Frjáls verslun - 01.04.2006, Blaðsíða 26

26 F R J Á L S V E R S L U N • 4 . T B L . 2 0 0 6
FORSÍÐUEFNI
næsta orrusta verður háð og hvernig landslagið hefur breyst frá
deginum áður. Á svoleiðis markaði gerast hlutirnir rosalega hratt
og menn verða að vera fljótir að hugsa ef þeir ætla ekki að verða
undir.“
Verslanarekstur í Danmörku
Í framhaldi af orðum Sverris um takmarkaðan áhuga erlendra stór-
verslana á Íslandi sem markaðssvæði segist hann telja að Íslend-
ingar hafi meira að sækja út en þau hingað.
En hver var aðdragandinn að því að Árdegi keypti, ásamt Baugi
og Milestone, dönsku raftækjakeðjuna Merlin?
„Upphaflega var Árdegi að vinna að útrás Next í Danmörku.
Eftir því hafði verið tekið hversu vel gengur með Next á Íslandi.
Bretarnir höfðu áhuga á því að spreyta sig í því og var opnuð Next-
verslun í Danmörku vorið 2004. Nú standa yfir viðræður um að við
komum að rekstri þeirrar verslunar og frekari uppbyggingu á Norð-
urlöndum. Niðurstaðan á eftir að koma í ljós.“ segir Sverrir. „Ég
hafði reyndar verið að líta í kringum mig eftir fleiri möguleikum og
var Merlin eitt af þeim fyrirtækjum sem ég vissi að var til sölu.“
Að sögn Sverris er Merlin rótgróið, áttatíu ára gamalt fyrirtæki,
sem rekur fjörutíu og átta verslanir um alla Danmörk og mjög
spennandi fyrirtæki, en hefur ekki verið að skila hagnaði undan-
farin ár. „Ég sá strax ákveðna möguleika í rekstrinum og var sann-
færður um að það mætti snúa honum á réttan kjöl. Í ágúst 2005 fór
ég í það af fullum krafti að kaupa Merlin og fékk til liðs við mig
Baug og Milestone og við lukum því ferli í lok september í fyrra.“
Sverrir er starfandi stjórnarformaður í Merlin og má segja að hann
hafi verið með annan fótinn í Danmörku síðustu misseri og unnið
að endurreisn fyrirtækisins.
„Merlin var í stórum mínus þegar við keyptum fyrirtækið,“ segir
Sverrir, „en það hefur gengið vonum framar að rétta það við. Við
lögðum upp með ákveðna áætlun sem virðist ætla að ganga upp
í megindráttum. Merlin er eins og risastórt skip og tekur tíma að
snúa rekstrinum við. Fyrst þarf að draga úr ferðinni, laga komp-
ásstefnuna og ná svo stíminu upp aftur. Það fyrsta sem þurfti að
gera var að beina sjónum að undirstöðum fyrirtækisins, búðunum
sjálfum, vörusamsetningu, verðstrúktúr og ímynd. Stundum snérist
málið hreinlega um það að þrífa búðirnar eða skipta um verslunar-
stjóra.
Við höfum skorið yfirstjórnunarkostnað niður um 40% og
fækkað birgjum um helming til þess að ná upp meiri innkaupa-
krafti og einfalda vöruflæðið. Þessum fyrsta áfanga lauk núna í
apríl og þá tóku við verkefni sem lúta m.a. að vörustýringu, vöru-
dreifingu og upplýsingaflæði. Síðasta skrefið er svo að ákveða
hvernig fyrirtækið á að þróast í framtíðinni.“
Sverrir er sannfærður um að Merlin eigi eftir að rétta úr kútnum
og nefnir sem dæmi að veltan í maí 2006 hafi aukist um 20% frá
sama mánuði í fyrra.
Aðspurður segir Sverrir býsna margt hafi komið honum á óvart
þegar hann tók við rekstri Merlin. „Fyrirfram var ég búinn að gefa
Ragnhildur Anna:
FILLET OG FRANSKAR
Ragnhildur Anna Jónsdóttir, eiginkona Sverris, segir að í fyrstu ferð
þeirra saman til útlanda hafi hún verið átján ára en Sverrir nítján. „Við
vorum búin að vera par í tæpt ár og ákváðum að fara í rómantíska
ferð til London í viku og ég held að sú ferð sé enn í dag sú dýrasta og
flottasta utanlandsferð sem við höfum farið í.“
Faðir Ragnhildar, sem var öllum hnútum kunnur í London, útbjó
lista yfir góð veitingahús fyrir unglingana eins og Ragnhildur orðar það.
„Eitt kvöldið fórum við á svakalega fínan franskan restaurant. Matseð-
illinn var allur á frönsku en við skildum þó eitt orð á seðlinum og það
var „fillet“. Það var því ekkert til fyrirstöðu að panta steik og vildum
við fá franskar kartöflur með,“ segir Ragnhildur.
„Eitthvað varð þjónninn kindugur í framan en kom svo með pínulít-
inn gufusoðinn fiskbita og franskar kartöflur á diski og eðalrauðvínið
sem pantað hafði verið með „steikinni“. Skammtarnir voru að sjálf-
sögðu mjög franskir og nettir og þar að auki rándýrir.“ Ragnhildur
segir að þessi fyrsta reynsla þeirra af frönskum mat hafi endað á
MacDonalds til að metta sárasta hungrið.
SAGT UM SVERRI