Tímarit Þjóðræknisfélags Íslendinga - 01.01.1936, Síða 142

124
Tímarit Þjóðrœlmisfélags íslendinga
þá hafa þeir ekki getaö sótt fundi reglu-
lega, en yfirleitt hafa nefndarfundir veriö
vel sóttir. Forseti og ritari hafa sótt alla
fundi og því gegnt þeim störfum án aö-
stoðar. Samvinna í nefndinni hefir veriö
góð og er það mikils virði, ef mál eiga að
ganga greiðlega. Öllum þeim málum, sem
nefndinni voru falin á hendur, hefir hún
reynt að gjöra einhver skil. Sum hefir hún
afgreitt og í öðrum gjört þær framkvæmd-
ir er henni var unt. Einnig hafa ýms mál,
er komu upp á árinu, verið tekin til íhug-
unar og framkvæmda.
Geta má þess í sambandi við útvarpið
frá íslandi, að ritara var falið á hendur
að skrifa ráðherra íslands um árangur
þess merkilega atburðar í sögu íslendinga.
Kom aftur mjög hlýlegt bréf til Þjóð-
ræknisfélagsins og allra íslendinga, og er
sú ósk látin í ljósi að slík útvörp geti hald-
ið áfram i nálægri tíð..
Á árinu hefir stjórnarnefndin haft ý'ms
mál með höndum, sem leita hefir þurft að-
stoðar og álits fólks utan Þjóðræknisfé-
lagsins og langar mig til að geta þess hér
að öll slík hjálpsemi var svo fúslega veitt
að ástæða er fyrir nefndina að votta þakk-
læti fyrir. Mér er áhætt að segja að á
þessu ári hefir nefndin orðið vör við meiri
hlýleik og samvinnuhug og áhuga fyrir
starfi Þjóðræknisfélagsins en að undan-
förnu, hjá utanfélagsfólki. Er það mark-
vert tákn timanna og bendir ótvíræðlega í
áttina til þess að íslendingar hér yfirleitt
eru meir og meir farnir að hugsa um sann-
leiksgildi orðskviðarins: “Sameinaðir
stöndum vér, en sundraðir föllum vér.” Ef
þjóðararfur og kynstofn íslendinga er eins
þarfur þáttur í menningu og lífi voru eins
og hingað til hefir verið haldið fram, þá
er hann sannarlega þess virði að íslend-
ingar hér sem heild taki saman höndum
og leggi eitthvað í sölurnar fyrir það sem
getur gjört oss og afkomendur vora að nýt-
ari mönnum og konum. Enginn einn fé-
lagsskapur meðal íslendinga gæti komið
meiru til leiðar í þessum efnum en Þjóð-
ræknisfélagið, ef allir íslendingar væru
samhuga um stefnu þess og starf. Auð-
vitað hlýtur eitt mikilvægasta starfssvið
félagsins að vera að sameina krafta ís-
lendinga hér í álfu í eina heild til að vinna
að heill og velferð þeirra í þessu landi
jafnframt og að gefa þessu þjóðfélagi af
því bezta sem er í fari þeirra. Hvílíkir
starfskraftar væru þá ekki framleiddir og
hve miklu væri þá ekki hægt að koma til
leiðar þegar heildin starfaði í einingu að
sínum velferðarmálum. Alt bendir til að
þetta sé mögulegt. Þar sem viljinn er, þar
er möguleikinn . Fleiri hendur eru nú út
réttar til að efla þau mál er íslendingar
hafa með höndum en áður og ætti það að
vera markmið Þjóðræknisfélagsins á þessu
komandi ári að styrkja þau tengsl er geta
tengt alla íslendinga bræðraböndum í starfi
þeirra. Kæru vinir, Þ jóðræknisfélagið
getur orðið sú samvinnuheild, án þess að
koma í bága við nokkur önnur félög, sem
starfa meðal íslendinga, er lyft getur þeim
upp til fullkomins frama, og við skulum
vona að það eigi eftir að verða að veru-
leika.
Bergthor Emil Johnson.
Guðmann Levy lagði til og séra B.
Theodore Sigurðsson studdi, að skýrslan
sé viðtekin með þakklæti. Samþykt.
Skýrslur féhirðis og fjármálaritara
lesnar af Guðmann Levy.
Reikningur féhirðis.
yfir tekjur og gjöld Þjóðræknisfélags Is-
lendinga í Vesturheimi frá 15. febr. 1935
til 15. febr. 1936.
TEKJUR
15. febr. 1936—
Á Landsbanka Islands ........$ 10.00
Á Royal Bank of Canada....... 1,614.57
Á Can. Bank of Commerce. .. . 1,349.96
Frá Fjármálaritara ........... 306.82
Gjafir í Rithöfundasjóð...... 20.50
Fyrir gamlar auglýsingar .... 9.19
Fyrir auglýsingar 1934 og ’35.. 1,312.25
Fyrir fyrirl. Ásg. Ásgeirssonar 149.40
Borguð húsaleigu skuld....... 18.99
Bankavextir ................... 48.70
$4,839.39
GJÖLD
15. febr. 1936—
Til ísl. kenslu, deildin Brúin. .$ 35.00
Til áhalda við ísl. kenslu í Wpg. 4.15
Skólahús leiga .................. 75.00
Fundarsalsleiga.......... 58.00
Ritstjóralaun við Tímaritið.. 100.00