Frjáls verslun - 01.04.2006, Blaðsíða 95

F R J Á L S V E R S L U N • 4 . T B L . 2 0 0 6 95
Lára V. Júlíusdóttir lögfræð-
ingur gengur reglulega enda
bendir hún á að ganga sé
eðlileg hreyfing og eitt það
besta sem til er. Hún er
auk þess í leikfimi fjórum
til fimm sinnum í viku á vet-
urna. „Ég fer í göngutúra
vegna þess að þetta er góð
líkamsþjálfun og það er gott
að vera úti í náttúrunni. Ég
geng alltaf eitthvað í hverri
viku og það líður aldrei
sú helgi að ég fari ekki í
göngutúra. Ég bý í Smáíbúð-
arhverfinu og fer einmitt
„stífluhringinn“ um helgar;
þá geng ég að heiman inn
í Elliðaárdalinn og upp að
rafveituhúsinu, stíflunni eða
sundlauginni í Árbænum.“
Þess má geta að Lára
gekk nýlega á Hvannadals-
hnjúk. „Ég æfði mig í allan
vetur fyrir þessa göngu og
gekk nokkrum sinnum á
Esjuna.“
Lára og eiginmaður
hennar eiga sumarbústað á
Arnarstapa og þegar þau eru
fyrir vestan ganga þau oft
gamla leið út að Hellnum.
„Við erum innan við klukku-
stund hvora leið. Það er gott
að vera úti í náttúrunni og
kynnast landinu.“
Sigfús Ragnar Sigfússon - Sigfús í Heklu - og eig-
inkona hans, María Sólveig, voru í Víetnam fyrir
nokkrum árum. Þar sáu þau hve margir óku um á
mótorhjólum. „Konan var svo hrifin af þessu að ég
gaf henni mótorhjól í afmælisgjöf fyrir fjórum árum.
Það var ómögulegt að hafa hana eina á mótorhjóli
þannig að ég keypti líka mótorhjól fyrir mig.“
Sigfús segir að skriflega prófið hafi vafist fyrir
þeim. „Við féllum bæði í fyrsta skipti við litla gleði.“
Hjónin náðu síðan prófinu.
„Við hjólum mest í Reykjavík. Auk þess hjólum við
í nágrenni borgarinnar eins og til dæmis til Þingvalla
og Eyrarbakka. Við hjólum reyndar bara í góðu veðri.
Það er nauðsynlegt að vera varkár vegna þess að
mótorhjólafólk mætir oft talsverðu tillitsleysi í umferð-
inni.“
Sigfús segir að þegar á mótorhjólið sé komið verði
frelsistilfinning öllu yfirsterkari. „Við förum á staði
sem við færum annars ekki á. Þetta er öðruvísi ferða-
máti og ómetanlegt að hafa konuna með í sportinu.
Eitt það besta
sem til er
Öðruvísi ferðamáti
Lára V. Júlíusdóttir:
Sigfús Ragnar Sigfússon:
Mótorhjólafólk sem hittist á förnum vegi spjallar gjarnan saman og er það
líka krydd í sportið. Svo er skemmtilegur siður á meðal mótorhjólafólks að
gefa smá nikk með vinstri hendi þegar hjólafólkið mætist í umferðinni.“
Lára V. Júlíusdóttir (fremst).
Hjónin María Sólveig Héðinsdóttir og Sigfús R. Sigfússon..