Frjáls verslun - 01.07.2013, Page 88

88 FRJÁLS VERSLUN 7. 2013
Zymetech:
Snyrtivörur og lækningavörur
unnar úr ensímum
Jón Bragi Bjarnason heitinn, sem var prófessor við Háskóla Íslands, stofnaði Zymetech ehf. árið 1997 í tengslum við rannsóknir á ensímum úr þorski. Líftæknifyrir­
tækið byggir starfsemi sína á rannsókn­
um, þróun og framleiðslu á snyrtivörum
og lækn ingavörum úr þorskaensímum við
ör verusýkingum, húðvandamálum og sára­
græðingu.
Zymetech hefur lagt áherslu á nýtingu
hráefna svo sem þorskslógs sem fellur til
við fiskvinnslu. Fyrirtækið vann áður að
rannsóknum og vinnslu ensíma úr suður­
skautsljósátu í samstarfi við breskt lyfja ­
fyrirtæki.
Ágústa Guðmundsdóttir rannsóknastjóri
segir að Penzim­snyrtivara við húðkvillum
hafi komið á markað árið 2000 en í dag er
áhersla lögð á rannsóknir og þróun lækn­
ingavara í samstarfi við erlend lyfjafyrirtæki.
Vörurnar eru hugsaðar fyrir erlendan mark að
og seldar í nokkrum löndum. Fyrsta lækn ­
inga varan, ColdZyme, er væntanleg á mark ­
aðinn í Svíþjóð á næstunni.
Áhugi erlendra aðila
Ágústa segir að hjá Zymetech hafi alltaf
verið lögð áhersla á að taka eitt skref í einu
og að reksturinn standi undir sér.
„Við finnum mikinn áhuga erlendra aðila
á nýsköpunarstarfi fyrirtækisins. Birting
niðurstaðna rannsókna okkar í virtum erl ­
endum vísindaritum skiptir þar máli. Rann ­
sóknar sjóðir – bæði Tækniþróunars jóður og
AVS Rannsóknarsjóður í sjávar útvegi – hafa
skipt sköpum til að halda nýsköpunarstarfi
gangandi hjá Zymetech. Við erum með
nokkra samninga um mark aðs setningu við
innlend og erlend fyirtæki en það tekur tíma
að koma lækningavöru á erlendan markað.“
Nú vinna sjö manns hjá Zymetech og þar
af eru fimm með doktorsgráðu.
„Við réðum nýlega þrjá doktorsmenntaða
sérfræðinga til að starfa með okkur að
rannsóknum. Þegar markaðirnir eru farnir
að stækka og við verðum komin með fleiri
samninga sjáum við fram á að geta ráðið
enn fleira hæft fólk til að vinna hugmynda­
vinnuna með okkur.“
Ágústa guðmundsdóttir. „Við erum með nokkra samninga um markaðssetningu við innlend og
erlend fyrirtæki en það tekur tíma að koma lækningavöru á erlendan markað.“
„Penzim­snyrtivörur við
húðkvillum komu fyrst
á markað árið 2000 en
núna er áhersla lögð á
rannsóknir og þróun lækn­
ingavara í samstarfi við
erlend lyfjafyrirtæki.“
Texti: Svava Jónsdóttir Mynd: Geir Ólafsson
Akraborg:
Ellefu milljónir dósa
af þorsklifur
Niðursuðuverksmiðjan Akra ­borg var stofnuð á Akranesi fyrir 24 árum. Fyrirtækið hef ur frá upphafi lagt áherslu á niðursoðna þorsklifur en
hér á árum áður var lifrin að mestu notuð
til bræðslu. Þarna sáu menn hins vegar
ákveðið tækifæri í að sjóða hana niður.
„Við höfum einbeitt okkur að mörkuðum
í Vestur­Evrópu auk þess sem markaðir
hafa opnast í Austur­Evrópu,“ segir Rolf
Hákon Arnarson, framkvæmdastjóri Akra ­
borgar. Fyrirtækið er í dag stærsti framleið­
andi sinnar tegundar í heiminum.
„Við höfum t.d. þróað og framleitt
þors k lifrar paté sem er unnið úr þorsklifur
og þorsk hrognum, þorsksvil, skötuselslifur
og sæl keraloðnu.“
Rolf segir að hráefnið, þorsklifrin, hafi
í huga fólks breyst úr því að vera ódýrt
hráefni og í mörgum tilfellum bara álitin
úrgangur yfir í að vera verðmæti og há ­
gæða matvara. „Það er ein meginbreyting­
in sem stuðlar að velgengni þessarar vöru.
Rolf hákon arnarson. „Við höfum einbeitt
okkur að mörkuðum í Vestur-Evrópu auk þess
sem markaðir hafa opnast í austur-Evrópu.“
SJÁVaRkLaSiNN