Skessuhorn - 17.12.2014, Blaðsíða 94

94 MIÐVIKUDAGUR 17. DESEMBER 2014
Aðventa á Suður Grænlandi
Dagana 1. – 10. desember sl.
ferðaðist Rósa Björk Halldórs-
dóttir framkvæmdastjóri Mark-
aðsstofu Vesturlands um suð-
vesturhluta Grænlands. Erindi
ferðarinnar var að halda fyr-
irlestur á ferðaþingi á Suður
Grænlandi. Rósa dvaldist í bæj-
unum Narsaq, Narsarsuaq og
Quaqortoq vestanmegin á sunn-
anverðu Grænlandi, á slóðum
hinnar fornu Eystribyggðar nor-
rænna manna.
Rósa hefur mikinn áhuga á að
efla tengsl Vesturlands við Græn-
land, ekki síst á grundvelli sameig-
inlegrar sögu enda námu norræn-
ir menn land á Grænlandi und-
ir forystu vestlensks óeirðaseggs
sem Eiríkur hét og var kallað-
ur hinn rauði. Er af því mikil saga
sem ekki er pláss að rekja hér. Guð-
ríður Þorbjarnardóttir var einn-
ig frá Vesturlandi en hún var tal-
in ein víðförulasta kona sem uppi
var um árið 1000. Hún flutti með
fjölskyldu sinni til Grænlands og
svo áfram með eiginmanni sínum
vestur til Vínlands. Þar fæddi hún
soninn Snorra sem varð þannig
fyrsti hvíti maðurinn sem fæddist í
Vesturheimi. Síðar sneri Guðríður
heim til Íslands. Talið er hugsan-
legt að hún hafi farið þaðan í svo-
kallaða suðurgöngu sem var píla-
grímaferð kaþólskra til Rómar.
„Það er enginn vafi að Vestur-
land á fjölmargt sameiginlegt með
Suður Grænlandi,“ segir Rósa.
Hún lætur af störfum sem fram-
kvæmdastjóri Markaðsstofu Vest-
urlands um áramót. Grænlending-
ar hafa nú boðið henni að koma að
stefnumótunarvinnu fyrir ferða-
þjónustu á Suður Grænlandi og
veita ráðgjöf um stofnun markaðs-
stofu ferðaþjónustunnar þar. Rósa
veitti Skessuhorni góðfúslega leyfi
að birta þessar myndir úr för henn-
ar. Þær varpa smá ljósi á aðvent-
una hjá nágrönnum okkar í Suð-
ur Grænlandi sem er í svo ótrú-
lega lítilli fjarlægð frá Vesturlandi
en samt kannski svo langt í burtu í
hugum margra. mþh
Bærinn Quaqortoq á fallegum degi. Húsin eru litrík á Grænlandi. Litirnir lífga mjög upp í snjónum og skammdeginu.
Rósa Björk ásamt grænlensku stjórnmálakonunni Pitsi Hoegh og Hörpu Guðmundsdóttur sem starfar
fyrir Flugfélag Íslands á Grænlandi. Pitsi Hoegh var á dögunum kjörin þingmaður á grænlenska þinginu
fyrir Siumut sem fékk flest atkvæði í kosningunum. Á jólahlaðborði með heimafólki í Narsasuaq þar sem Rósa og félagar urðu veðurteppt.
Skógrækt er stunduð í Suður Grænlandi og trén hafa náð ótrúlegri hæð. Þetta er
lerki í Narsasuaq þar sem er stærsta skógrækt landsins.
Kenneth Hoegh eiginmaður Pitsi
þingkonu sækir grenigreinar til
jólaskreytinga í skógræktina. Hann
er skógfræðingur og í forsvari fyrir
skógræktina á Suður Grænlandi. Stutt
sumur og jarðvegur af skornum
skammti skapa áskoranir fyrir
skógræktarfólk á Suður Grænlandi.
Rósa á siglingu til Alluitsup Paa þar sem finna má einu heitu náttúrulaugina á
Grænlandi.
Aðventusöngur á jólatónleikum með kórnum í Quaqortoq.
Þyrlur eru mikilvæg samgöngutæki á
Grænlandi og Rósa tók far með einni
slíkri.
Edda Lyberth er fulltrúi ferðaþjónust-
unnar á Suður Grænlandi og hefur
unnið að samstarfsverkefni með Mark-
aðsstofu Vesturlands um Pílagrímsferð
á slóðir Guðríðar Þorbjarnardóttur.
Menningarráð Vesturlands styrkti
undirbúningsvinnu verkefnisins. Edda
og Rósa stefna á að hafa frekara sam-
starf um að gera sögu Guðríðar
skil. Edda ólst upp á Gufuskálum á
Snæfellsnesi en býr á Grænlandi.