Skessuhorn - 17.12.2014, Blaðsíða 55

55MIÐVIKUDAGUR 17. DESEMBER 2014
lega vel á mótinu. Helgi Guðjónsson UMSB sigraði í 800
metra hlaupi 15 ára pilta. Helgi hljóp á tímanum 2:07:25 og
setti þar með nýtt unglingalandsmótsmet. Vignir Smári Val-
bergsson og Steinþór Logi Arnarsson UDN komast báðir á
verðlaunapall. Vignir Smári bætti persónulegan árangur sinn
um tvo metra í spjótkasti og vann til silfurverðlauna í flokki
14 ára pilta. Steinþór Logi var ásamt Jamison Ólafi Johnson
HSS, Grími Bjarndal Einarssyni UMSB og Helga Guðjóns-
syni UMSB í boðhlaupssveit SamVest sem vann til gullverð-
launa í 4x100m boðhlaupi 15 ára pilta. Þá komust þrjú af fjög-
ur körfuboltaliðum sem HSH sendi á mótið á verðlaunapall.
Þessu til viðbótar um árangur frjálsíþróttafólks á árinu má
geta árangurs Helga Guðjónssonar í upphafi árs þar sem hann
setti Íslandsmet sveina í 800 metra hlaupi og varð Íslands-
meistari í sínum flokki bæði í 800 og 1500 metra hlaupi.
Frábær árangur Einars Arnar
í lyftingunum
Kraftlyftingamaðurinn og Lunddælingurinn Einar Örn
Guðnason sem keppir fyrir Kraftlyftingafélag Akraness náði
frábærum árangri á árinu. Á Evrópumóti unglinga í Rússlandi
í aprílmánuði náði hann bronsverðlaunum í bekkpressu og
setti nýtt Íslandsmet unglinga bæði í hnébeygju og saman-
lögðu. Á þessu móti keppti Einar í flokki undir 93 kílóum.
Einar var orðinn þyngri í lok nóvembermánaðar þegar hann
keppti á bikarmóti Kraftlyftingasambands Íslands á Akureyri.
Þá keppti hann undir 105 kílóa flokki en var sjálfur 97,5 kíló.
Einar setti á mótinu á Akureyri Íslandsmet í hnébeygju bæði í
opnum flokki fullorðinna og unglingaflokki. Lyfti hann hvorki
meira né minna en 301 kílói og bætti met Viktors Samúels-
sonar sem var 300 kíló. Einar Örn sigraði með yfirburðum í
sínum flokki.
Dalakona glímudrottning
Íslands
Hundraðasta og fjórða Íslandsglíman fór fram í apríl. Í glím-
unni um Freyjumenið sigraði Sólveig Rós Jóhannsdóttir úr
Glímufélagi Dalamanna og hlaut sæmdarheitið glímudrottn-
ing Íslands í þriðja sinn, en hún hlaut þann titil síðast árið
2005. Fjölmargir áhorfendur urðu vitni að keppninni sem var
spennandi frá upphafi til enda. Heiðursgestur á mótinu var
Lárus Blöndal forseti ÍSÍ og sá hann um að afhenda keppend-
um verðlaun í mótslok. Yngri kynslóðin í Glímufélagi Dala-
manna stóðu sig líka með ágætum í íþrótt sinni á árinu.
Grundfirskar blakkonur
upp um deild
Ungmennafélag Grundarfjarðar hefur átt allgóðum liðum á
að skipa í blaki síðustu árin. Einkum eru það konurnar sem
hafa staðið sig vel. Síðasta vetur urðu konurnar frá Grundar-
firði í öðru sæti í annarri deild Íslandsmótsins og unnu sér rétt
til keppni í fyrstu deild í vetur. Frammistaða þeirra hefur verið
með ágætum í vetur. Þær grundfirsku eru meðal efstu liða og
unnu nýlega topplið Aftureldingar. Þrjár úr grundfirska liðinu
unnu sér landsliðssæti á árinu. Þá tryggðu Bresakonur á Akra-
nesi sér einnig keppnisrétt í 1. deildinni síðasta vor. Þær hafa
átt frekar erfitt uppdráttar í deildinni það sem af er vetri og
eru í botnsæti deildarinnar.
Yngsti Íslandsmeistarinn í keilu
Iðkendur í Keilufélagi
Akraness státuðu af góð-
um árangri ekki síst ung-
lingarnir en nokkrir þeirra
hömpuðu Íslandsmeist-
aratitlum á árinu. Þeirra
yngstur var Matthías Leó
Sigurðsson á Akranesi
sem keppti á Íslandsmóti
einstaklinga í keilu með
forgjöf í fyrsta sinn. Þar
keppti fólk á öllum aldri
en flestir keppendur voru
komnir á fullorðinsár.
Matthías var eina barnið
sem keppti en þrátt fyrir
það sigraði hann í keppn-
inni. Þar með varð hann
Íslandsmeistari í fyrsta
sinn, aðeins sex ára gam-
all. Hann er langyngsti
keiluspilari sem unnið hefur Íslandsmeistaratitil til þessa.
Gjöfult ár hjá
Sundfélagi
Akraness
Sem fyrr hefur sundfólk af
Akranesi verið að gera það
gott. Inga Elín Cryer er
sá Skagamaður sem í dag
stendur fremst meðal jafn-
ingja. Hún hefur hins veg-
ar æft og keppt fyrir Ægi
að undanförnu og sem slík
kvatt sitt gamla félag. Sund-
félag Akraness eignaðist
einn Íslandsmeistara í full-
orðinsflokki á árinu; Ágúst
Júlíusson sem varð þrefald-
ur meistari. Ágúst varð Ís-
landsmeistari í 50 metra flugsundi á Íslandsmeistaramótinu í
50m laug. Á sama móti varð hann annar í 100m flugsundi eft-
ir hnífjafnt sund við fyrsta mann. Sævar Berg Sigurðsson varð
í þriðja sæti í 200 m bringusundi á Íslandsmeistaramótinu í
50m laug. Í nóvember varð Ágúst tvöfaldur Íslandsmeistari á
Íslandsmeistaramótinu í 25m laug en þar varð hann meistari
í 50 og 100 m flugsundi. Þá varð Atli Vikar Ingimundarson
þriðji í 200m baksundi á Íslandsmeistaramótinu í 25m laug.
Samtals syntu sundmenn í Sundfélagi Akraness átján sinn-
um til úrslita á Íslandsmeistaramótum á árinu. Þá unnu sund-
menn félagsins til sjö verðlauna á Unglingameistaramóti Ís-
lands sem haldið var í Hafnarfirði í júní og tveggja verðlauna
á Aldursflokkameistaramóti Íslands sem haldið var í Reykja-
nesbæ í júní þar sem liðið varð í áttunda sæti stigakeppninn-
ar en 16 sundfélög tóku þátt í mótinu. Samtals voru sautján
Akranesmet slegin á árinu þar af þrjú í fullorðinsflokki. Lið
Skagamanna er í efstu deild í sundi. Á Bikarkeppninni 2014
var mætt með ungt lið og varð félagið í fjórða sæti í stiga-
keppni félaga bæði í karla- og kvennaflokki. Hjá Sundfélagi
Akraness eru um þessar mundir um 230 iðkendur frá þriggja
mánaða aldri og upp í fólk á sextugsaldri.
Kynslóðaskipti í badmintoninu
Nokkur kynslóðaskipti hafa verið hjá Badmintonfélagi Akra-
ness síðustu árin en iðkendur hjá félaginu eru 60-70. Félagið
er með tvo þjálfara; Helga Magnússon sem er aðalþjálfari og
Helgi Jóhannesson aðstoðarþjálfari. Helsti árangur BA fólks
á árinu var á Íslandsmóti unglinga sem var haldið 7.-9. mars
í TBR húsinu. Þar eignaðist félagið nokkra Íslandsmeistara.
Andri Snær Axelsson vann í einliða og tvíliða, Davíð Harð-
arson vann í tvíliðaleik og Brynjar Már Ellertsson vann í
tvenndarleik. Harpa Kristný Sturlaugsdóttir vann í tvíliðaleik
og Harpa Hilmisdóttir UMF Skallagrími vann í einliða- og
tvíliðaleik. Meistaramót Íslands fór fram í Hafnarfirði helgina
4.-6. mars og fóru margir keppendur af Skaganum á mótið.
Bestum árangri í meistaraflokki náðu Egill Guðlaugsson og
Ragnar Harðarsson en þeir komust í undanúrslit í tvíliðaleik.
Í unglingaflokkum náðu bestum árangri og sigruðu Steinar
Bragi Gunnarsson í tvíliðaleik í B-flokki og Harpa Hilmis-
dóttir Skallagrími í einliðaleik í A-flokki.
Nokkrir krakkar úr BA voru valdir í landsliðs- og úrvals-
hópa á árinu. Má þar nefna Helga Grétar Gunnarsson, Stein-
ar Braga Gunnarsson, Hörpu Kristnýju Sturlaugsdóttur og
Hörpu Hilmisdóttur UMF Skallagrími. Í North Atlantic
Camp voru svo þrír spilarar af sex valdir frá BA. Það voru þau
Katrín Eva Einarsdóttir, Andri Snær Axelsson og Elvar Már
Sturlaugsson. Einnig var fararstjórinn í þessari ferð frá BA en
það var Irena Rut Jónsdóttir
Konráð Axel með
frábæran árangur
Vestlenskir unglingar náðu góðum árangri á Íslandsmótinu í
hestaíþróttum sem fram fór á félagssvæði Fáks í Reykjavík í
lok júlí. Konráð Axel Gylfason hestamannafélaginu Faxa sigr-
aði í fjórgangi unglinga á hestinum Verði frá Sturlureykjum
II. Hann komst einnig í úrslit á hestinum Feng þar sem þeir
urðu í öðru sæti í fimmgangi og í slaktaumatölti náðu þeir
saman öðru sætinu, Konráð Axel og Smellur. Svandís Lilja
Stefánsdóttir frá Skipanesi komst einnig í úrslit í fimmgangi á
hestinum Prinsi frá Skipanesi.
Aðalsteinn Símonarson
Íslandsmeistari í rallýi
Aðalsteinn Símonarson er búsettur í Borgarnesi, fæddist þar
en ólst upp í Bæjarsveit í Borgarfirði. Hann er Íslandameistari
í rallýi 2014. Það var ljóst eftir að hann sigraði á einu síðasta
mótinu í Íslandamótaröðinni í lok ágúst. Það var þriggja daga
Rallý Reykjavík. Aðalsteinn og félagi hans Baldur Haralds-
son frá Sauðárkróki urðu þar í öðru sæti. Þetta er í fyrsta sinn
sem Borgfirðingar eignast Íslandsmeistara í þessari rótgrónu
akstursíþrótt. Aðalsteinn er þó enginn nýgræðingur í rallinu.
Hann hefur haft áhuga á þessari íþrótt um áratugaskeið. Sím-
on faðir hans sem bjó um árabil á Jaðri í Bæjarsveit, sem og
fleiri úr fjölskyldunni, hafa einnig tekið þátt í keppnum í ár-
anna rás. Sjálfur getur Aðalsteinn rakið rallsögu sína allar göt-
ur til ársins 1986. þá
Einar Örn glímir með metlyftuna í hnébeygjunni á mótinu á Akur-
eyri sem hann náði í þriðju og síðustu tilraun. Ljósm. kraft.is
Sólveig Rós Jóhannsdóttir glímudrottning Íslands. Ljósm. asg.
Kvennalið UMFG í blaki.
Matthías Leó Sigurðsson yngsti
Íslandsmeistarinn í keilu.
Ágúst Júlíusson SA þrefaldur
Íslandsmeistari.
Konráð Axel með hestakost sinn.
Aðalsteinn Símonarson ásamt konu sinni Guðnýju Guðmarsdóttur.