Skessuhorn - 17.12.2014, Blaðsíða 42
42 MIÐVIKUDAGUR 17. DESEMBER 2014
GRUNDARGÖTU 30, 350 GRUNDARFIRÐI
SÍMI: 430 8500, FAX: 430 8501
Grundarfjarðarbær
Auglýsing um breytingu á aðalskipulagi Grundarfjarðar 2003-2015
Aðveitustöð – Aðalskipulagsbreyting
Bæjarstjórn Grundarfjarðarbæjar hefur samþykkt á fundi 11. desember 2014
að auglýsa „Lýsingu“ samkvæmt 1. mgr. 30. gr. skipulagslaga nr. 123/2010
.
Meginmarkmið aðalskipulagsbreytingarinnar er að bæta afhendingaröryggi
raforku á svæðinu með færslu tengivirkis í aðveitustöð og lagningu jarð-
strengja, auk þess að færa tengivirki fjær íbúðarbyggð. Markmiðið er einnig að
breytingin valdi sem minnstri röskun á umhverfinu til lengri og skemmri tíma.
Sjá nánar í lýsingu.
Lýsingin verður aðgengileg á vef Grundarfjarðar, www.grundarfjordur.is og
á skrifstofu skipulags- og byggingarfulltrúa, Borgarbraut 16 á skrifstofutíma
frá 10-14 frá 17. desember 2014 til 8. janúar 2015. Þeir sem telja sig eiga
hagsmuna að gæta eru hvattir til að kynna sér lýsinguna og koma ábendingum
eða athugasemdum á framfæri, skriflega til skipulags- og byggingarfulltrúa
Grundarfjarðar, Borgarbraut 16, 350 Grundarfjörður eða á netfangið
bygg@grundarfjordur.is í síðasta lagi 8. janúar 2014.
Auglýsing um nýtt deiliskipulag vestan Kvernár - Aðveitustöð
Bæjarstjórn Grundarfjarðarbæjar hefur samþykkt á fundi
11. desember 2014 að auglýsa nýja deiliskipulagstillögu
samkvæmt 41. gr. skipulagslaga nr. 123/2010.
Skipulagssvæðið er áætlað fyrir eina iðnaðarlóð og aðkomu að henni. Á lóðinni
sem er 4.900m² að stærð, er heimilt að reisa allt að 620m² byggingu. Hámarks-
hæð húss er 9.25m frá gólfi jarðhæðar. Skipulagssvæðið sem er rúmir 7.6ha
er suðaustan þéttbýlisins og liggur á milli ánna Gilóss og Kvernár.
Sjá nánar í deiliskipulagstillögu og greinagerð.
Deiliskipulagstillagan og greinagerðin verður aðgengileg á vef Grundar-
fjarðar, www.grundarfjordur.is og á skrifstofu skipulags- og byggingarfulltrúa,
Borgarbraut 16 á skrifstofutíma frá 10-14 frá 17. desember 2014 til 29. janúar
2015. Þeir sem telja sig eiga hagsmuna að gæta eru hvattir til að kynna sér
deiliskipulagið og koma ábendingum eða athugasemdum á framfæri, skriflega
til skipulags- og byggingarfulltrúa Grundarfjarðar, Borgarbraut 16,
350 Grundarfjörður, í síðasta lagi 29. janúar 2014.
Auglýsing um breytingu á deiliskipulagi Framness
Bæjarstjórn Grundarfjarðarbæjar hefur samþykkt á fundi
11. desember 2014 að auglýsa breytingu á deiliskipulagi
samkvæmt 43. gr. skipulagslaga nr. 123/2010.
Deiliskipulagsbreytingin felst í sameiningu lóða 4b og 6 á Nesvegi í
lóð 6. Lóðarmörk lóðar 4 breytast jafnframt á móti lóð 6. Nýtingarhlutfallið
breytist úr 0.90 í 0.95. Mesta leyfilega hæð mannvirkis verður 16m.
Sjá nánar upplýsingu á breytingu á deiliskipulagi.
Deiliskipulagstillagan verður aðgengileg á vef Grundarfjarðar,
www.grundarfjordur.is og á skrifstofu skipulags- og byggingarfulltrúa,
Borgarbraut 16 á skrifstofutíma frá 10-14 frá 17. desember 2014 til
29. janúar 2015. Þeir sem telja sig eiga hagsmuna að gæta eru hvattir til
að kynna sér breytinguna og koma ábendingum eða athugasemdum á fram-
færi, skriflega til skipulags- og byggingarfulltrúa Grundarfjarðar,
Borgarbraut 16, 350 Grundarfjörður, í síðasta lagi 29. janúar 2014.
Sigurbjartur Loftsson
Skipulags- og byggingarfulltrúinn í Grundarfirði
Hvað fær ungan kennara og jóga-
kennara til að fara úr kennslu í fjöl-
mennum, nýlegum skóla í Reykja-
vík, til að kenna í fámennum skóla
vestur í Dölum? Þetta er spurn-
ing sem vert er að velta fyrir sér og
spyrja Þórdísi Eddu Guðjónsdóttur
um. Hún flutti til Búðardals í haust
og hóf kennslu við Auðarskóla eft-
ir að hafa kennt um árabil í Ing-
unnarskóla í Grafarholti í Reykja-
vík. „Síðan ég byrjaði að kenna þá
hefur mig alltaf langað að prófa að
kenna úti á landi. Ég er sjálf úr sveit
og gekk í lítinn skóla og langaði því
að vita hvernig það væri að kenna í
minni skóla. Núna var akkúrat tím-
inn fyrir mig að breyta til og þeg-
ar ég sá að auglýst var eftir kennur-
um hingað í Auðarskóla bað ég um
ársleyfi frá Ingunnarskóla, sem ég
fékk, og sótti hér um.“
Ljúft að kenna aðeins
tólf krökkum
Þórdís Edda segir svolítil viðbrigði
hafa verið fyrst að kenna í svo fá-
mennum skóla. „Ég held ég hafi þó
verið nokkuð fljót að aðlagast því.
Ég vinn með frábæru fólki, sem
er boðið og búið að hjálpa mér og
leiðbeina. Mér finnst t.d. mjög ljúft
að vera með aðeins tólf nemend-
ur í bekknum mínum því ég kynn-
ist einstaklingnum miklu betur en
í stærri bekkjum. Það er nefnilega
mikilvægt að einstaklingurinn fái
að njóta sín. „Hún segist finna mun
á krökkunum. Dreifbýliskrakkarn-
ir hugsi aðeins öðruvísi en borgar-
börnin. „Já, mér finnst það, enda
kannski ekki skrítið þar sem við
mótumst af umhverfi okkar. Mér
finnst andrúmsloftið oft vera ró-
legra og yfirvegaðra hér. Það er
ekki mikið stress í gangi. Einnig
hef ég m.a. gaman af því að tala við
krakkana um smalamennskur og
réttir, sauðburð, heyskap og þess
háttar sem tengist sveitinni. Það er
svo gaman að sjá hve mörg þeirra
fara á flug og hafa mikið um þetta
að segja. Það má líka segja að orða-
forðinn sé aðeins mismunandi hjá
dreifbýlis- og borgarbörnum enda,
eins og ég segi, þá mótast maður af
umhverfinu sem maður elst upp í.“
Dalamenn sækjast
eftir jógakennslu
Meðan Þórdís Edda bjó í Reykja-
vík kenndi hún jóga. „Já, ég var að
kenna jóga í Amarayoga í Hafnar-
firði og einnig sem valfag í Ingunn-
arskóla. Síðan byrjaði ég með nám-
skeið hér í Búðardal nú í haust og
Dalamenn hafa tekið því ofsalega
vel og er ég afskaplega þakklát fyrir
það. Ég kom og var með tíma á síð-
ustu Jörfagleði og svo kom ég aftur
nú í vor með tíma, en bauð þá líka
upp á jógatíma fyrir börn. Allir tím-
arnir voru vel sóttir. Ein hafði t.d.
orð á því við mig í haust að loks-
ins væri ég komin, hún hefði verið
að bíða eftir mér og spurði hvort ég
ætlaði ekki örugglega að kenna jóga
í vetur. Mér fannst mjög skemmti-
legt að heyra það. Síðan í haust hef
ég verið með tvö byrjendanámskeið
og eitt framhaldsnámskeið, en það
er fyrir þá sem hafa lokið byrjend-
anámskeiðinu hjá mér eða hafa ein-
hverja reynslu af jóga. Þriðja byrj-
endanámskeiðið er í gangi núna og
ætti að klárast fyrir jól ef blessað-
ir veðurguðirnir fara nú að róa sig
þarna uppi,“ segir hún og brosir.
„Planið er svo að halda áfram eftir
áramótin en ég hef nú þegar fengið
fyrirspurnir um næsta byrjenda- og
framhaldsnámskeið hér í Búðardal.
Þá hef ég einnig verið spurð hvort
ég komi ekki yfir á Borðeyri með
námskeið líka. Ég er mjög glöð
með þetta allt saman.“
Með nám í ýmsum
fræðum
Sjálf er Edda úr Hrútafirðinum,
handan Laxárdalsheiðarinnar, og
þekkir því sveitalífið og fámennið.
„Ég var í Grunnskólanum á Borð-
eyri en þar sem hann var bara upp
í áttunda bekk þá voru krakkarn-
ir þaðan keyrðir inn að Laugum í
Sælingsdal eftir að Reykjaskóli var
lagður niður. Hér á Laugum var
ég í 9.-10. bekk. Þaðan lá leiðin í
Kvennaskólann í Reykjavík og þar
var ég einn vetur en fór svo sem
skiptinemi til Kanada í eitt ár. Þar
bjó ég í bænum Prince Albert í Sas-
katchewan fylki og ég er enn í góðu
sambandi við fjölskylduna mína og
vini þar. Þegar ég kom heim aftur
1995 kláraði ég Kvennó og fór svo
fljótlega í Háskóla Íslands. Þar fór
ég í þjóðfræði og tók svo kennslu-
réttindin í framhaldi af því, eða eig-
inlega samhliða, þar sem ég var að
skrifa BA ritgerðina mína á sama
tíma og ég var í kennslufræðinni. Ég
útskrifaðist úr þessu tvennu 2004.
Síðan þá hef ég verið að læra eitt og
annað, t.d. ÍAK einkaþjálfun í Keili,
jógakennarann og ég er skráður
jógakennari hjá Jógakennarafélagi
Íslands. Ég náði mér í Curvy Yoga
kennararéttindi og svo kláraði ég
Diplómanám í bókasafns- og upp-
lýsingafræði frá HÍ í febrúar síðast-
liðinn. Ég er núna í framhaldsnámi
í jóganu ásamt því að vera að taka
ýmsa sérhæfingu innan jógageirans,
svo sem Yoga for Round Bodies og
jóga fyrir börn. Mér finnst gaman
að læra og er ég hvergi nærri hætt,“
segir hún og brosir að öllum náms-
áhuganum.
Verðugt að
rannsaka muninn
Þegar hún er spurð að því hvort
mikill munur sé á Dalamönnum
og Hrútfirðingum segist hún, satt
að segja, lítið hafa veitt því athygli
hvað sé líkt eða ólíkt með þeim.
„Líklegast er þó einhver munur
eins og er svo algengt milli lands-
svæða,“ segir hún og lætur fylgja
að nú hafi þjóðfræðingurinn komið
upp í henni. Þetta sé verðugt rann-
sóknarefni. „Mér þykir náttúrulega
afskaplega vænt um sveitunga mína
í Hrútafirðinum. Pabbi var fædd-
ur og uppalinn í Bæjarhreppi og
á ég þar mikið af skyldfólki. Hér í
Dölunum þekki ég líka marga og
á tengsl hingað. Mamma er fædd
og uppalin í Laxárdalnum, ég gekk
hér í skóla og svo var ég í mörg ár
hálfgerður heimalningur í Miðdöl-
um. Mín upplifun af Dalamönn-
um og Hrútfirðingum er sú að þeir
eru bóngóðir, hjálpsamir og miklir
húmoristar.“
Þórdís Edda segist kunna vel við
sig í Búðardal. „Hér líður mér vel
og mér finnst fólk hafa tekið mér
vel. Ég vinn með frábæru fólki sem
er boðið og búið að aðstoða mig.
Nemendur mínir eru yndisleg-
ir og flottir krakkar sem mér þyk-
ir afskaplega vænt um. Ég bý í yfir
hundrað ára gömlu húsi með mikla
og góða sál sem mér líður mjög vel
í og síðast en ekki síst á ég mjög
góða vini hérna sem búa í sjón-
línu við mig. Ég get alltaf leitað til
þeirra. Þannig að ég get ekki sagt að
ég finni fyrir einangrun. Ég er líka
vön því að vera ein svo þetta angr-
ar mig ekki, að minnsta kosti ekki
ennþá, hefði þó samt ekkert á móti
því að geta verið með gæludýr.“
Um jólin segist Þórdís Edda ætla
að vera fyrir sunnan hjá fólkinu sínu
en miðað við veðurfarið að undan-
förnu þá verði það bara að koma í
ljós hvað úr verði.
hb
Þórdís Edda uppfræðir Dalamenn á ýmsan hátt
Þórdís Edda Guðjónsdóttir.
Útsýnið hjá Þórdísi Eddu í Búðardal á
þriðja sunnudegi aðventu.
Kennslustofan í Búðardal tilbúin fyrir jógakennsluna.