Frjáls verslun - 01.04.2006, Blaðsíða 21

F R J Á L S V E R S L U N • 4 . T B L . 2 0 0 6 21
FORSÍÐUEFNI
frá Menntaskólanum við Hamrahlíð fór hann í viðskiptafræði í
Háskóla Íslands og lauk þaðan prófi 1995.
Í einum grænum
Að sögn Sverris fékk hann ungur áhuga á verslun og viðskiptum.
„Fyrsti „bissnesinn“ var þegar ég keypti pylsuvagn og rak vetur-
inn 1989. Vagninn hét Í einum grænum og ég ætlaði að sjálfsögðu
að verða stór á því sviði og fékk leyfi til að reka pylsuvagn á Ing-
ólfstorgi. Bjórinn var leyfður 1. mars 1989 og hugmyndin var að
selja fólki á pöbbarölti pylsur,“ segir Sverrir og hlær. „Ég sá fyrir
mér gríðarleg viðskipti í því. Málin æxluðust þó á annan veg því
að í framhaldi af einhverjum ólátum niðri í bæ ákváðu borgaryf-
irvöld að stemma stigu við látunum með því að afturkalla leyfið
og það áður en mér hafði tekist að opna vagninn.“
Sverrir segir að í staðinn hafi hann fengið bráðabirgðaleyfi til
að selja pylsur við Hlemm. „Veturinn 1989 er einhver kaldasti og
snjóþyngsti vetur í manna minnum og rekst-
urinn gekk í samræmi við það. Ég byrjaði
daginn á því að moka snjó út úr vagninum og
þýða vatnið í pottinum, síðan stóð ég vaktina
í sextán tíma til að reyna að hafa upp í stofn-
kostnað og fæða fjölskylduna.“
Sverrir segist hlæja að þessu í dag, en á
sínum tíma hafi þetta verið dauðans alvara
og langt frá því að vera fyndið. „Blessaður
vertu, ég skráði niður hvað ég seldi margar
pylsur á dag og var búinn að reikna nákvæmlega út hvað færi
mikið sinnep á hverja pylsu,“ segir Sverrir og getur ekki annað
en hlegið að minningunni. „Þetta var skelfilegt.“
Eftir pylsuævintýrið fór Sverrir í viðskiptafræði í Háskóla
Íslands. Á háskólaárunum fluttu Sverrir og Ragnhildur inn alls
kyns smávarning frá Sýrlandi sem þau seldu í Kolaportinu. „For-
eldrar mínir bjuggu um tíma í Damaskus og þegar við fórum að
heimsækja þau sáum við eitt og annað sem okkur langaði að
prófa að selja hér heima. Þetta voru dúkar, styttur, pottar og
annað smádót. Salan gekk ágætlega en það var feikilega flókið
og mikið ferli að fá hlutina tollafgreidda og tók því varla að
standa í því til lengdar.“
Sverrir útskrifaðist sem viðskiptafræðingur 1995 og tók
við sem fjármálastjóri hjá Kögun. Sverrir segir að á þeim tíma
hafi Kögun verið tiltölulega lítið fyrirtæki, lokað og sveipað
dulúð. „Fyrirtækið var nýflutt til Íslands frá Kaliforníu og vann
eingöngu að verkefnum á Keflavíkurflugvelli. Mér fannst þetta
feikilega skemmtilegur tími og ég lærði mikið en árið 1998 flutti
ég mig yfir til Nýherja þar sem ég var titlaður framkvæmdastjóri
alþjóðasviðs sem var stór og virðuleg deild.
Ég var eini starfsmaður deildarinnar.“
Að sögn Sverris var þetta á toppi net-
bólunnar og á þeim tíma þegar allir í tölvu-
bransanum voru að spá í útrás og ætluðu
að gerast stórir á alþjóðavísu. „Starf mitt
hjá Nýherja fólst aðallega í að skoða mögu-
leika og leita að tækifærum til að færa út
kvíarnar.“
Út í verslunarrekstur
Ragnhildur Anna Jónsdóttir, eiginkona Sverris, er fædd og
uppalin í fatabransanum og það blundaði lengi í þeim að fara
Nafn: Sverrir Berg Steinarsson.
Fæddur: 5. janúar 1969.
Maki: Ragnhildur Anna Jónsdóttir.
Börn: Margrét Berg, 17 ára, og
Andri Berg, 9 ára.
Menntun: Viðskiptafræðingur.
Í HNOTSKURN
• Skífunni breytt í Dag Group í mars 2005
og Sena verður til.
• Sena var seld til Dagsbrúnar í febrúar
2006.
• Árdegi kaupir Dag Group í mars 2006.
• Nordex rekur verslunina Next.
• Stefnt er að endanlegri sameiningu
Árdegis, Nordex og Dags Group núna
í júní.
SAGA ÁRDEGIS
• Árdegi var stofnað 1999.
• Eigendur eru Sverrir Berg Steinarsson og
Ragnhildur Anna Jónsdóttir.
• Megintilgangur félagsins er rekstur
og fjárfestingar í smásöluverslun.
• Opnaði verslunina Noa Noa í Kringlunni
1999.
• Opnaði verslunina Next í Kringlunni
2003.
• Fjárfesti í Skífunni í gegnum Nordex árið
2004.
• Árdegi leiðir fjárfestingu í dönsku
raftækjakeðjunni Merlin og er með 25%
hlut.
• Merlin rekur 48 verslanir í Danmörku.
ÁRDEGI EFTIR SAMEININGU
• Áhersla á smásölu.
• Velta um 4,5 milljarðar á ári.
• Starfsmenn rúmlega 200.
• Fimmta stærsta smásölufyrirtæki á
Íslandi.
• Fatnaður, raftæki, tölvur og afþreying.
• 17 verslanir á Íslandi (BT 9, Skífan 3,
Hljóðfærahúsið 2, Sony Center, Next og
Noa Noa).