Árbók VFÍ/TFÍ - 01.06.2010, Blaðsíða 162

BIONIC vörur
C~ 'N
ARTIFICtAL INTEILIGENCE REPLACES CNS
BIONIC módelið sýnir hringrásina
Skynjun - Greining - Framkvæmd.
Stoðtækjum Össurar má skipta í mekanísk stoðtæki
og hátækni stoðtæki, BIONICS. BIONIC-vörulínan
samanstendur af örgjörvastýrðum stoðtækjum;
Proprio Foot fætinum, Rheo Knee hnénu og Power
Knee hnénu, sem er fyrsta og eina mótordrifna
gervihnéð í heiminum. Fyrsta kynslóðin af Power
Knee kom út árið 2006 og síðar á þessu ári mun
Össur setja á markað aðra kynslóð af hnénu þar
sem gríðarlegar betrumbætur hafa verið gerðar á
hugbúnaði, stýringum og vélbúnaði.
Öll þróunarvinna og framleiðsla á BIONIC-vörum
Össuarar, koltrefjafótum og silíkonhulsum fer fram
á Islandi en notendaprófanir og klínískar prófanir
eru framkvæmdar víðs vegar um heiminn.
Örgjörvastýrð stoðtæki hafa þann kost að geta lært
á göngulag notandans og lagað sig samtímis að
breytilegu umhverfi, mismunandi gönguhraða og
skreflengd. Lýsa má öllum BIONIC-kerfunum með
þriggja fasa hringrás: Skynjun - Greining - Fram-
kvæmd. Skynjarakerfi koma í stað aflnema líkam-
ans og nema merki frá umhverfinu og notandanum
sjálfum. Gervigreind og tölvustýring greina hráar
upplýsingar frá skynjurum og taka ákvarðanir líkt
og miðtaugakerfið. Hreyfing er því næst fram-
kvæmd samkvæmt skipunum frá örgjörva og
hringrásin heldur áfram.
Power Knee
Power Knee er fyrsta og eina mótorstýrða gervi-
hnéð á markaðnum. Hnéð hefur það fram yfir
önnur tölvustýrð hné að vera mótordrifið og gefur
notandanum því kraft sem kemur í stað vöðva-
krafts sem ekki er til staðar. Þessi kraftur, sem stýrt
er af gervigreindinni, gerir notandanum kleift að
spara orku, fullkomna göngulag, dreifa álagi jafnt
og rétt á líkamann og framkvæma hreyfingar sem
annars væru ómögulegar.
Notkun gervifóta fylgir gríðarlegt álag á bak,
mjaðmir og á heila fótinn og er það stærsti þátt-
urinn í því að keppst er við að hanna gervifætur
sem líkja eftir virkni raunverulegra fóta eins vel og
hægt er; til þess að gefa líkamanum rétt álag og þar
með verjast ótímabæru sliti. Þeir sem missa fót
ungir sjá fram á áratuga notkun gervifóta og því er
nauðsynlegt að bjóða upp á fætur sem henta
hverjum og einum, gera notandanum kleift að
stunda þann lífstíl sem hann kýs en á sama tíma
hlífa öðrum líkamshlutum þannig að viðkomandi
endist sem lengst á „fótum".
1 6 o
Arbók VFl/TFÍ 2010