Frjáls verslun - 01.07.2013, Page 108

108 FRJÁLS VERSLUN 7. 2013
Hæfileikinn til að ná athygli fólks og halda henni getur ráðið úrslitum um hvort
við náum árangri sem stjórnendur og leiðtogar. Þeir sem hafa þennan hæfi­
leika geta haft gríðarleg áhrif á samfélag sitt og öðlast mikið vald á skömmum
tíma. Oft er sagt um slíka leiðtoga að þeir hafi „karisma“ (charisma).
Hversu hrífandi ertu?
Við eigum ekki alltaf auðvelt með að festa fingur á eða lýsa því nákvæmlega hvað það er í fari fólks
sem heillar okkur. En það er
alveg ljóst að það er eitthvað
meira og stærra en bara útlits­
leg fegurð. Sjálfsagt getur gott
útlit hjálpað til en það eru líka til
dæmi um að það geti skemmt
fyrir; spyrjið bara ljóshærðar og
fallegar konur.
Stjórnendur sem eru hrífandi
og ná vel til fólks í samskiptum
augliti til auglitis eiga auðveld­
ara með að koma markmiðum
sínum og sjónarmiðum á fram­
færi. Þeim tekst að vekja áhuga,
fá fólk til að sýna frumkvæði, til
að taka þátt og leggja sig fram
í verkefnum af heilum hug. Það
er því til mikils að vinna.
Orðið „karisma“ er í sjálfu sér
ekki góð íslenska en orð eins
og útgeislun, persónutöfrar,
sjarmi (charm) eða að vera
hríf andi hafa einnig verið notuð
til að lýsa þessum fágæta eigin ­
leika. En er þetta meðfæddur
eiginleiki eða áunninn? Hvers
vegna hafa sumir þetta en aðrir
ekki? Eitt er víst að þeir sem
hafa þetta eiga auðveldara með
að fá fólk til fylgis við sig og kom­
ast til valda og halda völdum.
Allir sem leggja sig fram og
eru meðvitaðir um áhrif sín á
umhvefið og annað fólk ættu að
geta áunnið sér þennan eigin­
leika og þróað hann með sér.
Ef við leggjum okkur fram um
að vera aðlaðandi í framkomu
og samskiptum við annað fólk
og tekst með því að skapa
jákvæða upplifun getum við
aflað okkur og málstað okkar
fylgis. Gildir þá einu hvort um er
að ræða faglegar, hugmynda­
fræði legar eða félagslegar
forsendur. Með fylginu getum
við svo öðlast vald.
Vald í krafti persónutöfra
Það eru alls ekki allir sem hafa
persónutöfra sem sækjast eftir
völdum. En persónutöfrar geta
haft áhrif á gildismat, viðhorf og
athafnir fólks, hvað það gerir
eða gerir ekki, og það veitir
fólki vald. Vald er vandmeðfar­
ið og flókið fyrirbæri og er
auðvitað eftirsóknarvert fyrir alla
sem vilja hafa mótandi áhrif á
umhverfi sitt. Vald hefur á sér
margar hliðar og getur komið úr
ólíkum áttum. Menn geta öðlast
vald stöðu sinnar vegna, vegna
sérfræðiþekkingar eða vegna
þess að þeir eru í aðstöðu til
að refsa eða umbuna öðrum.
Við getum einnig áunnið okkur
vald, með því að fá fólk til að
fylgja okkur af öðrum ástæðum.
Til dæmis vegna þess við tölum
fyrir góðum málstað.
Góður málstaður einn og sér
dugir þó alls ekki alltaf. Til að
Sigrún Þorleifsdóttir
stjórnunarráðgjafi hjá attentus –
mannauði og ráðgjöf ehf.
StJÓRNUN
Temdu þér jákvætt
viðhorf til allra hluta.
Sjáðu það besta í fari
annarra, í aðstæðum
og viðburðum.