Skessuhorn - 17.12.2014, Blaðsíða 78
78 MIÐVIKUDAGUR 17. DESEMBER 2014
Ég óska Samfylkingarfólki og öllum
íbúum Norðvesturkjördæmis
gleðilegra jóla og farsældar á nýju ári.
Kær kveðja
Guðbjartur Hannesson
S
K
E
S
S
U
H
O
R
N
2
0
1
3
Óskum Vestlendingum
gleðilegra jóla og
farsældar á nýju ári
Hvalur hf.
S
K
E
S
S
U
H
O
R
N
2
0
1
3
Þökkum fyrir mikið, ánægjulegt og
fórnfúst starf og færum velunnurum okkar
þakkir fyrir ómetanlegan stuðning.
Íþróttabandalag Akraness - www.ia.is
Íþróttabandalag Akraness óskar
öllum sjálfboðaliðum, starfsmönnum
og velunnurum íþróttahreyngarinnar:
Gleðilegra jóla
og farsældar á komandi ári.
„Útnes undir jökli“ kallast ljós-
myndasýning áhugaljósmyndar-
ans Árna Guðjóns Aðalsteinsson-
ar. Þetta er fyrsta sýning Árna og
var hún opnuð í Átthagastofunni í
Ólafsvík síðastliðinn föstudag. Árni
er búsettur í Ólafsvík og segir hann
í samtali við Skessuhorn að eftirlæt-
is tómstundagaman hans sé að fara
í gönguferðir um nágrennið. Hann
hefur einnig brennandi áhuga á
ljósmyndun og fara áhugamálin vel
saman, því Árni nýtir gönguferðirn-
ar til að taka fallegar landslagsljós-
myndir. Árni segir að stundum hafi
sú staða komið upp að útsýnið, feg-
urðin og litirnir séu það ótrúlegir
að ekki verði annað gert en að njóta
þess að horfa. „Ég er svo lánssam-
ur að búa á stað eins og Snæfells-
nesinu. Það hlýtur að vera draum-
ur alls útivistarfólks jafnt sem allra
landslagsljósmyndara,“ segir Árni.
Hann bætir því við að Snæfellsnes-
ið hafi upp á allt að bjóða. „Hér er
ótrúlega fallegt landslag. Litir nátt-
úrunnar, norðurljós, gróður, hraun,
sandar, ár, fossar og fjöll, sjórinn og
jökullinn. Að ógleymdri ævintýra-
legri og síbreytilegri birtu.“ Árni er
því maður sem nýtur þess að ganga
um fjöllin og taka myndir. Hann
hefur mikið dálæti á allri náttúru-
legri birtu og hefur gaman af því að
eltast við réttu birtuna.
Byrjaði að mynda í
kjölfar veikinda
Árni segir að rekja megi áhuga hans
á ljósmyndun til ársins 2000. Þá fór
hann að finna fyrir veikindum og
fór síðan til læknis fimm árum síð-
ar sem greindi hann með lungna-
sjúkdóm. „Það leiddi til þess að
ég varð að hætta að vinna. Ég var
fyrsti Íslendingurinn sem greind-
ist með sjúkdóminn Alpha1 an-
titrypsian, en hann er þannig að
lungun étast upp innan frá,“ út-
skýrir Árni. Hann fór í lungna-
skipti í Gautaborg árið 2010 og eft-
ir aðgerðina fór hann í sex mánaða
endurhæfingu á Reykjalund. „Áður
en ég fór í aðgerðina höfðu dætur
mínar gefið mér myndavél. Fyrst
um sinn var ég alltaf með súrefnis-
kút á mér og tók myndir út um bíl-
gluggann. Síðan þegar heilsan tók
að skána fór ég í gönguferðir um
nágrennið,“ segir Árni um upphaf-
ið á ljósmyndaáhuganum. „Þegar
ég fór síðan að ganga á fjöll, fór ég
að veita umhverfinu meiri athygli.
Það gaf mér síðan áhuga á því að
taka landslagsmyndir og ég er bú-
inn að mynda í fjögur ár,“ heldur
hann áfram.
Allar teknar
á Snæfellsnesi
Árni segist í framhaldinu hafa farið
að birta myndir sínar á samfélags-
miðlum, þar sem margir hafi haft
gaman af því að skoða. „Þá fór að
vakna áhugi fyrir því að halda sýn-
ingu.“ Árni segist hafa séð auglýs-
ingu frá Menningarráði Vestur-
lands, þar sem hann sótti um styrk.
„Ég fékk styrkinn og þá fór bolt-
inn að rúlla. Ég valdi fyrst hundr-
að myndir og skar þær síðan niður í
tíu. Þær skiptast niður í flokka eftir
árstíðum og eru allar teknar á Snæ-
fellsnesi.“ Ljósmyndarinn Chri-
stopher Lund sá um uppsetningu
og frágang myndanna. Myndirnar
voru rammaðar inn hjá Innramm-
aranum við Rauðarárstíg í Reykja-
vík. Sýningin verður opin út mán-
uðinn, á opnunartíma Átthagastof-
unnar. Hægt er að njóta veitinga á
sýningunni í boði Lista- og menn-
ingarnefndar Snæfellsbæjar.
af
Árni Guðjón ræðir við gesti á opnun sýningarinnar.
Árni Guðjón heldur ljósmyndasýningu í Átthagastofunni
Árni Guðjón Aðalsteinsson sýnir landslagsmyndir í Ólafsvík.