Tímarit Máls og menningar - 01.05.1943, Page 18

12
TIMARIT MALS OG MENNINGAR
bókasafnsins í bókakaup o. fl. Þegar litið er í heild á afdrif þessara
mála á þingi, hefur í rauninni unnizt allmikið á, þó að mjög verði
enn að-herða sóknina. Er það merkilegt tímanna tákn, að það eru
fulltrúar verklýðsflokkanna og bæjarfólksins, sem heyja menning-
arbaráttu þjóðarinnar, en fulltrúar bændanna og sveitanna ásamt
fulltrúum stórgróðavaldsins í Reykjavík, sem mynda biksvart aftur-
hald í þessum málum. Framsóknarflokkurinn nærri óskiptur og um
það bil helmingur þingmanna Sjálfstæðisflokksins stóðu á síðasta
Alþingi sem þéttur veggur gegn því, að nokkur veruleg stefnubreyt-
ing gæti orðið til stuðnings vísindum, bókmenntum og listum.
Ég hef hér að framan viljað gefa íslenzkri alþýðu dálitla hug-
mynd um afstöðu Alþingis til listastarfsemi í landinu. Ég skoða alls
ekki þá starfsemi neitt einkamál listamanna né hagsinunamál þeirra
einstaklinga, sem nú starfa að listum, heldur málefni, sem varðar
alla þjóðina, heiður hennar heima fyrir og út á við, sjálfstæði henn-
ar og framtíð. Ég tel skyldu þjóðarinnar að vaka yfir starfi Al-
þingis í þessum málum. Það er sómi hennar allrar, enda orðstír
hennar í heiminum undir því kominn, að fána íslenzkrar listar sé
á þessum tíma haldið hátt á loft, og annað en rausn og höfðings-
lund á þar ekki heima. sem hlúa skal að andlegum verðmætum ís-
lendinga.
Kr. E. A.
/
ÞRJÚ KRISTILEG LISTAVERK
hafa glatt hugi manna í höfuðstaðnum nú í vor, Jóhannesar-
passían eftir Jóhann Sebastían Bach í flutningi dr. Viktors IJrbans-
sonar*, Orðið, sjónleikur eftir séra Kai Munk og altaristafla Muggs
(Guðmundar Tborsteinssonar) á listsýningunni.
Jóhannesar-passían er hákirkjulegt helgitónverk gert um píslar-
sögu Jóhannesarguðspjalls fyrir kóra og einsöngvara með undirleik
lítils orkesturs, en felld inn í textann andleg ljóð og sálmar undir
* Dr. Viktor verður að fyrirgefa, að nafn, sem illa er liægt að tákna með
okkar stafrófi, þaðan af síður bera fram („tsch“ endurtekið í sífellu), verð-
um við að íslenzka,