Skessuhorn - 17.12.2014, Blaðsíða 44

44 MIÐVIKUDAGUR 17. DESEMBER 2014
Fréttaannáll ársins 2014 í máli og myndum
Árið 2014 á Vesturlandi var enginn eftirbátur fyrri ára
þegar kemur að fréttum úr landshlutanum, nema síð­
ur væri. Sveitarstjórnarkosningar settu svip sinn á árið
og ófáar fréttir voru skrifaðar af framboðum og úrslit­
um kosninga, ekki síður en eftirleiknum, hverjir náðu
saman um meirihluta, tóku við sveitarstjórastörfum og
svo framvegis. Blessuð pólitíkin skiptir okkur öll máli,
enda kosningar færi íbúanna til að segja til um hvernig
samfélagsgerð þeir kjósa, fyrir nú utan hvað gaman er að
spjalla um hana í heita pottinum. Góður uppgangur hef­
ur verið í útflutningsgreinum á árinu 2014, sem skýrist að
miklu leyti af lágu gengi krónunnar. Á Vesturlandi hefur
ferðaþjónustan vaxið gríðarlega mikið og verður æ mik­
ilvægari atvinnugrein. Óhætt er þó að segja að árið hafi
einkennst af hægum efnahagsbata og undir árslok kom
í ljós að vonir um mikla hagvaxtaaukningu á árinu rætt­
ust ekki. Sjávarútvegur hefur gengið vel á árinu. Snæ­
fellsnesið stendur þar uppúr af byggðarlögum á Vestur­
landi en nú er útlit fyrir enn meiri starfsemi HB Granda
á Akranesi. Fyrirtækið hefur keypt Norðanfisk, Vigni G.
Jónsson og Laugafisk og uppi eru áform um gerð skipu­
lags á Akranesi þar sem rými fyrir útvegstengda starfsemi
fyrirtækisins verður búið til. Hugsanlega með landfyll­
ingu vestan við höfnina. Sumarið var blautt og leiðinlegt
og erfitt til heyskapar og þá þurftu margir að breyta áætl­
unum sínum um útilegu vegna votviðris. Þrátt fyrir mik­
ið vatn varð laxveiðisumarið með þeim slökustu í seinni
tíð hér á Vesturlandi.
Á þessu ári voru skrifaðar af starfsmönnum Skessuhorns
vel á sjötta þúsund fréttir, viðtöl, fréttaskýringar, tilkynn­
ingar voru matreiddar og annað smálegt lagt á borð fyr­
ir lesendur. Það er sama hvernig árar í samfélaginu, allt­
af finna starfsmenn eitthvað að skrifa um. Blaðamenn
hafa rætt við nokkur þúsund íbúa á Vesturlandi, átt við þá
ánægjuleg samskipti og miðlað því sem þeir fást við. Von­
andi verður áframhald á þeim góðu samskiptum. Fyrir
árið sem nú er að líða vill starfsfólk Skessuhorns þakka
lesendum trygga og ánægjulega samfylgd, með ósk um
gæfuríkt komandi ár.
kóp
Hjónin að Eiði
Vestlendingar ársins
Bjarni Sigurbjörnsson og Guðrún Lilja Arnórsdóttir, bændur
og ábúendur að Eiði við Kolgrafafjörð á Snæfellsnesi, voru í
ársbyrjun útnefnd Vestlendingar ársins 2013 af Skessuhorni.
Hjónin komu oft fyrir í umfjöllun fjölmiðla á árinu 2013, ekki
síst í tengslum við síldardauðann í Kolgrafafirði, en um 52
þúsund tonn af síld drápust í firðinum. Síldina rak ýmist í
bunkum á fjörur við Eiði eða sökk til botns í firðinum. Út-
lit var fyrir mikla umhverfismengun og grútarváin var allt um
lykjandi og daunninn eftir því. Guðrún Lilja og Bjarni tóku
hamförunum af mikilli stillingu svo eftir varð tekið og sinntu
því hlutverki bænda af sóma að vera útverðir byggðar í land-
inu gagnvart heimi náttúrunnar. Fjölmargir tilnefndu þau
hjón sem Vestlendinga ársins, en þetta var í fimmtánda sinn
sem Skessuhorn stóð fyrir þessari útnefningu.
Skagastúlka fyrst í heiminn
Fyrsta barn ársins á Vesturlandi kom í heiminn 4. janúar á fæð-
ingardeild sjúkrahússins á Akranesi. Var það 3.275 gramma
þung og 49 cm löng stúlka. Foreldrar hennar eru hjónin Álf-
heiður Ágústsdóttir og Jóhann Steinar Guðmundsson á Akra-
nesi, sem bæði vinna hjá Elkem Ísland á Grundartanga.
Ekki sameining um sameiningu
Ekki var farið í viðræður um sameiningu sveitarfélaga á Snæ-
fellsnesi, en sveitarstjórn Eyja- og Miklaholtshrepps óskaði
eftir slíku við sveitarstjórnir Helgafellssveitar, Stykkishólms-
bæjar, Grundarfjarðarbæjar og Snæfellsbæjar. Bæjarstjórn
Stykkishólms samþykkti erindið samdægurs, en bæjarstjórn
Grundarfjarðar vildi að samhljóða yrði farið í fýsileikakönn-
un um sameininguna og skilyrti stuðning sinn við það að öll
sveitarfélögin samþykktu þátttöku í slíkri könnun. Meirihluti
bæjarstjórnar Snæfellsbæjar hafnaði erindinu hins vegar og í
bókun hans segir m.a. „Ákvörðun okkar byggjum við á þeirri
tilfinningu okkar að fyrir slíkri ákvörðun sé ekki almennur vilji
hjá íbúum Snæfellsbæjar.“ Ekkert varð því af viðræðunum.
Kvalræði vegna hvalabjórs
Brugghús Steðja í Borgarfirði kynnti nýja framleiðsluvöru í
upphafi ársins og óhætt er að segja að hún hafi vakið mis-
jöfn viðbrögð. Um var að ræða þorrabjór sem var bragðbætt-
ur með hvalmjöli og hlaut nafnið Hvalur. Ekki voru allir á eitt
sáttir um hráefnanotkunina og Heilbrigðiseftirlit Vesturlands
bannaði sölu hans, þar sem Hvalur hf., sem sá Steðja fyrir
mjölinu, væri ekki með leyfi til notkunar hvalmjöls til mann-
eldis. Dagbjartur Ingvar Arilíusson lagði inn stjórnsýslukæru
og Sigurður Ingi Jóhannsson, sjávarútvegs- og landbúnaðar-
ráðherra, heimilaði sölu bjórsins á meðan málið væri til skoð-
unar. Sú skoðun tók átta mánuði og skilaði því að sölubann-
ið var staðfest. Það kom þó fyrir lítið þar sem bjórinn seldist
upp á nokkrum dögum og var löngu drukkinn þegar á bann-
ið reyndi.
Bifrestingur
brýtur blað
Fyrsti dómarinn við ís-
lenskan dómstól sem lauk
fullnaðarprófi við annan
skóla en Háskóla Íslands
var skipaður dómari í byrj-
un febrúar. Þá var Guð-
finnur Stefánsson settur
til að gegna embætti hér-
aðsdómara við Héraðsdóm
Reykjavíkur. Hann nam lög
við Háskólann á Bifröst,
en fram til þessa hafa all-
ir dómarar á Íslandi stund-
að laganám við Háskóla Ís-
lands. Guðfinnur útskrifaðist með BS gráðu í viðskiptalög-
fræði frá Háskólanum á Bifröst árið 2007 og með ML gráðu
í lögfræði frá sama skóla árið 2008 og var um skeið aðstoðar-
maður dómara við Héraðsdóm Vesturlands.
Stærsta verkefni
Landsnets um hríð
Nýtt launaflsvirki Landsnets var tekið í notkun á Klafastöð-
um á Grundartanga 18. febrúar. Um er að ræða stærsta ein-
staka verkefni Landsnets á liðnum árum og nam heildarkostn-
aður rúmum tveimur milljörðum króna. Launaflsvirkið bæt-
ir verulega rekstur raforkuflutningskerfis Landsnets og eykur
afhendingaröryggi. Framkvæmdir við launaflsvirkið á Klafa-
stöðum hófust í ágúst 2012, en Ragnheiður Elín Árnadóttir
iðnaðarráðherra spennusetti það við hátíðlega athöfn.
Magnús SH loksins sjósettur
Magnús SH 205 frá Hellissandi var sjósettur 15. febrúar, tölu-
vert síðar en fyrstu áætlanir gerðu ráð fyrir. Magnús var í slipp
hjá Þorgeiri og Ellert þegar kviknaði í skipinu 30. júlí í fyrra.
Þá var verið að lengja skipið, breyta innréttingum og ýmislegt
fleira. Skipið skemmdist mjög mikið í eldinum og þurfti mik-
illa viðgerða við. Þegar hið 40 ára gamla skip var sjósett var
eins og um nýtt skip væri að ræða, brúin hafði verið stækkuð
og endurgerð, bógskrúfa sett á skipið, nýtt mastur og krani,
auk þess sem skipt hafði verið um allar lagnir og innrétting-
ar. Sigurður V. Sigurðsson, skipstjóri og útgerðarmaður, var
himinlifandi með breytingarnar. „Báturinn er alveg meiri-
háttar. Það eru frábærar hreyfingar í honum eftir breyting-
arnar. Hann er svo skemmtilega rólegur og mjúkur.“
ÞÞÞ húsið verður
þjónustumiðstöð
Eldri borgarar á Akranesi munu eignast sína þjónustumið-
stöð, en bæjarráð Akraneskaupstaðar samþykkti í mars að
ganga til samninga við forsvarsmenn ÞÞÞ um kaup á Dalbraut
6. Flutningafyrirtækið mun á næsta ári flytja í nýtt hús við
Smiðjuvelli, sem nú er fokhelt. Áformað er að við Dalbraut
6 verði þjónustumiðstöð með félagsaðstöðu fyrir FEBAN,
Félag eldri borgara á Akranesi og nágrenni, og það félags-
starf sem bærinn hefur staðið fyrir fyrir aldraða. FEBAN, sem
fagnaði 25 ára afmæli á árinu, hefur frá 2002 verið með að-
stöðu fyrir meginstarfsemi sína á þriðju hæð verkalýðshúss-
Framhald á næstu opnu