Frjáls verslun - 01.04.2006, Blaðsíða 55

F R J Á L S V E R S L U N • 4 . T B L . 2 0 0 6 55
S T A R F S M A N N A M Á L
Stjórnun - starfsmannavelta:
ÞEGAR STARFSMENN
SKIPTA ÖRT UM STARF
Þ
að er af sem áður var. Starfsmenn eru núna víð-
ast hvar ekki í sama starfinu fyrir lífstíð heldur
skipta þeir örar um störf og jafnvel starfsgreinar.
Sumir telja þetta æskilegt og telja að þannig haldi
fólk fremur „verðgildi“ sínu á vinnumarkaði.
Starfsmannavelta er stundum skilgreind þannig að um sé
að ræða hlutfall starfsmanna sem fara frá fyrirtæki á ákveðnu
tímabili. Of mikil starfsmannavelta er talin slæm en „eðlileg“
starfsmannavelta þykir góð. Það sem telst hins vegar eðlileg
starfsmannavelta í einni atvinnugrein getur talist óeðlileg
starfsmannavelta í annarri grein.
Ef miklu hefur verið kostað til menntunar starfsmanna
getur það haft mjög neikvæð áhrif ef þeir fara síðan með þekk-
ingu sína til samkeppnisaðila. Hins vegar getur verið gott fyrir
fyrirtæki að losna við „slæma“ starfsmenn, þá starfsmenn
sem ekki skila fyrirtækjum arðsemi og að þeir hætti sjálfvilj-
ugir, því það getur einnig haft góð áhrif á starfsemina sem og
starfsanda í fyrirtækjum. Starfsmannavelta getur því verið
góð eða slæm eftir því hvers konar starfsemi er um að ræða.
Mikill kostnaður samfara mikilli starfsmannaveltu
Of mikil starfsmannavelta getur hins vegar verið mjög kostn-
aðarsöm og því er oft reynt að finna upp á ýmsum meðulum
til að halda í það fólk sem æskilegt er að halda í. Það er kostn-
aðarsamt að finna nýtt fólk, ráðningarferlið sjálft getur verið
dýrt og það getur tekið starfsmenn langan tíma að komast inn
í nýtt starf. Mistök í ráðningum geta því verið dýr.
TEXTI: SIGRÚN HILDUR
KRISTJÁNSDÓTTIR
MYND: GEIR ÓLAFSSON
Hvernig geta stjórnendur komið í veg fyrir of mikla starfs-
mannaveltu? Það er mikilvægt því að það er kostnaðarsamt
fyrir fyrirtæki ef starfsfólk tollir ekki lengi í starfi.
Greinarhöfundur, Sigrún Hildur Kristjánsdóttir, er MA í mannauðsstjórnun.