Helgafell - 01.04.1944, Qupperneq 175

BÓKMENNTIR
149
fræðibókar um málvísindi, The Gift of Tongues
(Allan & Unwin, 12/6) eftir Margaret Schlauch.
E. S. Brates gefur út greinasafnið Interirafjic
(Cape, 8/6), þar sem ræðir um þýðingar úr
einu máli á annað, mörg dæmi, sem til íhug-
unar mættu verða. The Heritage of Symbolism
Macmillan, 15/—), eftir C. M. Bowra fjallar
um verk eftir fimm heimskunn ljóðskáld, Valéry,
Rilke, George, Blok og Yeats. Channel Pac\et
(Hogarth press, 12/—) eftir Raymond Mortimer,
bókmenntagagnrýnanda blaðsins New Statesman,
er safn ritgerða um ýms kunn verk úr ensk-
um og frönskum bókmenntum, og á þau litið
frá sjónarhóli nútímans.
Af bókum um enskar bókmenntir skal
hér fyrst getið hinnar ágætu skrár, English
Library, An Annotated List of 13Q0 Classics
(National Book Council, 2/—), er Seymour
Smith bókavörður hefur tekið saman, en skáld-
ið Edmund Blunden ritað formála að, þar sem
hann gerir grein fyrir merkustu enskum höf-
undum þessa tímabils og verkum þeirra, af
stakri alúð og dómgreind. Literature of England,
A. D. 500—1942 (Longman, Green & Co, 7/6)
eftir W. J. Entwistle og E. Gillet, hefur mikinn
fróðleik að geyma, en er sumsstaðar nokkuð
stuttaraleg. Góð handbók. — I ár hafa komið
út í nýrri útgáfu tvö ágæt safnrit, The Treasure
of English Prose og The Treasure of English
Aphorisms, (Constable, 7/6 hvor), en safn
þetta hefur tekið saman einhver mesti snilling-
ur Englendinga á óbundið mál, Logan Pearsall
Smith.
Á þessu ári hafa komið út rit um fjögur stór-
menni brezkra bókmennta. Evelyn Hardy dregur
upp mynd af John Donne. A Spirit in Conflict
(Constable, 10/6), lýsir lyndiseinkunn og sam-
tíð þessa ljóðskálds, sem einna beztum tökum
hefur náð á ensku máli, samtíðarmanni Shake-
speares. Catherine Mac Clean lýsir með stakri
nákvæmni æviatriðum og örlögum brezka upp-
reisnarmannsins og ,,útlagans‘‘ Williams Hazlitts
í bókinni Born Under Saturn (Collins, 21/—), en
Hazlitt var í röð hinna skörpustu og djúpsæjustu
enskra greinahöfunda. Josef Hone ritar fyrstur
ýtarlega ævisögu írska skáldsins W. B. Yeats
(Macmillan, 25/—) og styðst þar við heimildir,
sem ekki hafa verið áður birtar. — Hinsvegar
túlkar David Cecil alveg ný sjónarmið í merkri
bók um Hardy, Hardy the NoVelist, (Con-
stable, 7/6). Utan Englands hefur Hardy ekki
verið metinn sem skyldi. — Hér má geta kvers
eftir Max Beerbohm um sagn- og sálfræðinginn
Lytton Strachey (Cambridge University Press,
1/6), og bókar eftir Jan\o Lavrin um hinn mikla
rússneska rithöfund Dostojevsky (Methuen, 7/6).
Ut hefur komið fjöldi annarra ævisagna um
heimskunna og lítt kunna einstaklinga. Duff
Cooper skrifar um Davíð konung, David (Cape,
7/) og greinir þar á sagnfræðilegan hátt frá
þessari miklu, torræðu og andstæðufullu per-
sónu frá árdögum sögunnar, sem orðið hefur
viðfangsefni skáldum allra tíma. A. E. Williams
lýsir í Barnardo of Stepney (Allen & Unwin,
12/6) lífsstarfi og skapgerð þessa nútíma-,,dýr-
lings“, sem bjargaði þúsundum munaðarlausra
barna á síðustu áratugum 19. aldar úr eymd og
örbirgð í Eastend í London. Frh.
Helgafelli væri þökk á, að lesendur þess sendu því örstuttar bendingar um nýlegar erlendar
bækur, sem þeir hafa kynnzt af eigin reynd eða haft af spurnir eftir trúverðugum heimildum,
ef þeir telja, að þær eigi sérstakt erindi til íslenzkra lesenda.