Frjáls verslun - 01.07.2013, Qupperneq 31

FRJÁLS VERSLUN 7. 2013 31
„Vaxtarmöguleikar eru gríðarlegir en fjármögnunarkostir þröngir
vegna gjaldeyrishafta.“
Davíð Guðjónsson framkvæmdastjóri og tveir skólabræður hans stofnuðu fyrir fjórtán árum
nýsköp un arfyrirtækið Handpoint um hugmynd sem enginn sá þörf fyrir þá; snjallposa, sem eru
þráðlausir posar fyrir greiðslukort.
SnjallgreiðSlur
Núna eru svokallaðir kortagreiðslupos­ar sjálfsagðir á veitingastöðum, verslunum og
raunar hvar sem er. Fólk greiðir
fyrir matinn með greiðslukorti við
afgreiðslukassann, við borðið
eða úti í mörkinni. Í posanum er
í raun innbyggður farsími sem
sinnir tengingunni við bankann.
Sjálf sagt mál á okkar þráðlausu
öld.
Davíð segir að lausn Hand­
point hafi þá sérstöðu að hún
sé ódýrari og öruggari en aðrir
posar. Þetta er annars tiltölu­
lega dýr tækni. Margir eigendur
minni veitingahúsa og verslana
hafa ekki efni á dýrum greiðslu­
lausnum og verða fyrir vikið af
viðskipum þar sem fæstir ganga
með seðla á sér í dag.
Einfalt í símalausu landi
Þetta er sérstaklega mikið
vanda mál í vanþróuðum löndum
þar sem þessi tækni er oft mjög
dýr. Snjallposinn frá Handpoint
er mun ódýrari en hefðbund­
inn posi þar sem hann er án
inn byggðs farsíma og prentara
sem lækkar verðið um tvoþriðju
að sögn Davíðs.
„Í flestum vanþróuðum löndum
eru farsímar algengir en engar
landlínur fyrir hendi. Allir eiga
farsíma en fasttengdir símar eru
varla sjáanlegir,“ segir Davíð.
„Okkar lausn gerir ráð fyrir því
að notandi snjallposans tengi
hann við farsímann sinn með
blátönn og þá þarf hann ekki
kaupa eða leigja dýran posa
með innbyggðum farsíma. Einn
sími er nóg og með þessari leið
gerum við kaupmanninum kleift
að taka við kortagreiðslum án
mánaðargjalda.“
Þessi tækni hefur leitt til þess
að Handpoint hefur náð góðum
samningum bæði í Afríku og
Evrópu. Í Evrópu eru innleiðingar
í meira mæli hjá stærri verslunar­
keðjum sem gera þeim kleift að
taka við greiðslum hvar sem er
í búðinni, með hjálp spjaldtölva.
Spjaldtölvan er að skipta út
hinum hefðbundna búðarkassa
á sama hátt og snjallsímar og
spjaldtölvur eru smám saman
að skipta út borðtölvum, sem er
tækifærið sem Handpoint fangar.
Forskot á markaði en
vaxtarfé skortir
„Vaxtarmöguleikar eru gríðarleg­
ir en fjármögnunarkostir þröngir
vegna gjaldeyrishafta. Við erum
með mikil tækfæri í höndunum
og fullt af viðskiptavinum og
tækifærum en þurfum að vaxa
hraðar en tekjur leyfa til að missa
ekki forskotið og erum því að
leita að vaxtarfé,“ segir Davíð.
Fyrirtækið getur ekki vaxið ein­
angrað á bak við gjaldeyrishöft
á Íslandi, sem er meðal annars
ástæðan fyrir því að Davíð býr
núna í Cambridge á Englandi
þótt flestir starfsmenn fyrritæk­
isins starfi enn heima.
„Það er sorglegt að segja það
en það er varla hægt að ráð­
leggja frumkvöðlum að byggja
sitt fyrirtæki upp á Íslandi vegna
þess umhverfis sem íslensk
fyrirtæki búa við í dag,“ segir
Davíð. Þó segir hann umhverfi til
nýsköpunar hafa batnað mikið frá
því að hann byrjaði á liðinni öld.
Hann segir tækniþróunar­
sjóð Rannís hafa breytt miklu,
til urð og stefna Frumtaks
fjár festingarsjóðs og skattafrá ­
dráttur vegna rannsókna­ og
þróunarkostnaðar hjálpi mikið
til. Ómetanleg sé svo ráðgjöf
hæfra manna við uppbyggingu
nýsköpunarfyrirtækja og nefnir
hann þar sérstaklega Þórð
Magn ússon, stjórnarformann
Handpoint. En án vaxtarfjár­
magns til nýsköpunarfyrirtækja
í útflutningi getur róðurinn orðið
erfiður.
„Svo kemur að því að taka
stökkið yfir Atlantshafið. Þá
vant ar fjármagn. Það er mjög
takmarkaður aðgangur að
vaxtarfé og enginn erlendur
vaxtarfjár festir vill fjárfesta í
gjaldeyris höftum og óvissu í
efna hagslífinu,“ segir Davíð.
„Það er því mikil áskorun fyrir
okkur að fjármagna vöxtinn og
heldur ekki hlaupið að því að
flytja fyrirtækið úr landi til að
nálg ast erlent fjármagn. Ýmis
eldri tæknifyrirtæki á Íslandi – t.d.
Össur, Marel og Actavis – höfðu
greiðan aðgang að ódýru lánsfé
og gátu fjármagnað vöxt sinn á
sínum tíma en það lánsfé hefur
nánast þurrkast upp eftir hrun.
Við eigum því miður á hættu að
missa af lestinni vegna þess að
okkur skortir vaxtarfé. Þróunin er
ör og keppinautarnir eiga mun
greiðari aðgang að fjármagni.
Við náum því kannski ekki að
gera fyrirtækið eins stórt og
möguleikar gefa tilefni til, en við
stefnum eins hátt og hægt er
í ljósi aðstæðna,“ segir Davíð
Guðjónsson.
Davíð Guðjónsson
hjá Handpoint:
davíð guðjónsson með snjallposann frá handpoint.