Tímarit um menntarannsóknir - 01.01.2006, Qupperneq 41

36
Tímarit um menntarannsóknir, 3. árgangur 2006
þau eru metin með þeim erlendu kvörðum
sem hér voru notaðir, séu frekar jákvæð hjá
þeim grunnskólakennurum sem þátt tóku í
rannsókninni. Fyrir framkvæmd rannsóknar-
innar voru viðhorf starfandi grunnskólakennara
á Íslandi ekki þekkt nema að litlu leyti (Hrönn
Bessadóttir o.fl., 2003). Mikilvægt er að benda á
að niðurstöðurnar gefa innsýn í viðhorf kennara
í ákveðnum bæjarfélögum á landsbyggðinni en
endurspegla ekki viðhorf kennara á landinu í
heild. Þó viðhorf grunnskólakennaranna sem
hér tóku þátt séu á heildina litið frekar jákvæð
eru neikvæð viðhorf til staðar hjá starfandi
grunnskólakennurum þessa lands og nokkuð
vantar upp á þekkingu þeirra á málefnum þessa
hóps.
Þau viðhorf og það viðmót sem sam- og
tvíkynhneigðir unglingar mæta hjá starfsfólki
skólans skipta miklu máli í tengslum við
það hversu auðveldlega þeim tekst að lifa í
sátt við sig og kynhneigð sína (Guðmundur
Páll Ásgeirsson, Halldóra Bergmann og Toby
Hermann, 1994b). Sam- og tvíkynhneigð
ungmenni upplifa einangrun í skólunum
(Fontaine, 1998) og lenda oftar en gagnkyn-
hneigðir í vandræðum á þessu skeiði (Fontaine
og Hammond, 1996). Fordómar geta haft þau
áhrif að sam- og tvíkynhneigðum unglingum
hættir frekar við þunglyndi (Fontaine, 1998),
átröskun (Robin o.fl., 2002), drykkju og
eiturlyfjaneyslu (Orenstein, 2001). Auk þess
eru sam- og tvíkynhneigð ungmenni líklegri en
gagnkynhneigð til að reyna að stytta sér aldur
(Russell og Joyner, 2001).
Kennarar sem styðja sam- og tvíkynhneigða
nemendur sína og koma fram við þá án
fordóma hjálpa til við að koma í veg fyrir
vandamál (Russell o.fl., 2001). Þess vegna er
mikilvægt að til sé fræðsluefni sem sýnt hefur
verið fram á að ýti undir jákvæðari viðhorf hjá
grunnskólakennurum. Þessi rannsókn bendir
til þess að með tiltölulega stuttri fræðslu
megi auka þekkingu og gera viðhorf kennara
jákvæðari í garð sam- og tvíkynhneigðra
unglinga. Einnig er athyglisvert að einfalt mat
á framtíðarhegðun kennara gefur til kynna
að fræðslan geti haft áhrif á viðmót þeirra
gagnvart sam- og tvíkynhneigðum nemendum.
Gagnlegt gæti verið í framhaldi af þessu að
kanna nánar hvernig kennurum gengur að ræða
kynhneigð almennt og takast á við að hafa
hinsegin nemendur í skólastofunni. Hjálpa þarf
grunnskólakennurum þessa lands þannig að þeir
geti betur mætt þörfum sam- og tvíkynhneigðra
unglinga svo og þeim nemendum sem eiga
sam- og tvíkynhneigða að. Því eins og staðhæft
er í siðareglum Kennarasambandsins (2002)
ber kennurum að hafa jafnrétti allra nemenda
að leiðarljósi og sýna hverjum einstaklingi
virðingu, áhuga og umhyggju.
Abstract
Homosexual and bisexual youths meet prejudice
in their everyday lives, which can have serious
consequences such as depression, low self-
esteem and a higher suicide risk. The purpose
of this study was to examine the impact of a
cognitive educational intervention on teachers’
knowledge and attitudes towards gays, lesbians
and bisexuals (GLB). In accordance with
prior research, it was hypothesized that the
intervention would produce a positive impact.
A total of 137 primary school teachers in three
schools participated in the study. The teachers’
attitude toward GLBs was measured and their
knowledge regarding GLB issues was assessed.
A month later a knowledge based intervention
was carried out in the experimental group and
the questionnaire was sent to all participants
again. The results indicate that the intervention
produced a positive impact on knowledge
and attitudes towards GLB. No changes were
observed in the teachers who were not offered
the intervention. The study indicates that it is
possible to influence teachers’ attitudes and
knowledge about GLBs and possibly make life
better for homosexual and bisexual youths still
in school.
Áhrif fræðslu á viðhorf kennara til sam- og tvíkynhneigðra