Frjáls verslun - 01.04.2006, Blaðsíða 70

70 F R J Á L S V E R S L U N • 4 . T B L . 2 0 0 6
TIM YEO Svona til að herða nú á hvað „back to
basics“ stefnan væri hættuleg komst það upp 1993
að upprennandi stjórnmálastjarna, Tim Yeo, hefði
átti barn utan hjónabands. Slík börn kallast svo
skemmtilega „love child“ á ensku. Yeo hrökklaðist
út úr stjórnmálum um tíma en hið sérstaka við sögu Yeos er að
honum hefur tekist að komast aftur inn í stjórnmál, er nú áberandi
í Íhaldsflokknum og líklegt ráðherraefni ef og þegar flokkurinn
kemst í stjórn.
STEPHEN MILLIGAN Árið 1994 var það aftur kyn-
hvötin sem kom Íhaldsflokknum á forsíðurnar: þing-
maðurinn Stephen Milligan fannst látinn, dánaror-
sökin virtist vera sjálfsmorð. Samt ekki sjálfsmorð
af einfaldari gerðinni - maðurinn fannst í sokkabanda-
belti, hafði kafnað, virtist hafa kyrkt sig sjálfur. Það er ekki alveg
auðvelt að útskýra hvað hér er á ferðinni án þess að lesendum
kunni að svelgjast á kaffinu, en dauðsfallið var að öllum líkindum
slys vegna hættulegs kynferðislegs athæfis.
HARTLEY BOOTH OG PIERS MERCHANT
Á næstu árum, 1995 og 1997, komust
tveir íhaldsþingmenn, Hartley Booth
og Piers Merchant, á forsíðurnar fyrir
að gerast fjölþreifnir til kvenna sem
störfuðu í námunda við þá. Málin, sem bæði má flokka sem kyn-
ferðislega áreitni, kostuðu mennina þingsætin.
Áðurnefnd mál snertu öll Íhaldsflokkinn.
DAVID BLUNKETT Á fyrstu stjórnarárum Verka-
mannaflokksins virtist siðprýðin ráða. David
Blunkett, blindi innanríkisráðherrann, breytti því
rækilega þegar hann varð að segja af sér sökum ást-
arsambands við gifta konu, Kimberley Quinn, sem
fæddi honum barn.
Eins og oft er í svona málum þá var það ekki málið sjálft sem
felldi hann heldur að hann sagði ósatt um afskipti sín af vegabréfs-
áritun fyrir barnfóstru ástkonunnar auk þess sem hann ákvað að
fara í mál við konuna til að sanna faðerni sitt. Hann höfðaði líka
mál vegna annars barns sem konan átti, en það barn reyndist ekki
hans. Hvort það var barn eiginmannsins hefur ekki verið gefið upp
- kvæntur blaðamaður við Guardian viðurkenndi að hafa líka átt í
ástarsambandi við konuna, alla vega um hríð, svo það komu hugs-
anlega ýmsir til greina.
JOHN PRESCOTT Nýupplýst framhjáhald John
Prescotts kostaði hann ekki embættið, hann laug
aldrei um það heldur viðurkenndi sökina um leið
og málið varð lýðum ljóst. Sambýlismaður ástkon-
unnar heyrði konuna tala upp úr svefni um bólfimi
Prescotts, kíkti þá á skilaboðin í farsímanum hennar, sá ýmis boð
þar sem glögglega áttu ekki við
embættið - eða þannig var sagan
sögð í síðdegisblöðunum. Ást-
konan var ritari Prescotts, sá
um að halda dagbókina hans,
um 25 árum yngri en hinn 67 ára
ráðherra.
Málið kom upp rétt fyrir
nýafstaðnar sveitarstjórnar-
kosningar þar sem Verkamanna-
flokkurinn hlaut verstu útreið
í rúma tvo áratugi, vísast að
hluta af því að mál Prescotts fór
ekki vel í kjósendur. Prescott
hefur í hyggju að kæra fyrir
siðanefnd fjölmiðla blöðin sem
birtu lýsingar konunnar, þær
séu ósannar. Spurning hvort
hann láti verða af því þegar
honum rennur reiðin því að þá
þarf hann að sýna fram á lygar
og hver er þá sannleikurinn? Það gæti reynst hættuleg upprifjun,
því að þá dynur málið aftur yfir.
Þegar rýnt er í ofangreind mál kemur í ljós að mál Blunketts er
algjör undantekning í framhjáhaldssögunum að því leyti að hinn
fráskildi ráðherra sótti sér ástkonu, Kimberley Quinn, sem er ekki
í þjónustuhlutverki heldur er hún útgefandi tímaritsins „The Spect-
ator“, gift auðmanni og því engin undirtylla.
VALDAMIKLIR MENN OG UNDIRKONUR Annars snúast svona mál
undantekningarlaust um erkiklisjur: Valdamiklir menn, undirkonur
eða hreinlega vændiskonur - snúast um karlkyns valdbeitingu í
grófri mynd: Í raun bæði dapurlegt og ósmekklegt.
Svona mál velta gjarnan upp þeirri spurningu hvort Englend-
ingar séu eitthvað bældari kynferðislega en nágrannaþjóðirnar.
Erfitt að segja, en rétt eins og sumir halda því fram að samkyn-
hneigð sé algengari í Englandi en víða í nágrannalöndunum vegna
þess hvað mikið er um kyngreinda skóla, ekki síst heimavistar-
skóla, þá má velta því fyrir sér hvort þessi aðgreining kynjanna ýti
undir kynferðislega bælingu.
STJÓRNMÁL PERSÓNULEG OG HARÐSNÚIN Þegar athugað er
hvaða mál koma upp á yfirborðið varða þau nánast eingöngu stjórn-
arþingmenn og ráðherra. Stjórnarandstaðan fær yfirleitt að vera í
fríi nema málið sé því æsilegra. Það má því álykta að mál af þessu
tagi séu soralegt innlegg í stjórnmálaumræðuna - dæmi um hvað
stjórnmál eru að hluta til persónuleg og harðsnúin.
Það er þó tæplega aðeins kynferðisleg bæling, öfund og
harðsvíruð stjórnmál sem ýta undir mál af þessu tagi. Fjölmiðlar,
einkum blöðin, eru meira en fús til að borga ógnarupphæðir fyrir
góðar „kiss and tell“ sögur.
L U N D Ú N A P I S T I L L S I G R Ú N A R
Nokkur nýleg dæmi:
1. David Mellor
árið 1992
2. Tim Yeo
árið 1993.
3. Stephen Milligan
árið 1994.
4. Hartley Booth
árið 1995.
5. Piers Merchant
árið 1997.
6. David Blunkett
árið 2004.
7. John Prescott
árið 2006.