein-
söngva með aðstoð ungfrú Þorbjargar
Bjarnason pianóleikara.
Séra Friðrik A. Friðriksson flutti
ræðu.
Þá sungu S. H. frá Höfnum og séra
R. E. Kvaran nokkra söngva með að-
stoð frú Gertrude Friðriksson.
Samkoma þessi var óundirbúin skyndi-
samkoma, en sæti voru fullskipuð, og
virtist fólk skemta sér hið bezta.
Um leið og samkomunni lauk, var hinu
11. ársþingi Þjóðræknisfélags Islendinga
í Vesturheimi slitið. Hafði það verið
fjölsótt og friðsælt starfsþing.
Eftir þingslit hurfu sumir heim á leið,
en fleiri héldu niður í samkvæmissalinn
og settust að gómsætum veitingum, er
“Fróns”-konur báru á borð. Var svo
tekið að syngja íslenzka ættjarðar-
söngva og sungið fram á nótt.
Friðrilc A. Friðriksson,
settur skrifari.