Árbók VFÍ/TFÍ - 01.06.2010, Blaðsíða 10
I nóvembermánuði 2010 stóð VFÍ fyrir ráðstefnu um verkfræði og siðferðileg álitamál.
Þar voru drög að nýjum siðareglum k>mnt og fyrirlesarar fjölluðu um málið frá marg-
víslegu sjónarhorni. Ráðgert er að leggja nýjar siðareglur VFÍ fyrir aðalfund félagsins í
marsmánuði 2011 til samþykktar.
Sem fyrr hafa menntunarmál verið mikið til umræðu innan VFÍ. í fjárlagafrumvarpi
komandi árs var boðaður mikill niðurskurður í framlögum til háskólanna. Kom verulega
á óvart að mestur niðurskurður er boðaður í framlögum til tækni- og raungreina.
Stjórnvöld verða að axla þá ábyrgð að marka langtímastefnu um menntun og hlutverk
háskólanna í samvinnu við háskólasamfélagið. Á meðan ekki er til staðar stefnumótun
eða framtíðarsýn um menntun á háskólastigi á íslandi er ekki hægt annað en að túlka
þessar aðgerðir sem stefnumarkandi fyrir málaflokkinn. Forystu félagsins er fyrir-
hugaður niðurskurður áhyggjuefni og var það erindi fundar með ráðherra menntamála,
Katrínu Jakobsdóttur, 28. október sl.
Ráðherra sýndi málinu skilning en taldi að stjórnendur skólanna hefðu verið upplýstir
um fyrirhugaðar breytingar á líkani því, sænsku að uppruna, sem lagt er til grundvallar
útreikningum á nemendaígildum. Því hefði niðurstaðan ekki átt að koma á óvart. Hvert
svo sem upplýsingaflæðið hefur verið samhliða vinnu við fjárlögin er ljóst að víðtækara
samráð hefði þurft að eiga sér stað á milli ráðuneytisins, stjórnenda háskólanna og ann-
arra sérfræðinga eftir því sem við á. Verkfræðingafélag íslands mun hér eftir sem hingað
til standa vörð um hið lögvemdaða starfsheiti og gæði verkfræðinámsins. Mikilvægi þess
kemur hvað best í ljós á tímum niðurskurðar og erfiðs atvinnuástands.
Á seinustu árum hefur vinnuumhverfið og þjóðfélagið sjálft tekið miklum breytingum.
Hið nýja umhverfi hefur ekki einungis tekið til starfa verkfræðinga við verkfræðistörf
heldur hafa verkfræðingar orðið eftirsóttir til annarra starfa. Lengst af nægði viðhorf
fólks til fagsins sem siðferðilegur grundvöllur starfstéttarinnar. En eftir því sem verkefnin
hafa orðið flóknari og viðameiri, og starfssviðum hefur fjölgað, hefur þörfin aukist fyrir
einfaldar almennar grundvallarreglur. Reglur sem geta þjónað sem siðlegur hornsteinn
allra hugsanlegra starfa sem verkfræðingar takast á hendur í krafti menntunar sinnar.
Hafandi gegnt veigamiklu hlutverki í uppbyggingu lands og samfélags eru verkfræð-
ingar sér meðvitaðir um að taka þátt í þeim breytingum sem nú eiga sér stað. Með því að
fara í mnri skoðun sem þessa, sem hinar nýju siðareglur eru, er stéttin að taka hlutverk
sitt alvarlega og sýna að hún ætlar sér áfram að vera traustsins verð, eins og hún hefur
verið fram til þessa.
Bergþór Þormóðsson
formaðurTFÍ
ÁVARP FORMANNS TFÍ
Á þessu ári fagnar Tæknifræðingafélag íslands 50 ára afmæli.
Félagið var stofnað 6. júlí 1960 af hópi tæknimenntaðra manna sem
vildu öðlast viðurkenningu á námi sínu. Félagið hefur ávallt staðið
vörð um menntun tæknifræðinga og þær kröfur sem lagðar eru til
grundvallar því að fá heimild til að nota lögverndað starfsheiti
stéttarinnar.
Tæknifræðingafélagið stuðlaði á árunum 1962 og 1963 að undirbúningsnámskeiðum
fyrir þá sem hugðust halda utan til náms í tæknifræði. Mjór er mikils vísir því þetta
reyndist upphafið að stofnun Tækniskóla íslands árið 1964. Tækniskólinn varð síðar
viðurkenndur sem háskóli, Tækniháskóli fslands, sem síðar sameinaðist Háskólanum í
Reykjavík.
Tæknifræðingafélagið var, ásamt öðrum, frumkvöðull að stofnun Endurmenntunar-
stofnunar Háskóla Islands fyrir um þrjátíu árum. Sú menntastofnun hefur síðan vaxið og
dafnað og veitir fjölda fólks endurmenntun á fjölmörgum sviðum vísinda og menningar.
8
Arbók VFl/TFl 2010