Frjáls verslun - 01.07.2013, Síða 113

FRJÁLS VERSLUN 7. 2013 113
„Niki Lauda, sem er
64 ára gam all, var til
aðstoðar við kvikmynd­
ina og var með í ráð um
frá upphafi, fyrst með
handritshöfundin um
Peter Morg an.“
upp í hendurnar. Lauda segir
samt að þeir hafi verið ágætir
félagar utan brautar og átt það
til að eiga saman kvöldstund
þar sem málin voru rædd af
vinsemd yfir bjórglasi.
Slys strax á fyrsta hring
Niki Lauda er í dag goðsögn
meðal allra unnenda kappakst­
urs og hefur efnast vel í við ­
skipta heiminum og er meðal
annars einn af stjórunum hjá
Mercedens Benz­formúluliðinu.
Ekki að hann hafi nokkurn
tímann þurft að hafa áhyggjur
af peningum. Hann fæddist inn
í efnaða fjölskyldu í Austurríki
og var afi hans meðal ríkustu
manna í Vín. Það vakti ekki
mikla hrifningu í fjölskyldunni
þegar Lauda ákvað að leggja
kappakstur fyrir sig, en hann
hélt ótrauður áfram, byrjaði í
neðstu deildum og vann sig
upp í formúlu­1­keppnina á
fáeinum árum. Eftir hið afdrifa­
ríka slys 1976 var andlit Lauda
illa farið af bruna og var fólk oft
vandræðalegt þegar það ræddi
við hann, sem fór í taugarnar
á honum og að hans sögn átti
hann það til að segja fólki að
vera frekar í augnsambandi
við hann en að horfa á örin og
gróin sárin.
Niki Lauda, sem er 64 ára
gam all, var til aðstoðar við
kvik myndina og var með í
ráð um frá upphafi, fyrst með
hand ritshöfundinum Peter
Morg an (Frost/Nixon The Last
King of Scotland) og síðan Ron
Howard sem hafði ekki mikið
vit á formúlu­1­kappakstri. Lauda
fór með hann á keppnir og upp­
lýsti um eðli kappaksturs ins og
endaði sú samvera með því
að Ron Howard er í dag orðinn
forfallinn aðdáandi formúlu­1 ­
kappaksturs.
Slysið sem um ræðir varð á
Nürburgring­kappakstursbraut­
inni í Þýskalandi, braut sem
hafði margoft verið gagnrýnd
vegna skorts á öryggi og hafði
Niki Lauda verið í forsvari
nokk urra ökuþóra sem vildu
að brautin yrði ekki notuð, en
fékk ekki nægan stuðning hjá
félögum sínum. Slysið varð
strax á fyrsta hring. Dekk
sprakk á Ferrari­bíl Lauda og
hann keyrði utan í vegg, þaðan
fór bíllinn á mikilli ferð í hringi
og rakst á tvo aðra bíla áður
en Ferrariinn stóð í ljósum
logum á brautinni með Lauda
innanborðs, fastan undir stýri.
Þrír keppendur sýndu mikið
hugrekki þegar þeir náðu hon­
um út úr bílnum, en skaðinn
var skeður og næstu daga var
tvísýnt um líf Lauda. Batinn
var síðan ótrúlegur og missti
hann aðeins úr þrjá kapp­
akstra. Meðan Lauda var ekki
meðal keppenda saxaði Hunt
á forskot hans og hefur það
sjálfsagt átt sinn þátt í því að
Lauda fór aftur að keppa eins
fljótt og raun bar vitni.
James Hunt fékk hjartaslag
og lést 1993, aðeins 45 ára
gamall. Eftir að hann hætti
keppni starfaði hann hjá BBC
við lýsingar á íþróttum og var
vinsæll sem slíkur.
Niki Lauda vildi Daniel
Brühl
Í hlutverkum Niki Lauda og
James Hunt eru Daniel Brühl
og Chris Hemsworth. Flestir
þekkja Hemsworth í dag enda
einn vinsælasti ungi leikarinn
og hefur leikið aðalhlutverk í
nokkrum þekktum kvikmyndum
á borð við Star Trek, Thor, The
Avengers, Snow White and the
Huntsman og Red Dawn. Daniel
Brühl þekkja færri; þó ættu
aðdáendur Quentins Tarantinos
að þekkja hann úr kvikmynd­
inni Inglourious Basterds. Það
var Niki Lauda sem mælti með
Brühl í hlutverkið og var sá sem
hafði fyrst samband við hann.
Eftir að þeir höfðu hist var Brühl
boðið hlutverkið. Af öðrum
kvik myndum sem Daniel Brühl
hefur leikið í má nefna Goodbye
Lenin, The Bourne Ultimat­
um og íslensku kvikmynd ina
Kónga veg, sem Valdís Óskars­
dóttir leikstýrði. Þriðja stóra
hlutverkið er í höndum Oliviu
Wilde, en hún leikur unnustu
Hunts. Wilde er þekktust fyrir
að hafa leikið stórt hlutverk í
sjónvarpsseríunni House en
hefur verið að færa sig upp á
skaftið í kvikmyndaheiminum á
undanförnum misserum með
góðum árangri.
daniel brühl ræðir við leikstjórann Ron howard meðan á tökum á Rush stóð.
hér má sjá hina raunverulegu James hunt og Niki Lauda til vinstri við
leikarana sem túlka þá.
Chris hemsworth og daniel brühl í hlutverkum James hunts
og Niki Lauda.