Frjáls verslun - 01.07.2013, Page 41

FRJÁLS VERSLUN 7. 2013 41
út fyrir höftin
Rakel Sölvadóttir er flutt með áhugaverðan sprota til Seattle í Bandaríkjunum. Ástæðan er
að það er erfitt að láta sprota vaxa úr grasi í lokuðu efnahagsumhverfi á Íslandi. Það eru ekki margir
tilbúnir að flytja vaxtarfé inn fyrir gjaldeyrishöft.
flutti
Rakel vill rekja upp ­haf þessa sprota til þess að for eldrar hennar gáfu henni Sinclair Spectr um­
tölvu níu ára gamalli. Merkilegt
tæki það og hún þakkar tölvunni
það að hún yfirleitt komst áfram
í formlegu og stöðnuðu skóla­
kerfi. Það var þarna sem hún
byrjaði að forrita, forrita sína
eigin tölvuleiki.
Tölvunarfræði varð hennar
grein og núna hefur hún komið
upp fyrirtæki sem stuðlar að
uppbyggingu á menntun í takt
við tækniþróun. Fyrirtækið býður
meðal annars upp á námskeið
fyrir nemendur og kennara í for­
ritun og nýtingu á spjaldtölvum í
skólastarfi.
„Þetta er vanræktur þáttur í
menntun okkar. Þegar borðtölvur
komu fyrst fram var lögð áhersla
á að kenna börnum undirstöðu­
atriði forritunar en svo úreltust
kennsluaðferðir í hinni hröðu
þróun og ekkert tók við. Þarna
viljum við byrja að nýju,“ segir
Rakel.
Hún segir að skilningur á
for ritun eigi að vera hluti af
al mennri menntun. Þetta snýst
ekki síst um að fólk viti hvaða
mögu leika tölvur bjóða upp á.
Forritun á ekki að vera svið fárra
sérfræðinga: Börnin eiga að vita
hvernig tölvuleikir eru búnir til.
Skema býður upp á námskeið
frá fyrsta bekk grunnskóla.
Vöxtur út fyrir land­
steinana
Fyrirtækið er þegar komið á legg
á Íslandi og er á www.skema.is.
Starfsmenn eru sjö ásamt verk­
tökum og aðstoðarkennurum
á aldrinum átta til sextán ára.
Rakel segir að vöxtur fyrirtæki­
sins byggist á sókn á erlendan
markað. Það er að hennar mati
ekki hægt með höfuðstöðvar á
Íslandi eins og staðan er núna.
Það er lítið vaxtarfé að fá og
jafnvel minniháttar yfirfærslur á
fé þurfa heimild úr Seðlabanka.
Þetta hefur leitt til þess að nýtt
fyrirtæki er orðið til í Seattle í
Bandaríkjunum. Það heitir re ­
Kode Education (www.reKode.
com) og ætlunin er að opna
fyrsta reKode­setrið þar vestra
í febrúar á næsta ári. Einnig er
unnið að uppsetningu í Slóveníu,
Svíþjóð, Danmörku og á Spáni.
„Bara það að fá gjaldeyrisyfir­
færslu fyrir 75,6 Bandaríkja ­
dölum hefur kostað mikið fé og
fyrirhöfn. Það var peningurinn
sem fór í að skrá nýja fyrirtækið
vestra. Síðan er lítið vaxtarfé
að fá á Íslandi og innkoma
ís lenskra fjárfesta hefur gert
næstu vaxtarskref erfiðari fyrir
marga sprotana,“ segir Rakel.
Hún segir að mikill munur sé
á tækniumhverfi og skilningi
fjárfesta á Íslandi og í Bandaríkj­
unum. Seattle varð fyrir valinu
vegna þess að þar er öflugt
tækniumhverfi og fjölskyldu­
vænt svæði. Svæðið hentaði
því fjölskyldunni og fyrirtækinu
mjög vel.
„Fyrsti stuðningur við nýsköpun
er góður á Íslandi og virðist enn
vera að eflast. Tækniþróunar­
sjóður Rannís er stór stoð í þeim
efnum og merkilegt að það sé
verið að íhuga að draga úr þeim
stuðningi. En til að sprotakraft­
urinn sem leystist úr læðingi í
kjölfar kreppu flytjist ekki allur
úr landi þarf að taka til í kerfinu.
Þótt það hafi ekki gerst í tæka
tíð fyrir okkur hef ég fulla trú á
að Ragnheiður Elín Árnadóttir,
iðnaðar­ og viðskiptaráðherra,
sé tilbúin að taka jákvæð skref
í þessum málum,“ segir Rakel
Sölvadóttir.
Rakel Sölvadóttir hjá
kennslusprotanum Skema:
Rakel Sölvadóttir.
„Síðan er lítið vaxtarfé að fá á Íslandi og innkoma ís lenskra fjárfesta hefur gert næstu
vaxtarskref erfiðari fyrir marga sprotana.“