Árbók VFÍ/TFÍ - 01.06.2010, Blaðsíða 9

Formálar
ÁVARP FORMANNS VFÍ
Ekki er hægt að segja annað en að starfsemi Verkfræðingafélags -------------
Islands hafi verið blómleg á síðasta starfsári. Félagið stóð fyrir Jóhanna Harpa Ámadóttir
fjölda viðburða af ólíkum toga og sinnti þannig faglegu og formaðurVFf
félagslegu hlutverki sínu. Á aðalfundi félagsins í marsmánuði ---------
2009 var samþykkt kauptilboð í eignarhlut félagsins í Engja-
teigi 7. Ástæðan fyrir sölunni var einföld, að borga upp skuldir
félagsins. Óvissa í efnahagsmálum landsins og hvernig fast-
eigna- og leigumarkaðurinn myndi þróast gerði söluna ákjósanlega. Þegar kostirnir voru
skoðaðir, að selja eða eiga áfram, var gengið út frá ákveðinni þróun hagstærða. Litið til
baka sést að þau viðmið sem gengið var út frá voru síst of svartsýn varðandi verðbólgu-
og vaxtaþróun.Við uppgjör hússjóðs fyrir seinasta rekstrarár var tæplega 23 milljóna
króna hagnaður. Hefði eignin aftur á móti ekki verið seld hefði tap upp á tæplega sex
milljónir króna verið staðreynd.Tekjurýrnun vegna minnkandi leigutekna var hugsan-
lega eitthvað minni en ráð var fyrir gert en mun koma af fullum þunga á þessu rekstrar-
ári. Ef stjórn félagsins hefði ekki brugðist við með þessum hætti og stæði frammi fyrir því
að selja eignina í dag hefði hagnaðurinn enginn orðið, þrátt fyrir fullar afborganir lána.
Það er því skoðun mín að sala eignarinnar hafi verið afar farsælt skref og er félagið í dag
skuldlaust.
Verkfræðingafélag Islands samanstendur af einstaklingum með sömu menntun en ólíkan
bakgrunn og starfsreynslu. Að vera í samfélagi kollega hefur gildi í sjálfu sér. Þannig
eflast tengslin og menn kynnast. Staðreyndin er sú að oftar en ekki verður maður margs
vísari af því að hitta starfsfélaga við hin ýmsu tækifæri á vettvangi félagsins. í dag er
framboð mikið af hverskyns félagsstarfi og því samkeppni um tíma fólks mikil. Þrátt fyrir
það eru viðburðir þeir sem félagið stendur fyrir, eitt og sér eða í samstarfi við TFÍ og SV,
vel sóttir.
Eftir umræðu innan stjórnar félagsins var ákveðið að hefjast handa við endurskoðun á
siðareglum félagsins og standa fyrir umræðum henni tengdum . Málþing var haldið
9. október 2009 og var þar með upptakturinn sleginn í vinnu við gerð nýrra siðareglna.
Málþingið tókst mjög vel og undirstrikaði enn frekar þörfina á því að stíga þetta skref.
Því næst tók við skipulagning vinnufundar sem haldinn var þann 5. mars 2010. Vinnu-
fundurinn var með „þjóðfundarformi" en þátttakendur voru þverskurður af verkfræði-
stéttinni. Þeir voru boðaðir með slembiúrtaki úr skrá iðnaðarráðuneytisins yfir starfs-
leyfishafa og félagaskrá en félagsmenn voru sérstaklega hvattir til þess að taka þátt. Með
þessum hætti var reynt að tryggja að sjónarmið ólíkra einstaklinga kæmu fram og skap-
aður vettvangur fyrir umræðu.
Endurgjöfin af vinnufundinum var ríkuleg og höfðu margir þátttakendur á orði hversu
ánægjulegur dagurinn var. Allir voru sammála um mikilvægi siðareglna félagsins og að
þær eigi að leiða til betri ákvarðana. Undirstrikað var mikilvægi lifandi umræðu og
stöðugrar þróunar. Samantekt á því sem kom fram á vinnufundinum var sá efniviður
sem nefnd um endurskoðun reglnanna hafði til að byggja á. í júní voru drög að nýjum
siðareglum lögð fyrir stjórnina. Vil ég nota þetta tækifæri og þakka nefndarmönnum fyrir
farsælt og gott starf.
Félagsmál VFl/TFl
7