Frjáls verslun - 01.07.2013, Síða 73

FRJÁLS VERSLUN 7. 2013 73
Startup Reykjavík er ný sköpunarsmiðja þar sem sprotafyrirtæki eru valin til þátttöku
í verkefni sem stendur yfir í tíu
vikur ár hvert. Fyrirtækin sem eru
valin hverju sinni fá tvær milljónir
króna frá Arion banka gegn
6% hlut hans í fyrirtækjunum.
Rúm lega tvö hundruð umsóknir
bárust í ár og voru tíu fyrirtæki
valin til þátttöku.
„Fyrirtækin fá sameiginlega
vinnuaðstöðu og leiðsögn frá
rúmlega sextíu mentorum –
for stjórum, sérfræðingum og
athafnamönnum. Þau fá síðan
að endingu tækifæri til að kynna
viðskiptahugmyndir sínar fyrir
fjárfestum á lokuðum viðburði
með það að markmiði að fá frek­
ara fjármagn,“ segir Einar Gunn­
ar Guðmundsson, sérfræðingur
frumkvöðla­ og nýsköpunarmála
hjá Arion banka.
„Markmiðið er að gera eins
mik ið og mögulega er hægt á
þessum tíu vikum og að öll verk ­
efnin verði fjárfestingarhæf að
þeim loknum.“
Startup Reykjavík var haldið í
fyrsta skipti árið 2012 og segir
Einar Gunnar að mikið vatn
hafi runnið til sjávar síðan þá
hvað varðar skipulagningu og
utanumhald. „Við höfum reynt að
gera þetta betur, bæta við ólíkum
stuðningi og gera verkefnið sýni­
legra og aðgengilegra fyrir alla.“
Óskipulagt fjárfestaum­
hverfi
Einar Gunnar segir að fyrirtæki
með ólíkar áherslur taki þátt í
Startup Reykjavík. Fyrirtæki í
tækni­ og upplýsingatæknigeir­
anum voru áberandi þegar sótt
var um í fyrra en meiri fjölbreyti­
leiki einkenndi þátttakendur í ár.
Þar má nefna vínframleið anda,
upplýsingatækni­, ferða þjón ­
ustu­, hönnunar­ og lyfja fyrirtæki.
„Þetta gefur hugmynd um hvað
er að gerast í íslensku frum ­
kvöðla umhverfi, sem er afar
blómlegt í dag.“
Einar Gunnar bendir á að Arion
banki sé orðinn virkur þátt tak­
andi í að byggja upp öflugt
frumkvöðlaumhverfi hér á landi
og sé eini skipulagði fjárfestir­
inn á sprotastiginu. „Startup
Reykjavík er í fyrsta lagi stærsta
og mikilvægasta verkefnið okkar.
Við styðjum í öðru lagi duglega
við Sprotaþing Íslands, sem er
haldið í bankanum tvisvar á ári.
Svo höfum við verið að halda
nám skeið m.a. í samstarfi við
Ný sköpunarmiðstöð.
Ég myndi segja að frumkvöðla­
umhverfið í heild sinni hér á
landi væri orðið nokkuð gott;
jafnvel í samanburði við önnur
lönd. Stuðningur af ýmsum toga
er nú í boði sem ekki var áður.
Það sem liggur hins vegar mest
á að gera núna er að þroska
fjárfestaumhverfið á sama hraða
og hefur gerst hvað varðar
frumkvöðlaumhverfið síðustu
misseri. Þar eru nokkrir þættir
sem skipta máli. Fjárfestar þurfa
aðgang að fjárfestingum. Oftar
en ekki er sú leit tilviljanakennd.
Það eru mikil tækifæri fólgin í
að skipuleggja sig betur, bæði
m.t.t. þess að skanna markaðinn
og í betri samvinnu fjárfesta á
milli. Ef fjárfestar hafa áhuga
á ungum fyrirtækjum ættu þeir
að fjárfesta í mörgum en ekki
fáum upp á áhættudreifingu að
gera. Minni upphæðir í hvert en
jafnvel nokkrir saman í hverri
fjárfest ingu. Einhver einn þarf
að fara fyrir fjárfestahópnum og
eiga samskipti við fyrirtækið.
Skipu lagning eins og þessi er
vænlegri til árangurs fyrir bæði
fjárfestinn og fyrirtækið. Þarna
eru enn mikil tækifæri og þeir
sem vinna svona munu líklega
uppskera eftir því. Arion banki
stefnir á að vinna enn frekar með
bæði frumkvöðlum og fjárfest­
um.“
„arion banki er orð­
inn virkur þátttak­
andi í að byggja upp
öflugt frum kvöðla ­
umhverfi hér á
landi.“
Fjárfestingarhæf verkefni
arion banki og klak innovit stóðu á bak við startup reykjavík í annað skipti í sumar. Um er að ræða
nýsköpunarsmiðju þar sem sprotafyrirtæki fá tíu vikna þjálfun og ráðgjöf frá reynsluboltum hverjum á sínu
sviði og má þar nefna forstjóra, sérfræðinga og athafnamenn. Hugmyndin er að hjálpa til svo að nýjar
viðskiptahugmyndir verði að veruleika.
A r i o n b a n k i – S t a r t u p R e y k j a v í k
Svava Jónsdóttir Mynd: Geir Ólafsson
Einar gunnar guðmundsson. „arion banki stefnir á að vinna
enn frekar með bæði frumkvöðlum og fjárfestum.“