Tímarit um menntarannsóknir - 01.01.2010, Page 12

Ég held jafnframt að trúarbrögðin hafi ýmislegt
að kenna okkur um mannsandann og manns -
sálina sem trauðla verði lært annars staðar. Ég
er engu að síður tortrygginn á margt sem nú á
dögum fer fram í skólum í nafni „andlegrar
reynslu“. Það er orðið að einhvers konar veigr -
unarorði fyrir trúarlega reynslu þar sem það
síðara er bannorð. en sé andleg reynsla slitin úr
tengslum við trúarlíf er spurning hvaða merking
er eftir í hugtakinu önnur en að vera samheiti
fyrir fagurfræðilega reynslu eða siðferðilega
innsýn. Þó má geta þess að í nýlegri ritgerð í
American Philosophy of Music Education
Review reyni ég að skilgreina „andlega reynslu
af tónlist“ á ótrúarlegan hátt.
gLeYmskueFni
Hef ég gleymt einhverjum atriðum sem ég hefði
átt að spyrja þig um svo að lesendur áttuðu sig
á persónunni og heimspekingnum David Carr?
svar: Ég man bara eftir einhverjum smáatriðum.
Þú hefðir ef til vill getað spurt mig í byrjun
hvers vegna ég gerðist menntaheimspekingur í
þessu lífi og hvort ég myndi velja sama vettvang
í því næsta. Ég tók upphaflega kennarapróf en
yfirgaf svo kennarastarfið snemma á sjöunda
áratugnum og fór að læra heimspeki við Há -
skól ann í Leeds. Þar var rökgreiningar heim -
speki í hávegum höfð og meðal kennara minna
voru Peter geach, roy Holland, roger White,
Peter Long, Timothy Potts, Hugo meynell og
u. T. Place. Þeir sannfærðu mig um að stærstu
vandamálin í menntaumræðu samtímans væru
hugtakalegs eðlis – og að kenningafarganið sem
haldið væri að kennaranemum ruglaði þá aðeins
enn frekar í ríminu. Ég ákvað því að leggja
stund á doktorsnám í heimspeki menntunar hjá
brautryðjanda þeirra fræða í Bretlandi, rök grein -
ing arspekingnum mikla r. s. Peters í Lon don
institute of education. Þremur áratugum síðar
er ég enn sannfærður um að réttur hugtaka -
skiln ingur sé lykillinn að skilningi á mennta -
málum og að helsti veikleikinn í fagmennsku
margra kennara sé hugtaka rugl ingur. í næsta
lífi ætla ég hins vegar að eyða mestum tíma
mínum í að læra að spila á píanó og helst verða
jafngóður og Herbie Hancock, Horace silver
eða mcCoy Tyner (eða jafnvel Boogie Boy
Carr)!
12 Án dygða verða tæknikúnstir að holri skurn
Tímarit um menntarannsóknir, 7. árgangur 2010
Tímarit um menntarannsóknir_Layout 1 1/17/11 5:18 PM Page 12