Uppeldi og menntun - 01.07.2014, Blaðsíða 129
Uppeldi og menntUn/icelandic JoUrnal of edUcation 23(2) 2014 129
maría hildiþórsdóttir
breyta hugtökum sem vísa til fatlaðs fólks, þannig að hugtakið fáviti verður t.d. tekið
út úr hegningarlögum Íslendinga.
Fötlun og menning: Íslandssagan í öðru ljósi er metnaðarfullt rit sem gagnast fötl-
uðu fólki, foreldrum, fagstéttum sem vinna með fötluðu fólki, svo og áhugafólki um
réttindi og jöfnuð fatlaðs fólks. Allt lesefni sem fjallar um fatlað fólk þarf að vera að-
gengilegt fötluðu fólki og hefði það aukið mjög gildi bókarinnar ef texti á auðskildu
máli hefði verið við lok hvers kafla. Þá væri innihald bókarinnar aðgengilegt fyrir fólk
með þroskahömlun og þeim sem eiga erfitt með að lesa flókinn texta. Það er að mínu
mati upplýsandi og gagnlegt að horfa til fortíðar eins og gert er í bókinni og gera sér
grein fyrir þeim viðhorfum sem lifað hafa í gegnum aldir og lifa góðu lífi enn. Bókin
er mikilvægt innlegg í umræðuna um birtingarmyndir fötlunar í menningu okkar
og undirstrikar mikilvægi þess að orðræðan um fatlað fólk lýsi virðingu og jafnræði,
hvort sem það er í riti eða annarri listsköpun. Vissulega geta verið skiptar skoðanir
um túlkun og framsetningu listar og hvernig beri að túlka listræn gildi. Ég hefði þegið
meiri umfjöllun um listnám fatlaðs fólks og hvernig megi stuðla að auknum menntun-
armöguleikum fatlaðra listamanna.
Þeir sem koma fram undir merkjum fötlunarfræða hafa þeim rannsóknarskyldum
að gegna gagnvart fötluðu fólki að birta myndir af lífi fatlaðs fólks og vekja með því
athygli á hvernig megi bæta hag fatlaðs fólks í samfélaginu. Ég tel bókina Fötlun og
menning vera slíkt rannsóknarrit, og óska höfundum og ritstjórum til hamingju með
metnaðarfullt verk.
UM HÖfUnDinn
María Hildiþórsdóttir (maria@sjonarholl.net) er framkvæmdastjóri Sjónarhóls, ráð-
gjafarmiðstöðvar fyrir foreldra barna með sérþarfir. Hún lauk B.Ed.-prófi frá
Kennaraháskóla Íslands 1984, diplómanámi í sérkennslu árið 1993 og M.Ed.-prófi frá
Kennaraháskóla Íslands árið 2006. Hún hefur unnið við sérkennslu á grunn- og fram-
haldsskólastigi og vann hjá Fjölmennt, þekkingar- og símenntunarmiðstöð fyrir fatlað
fólk, um árabil. María hefur einnig unnið við skammtímadvöl, sumardvöl og búsetu
fyrir fatlað fólk.