Ritið : tímarit Hugvísindastofnunar - 01.05.2012, Síða 185

185
vopn í hendur stuðningsmanna Davíðs. Aðstoðarritstjóri Viðskiptablaðsins,
Sigurður Már Jónsson, gerði viðtalið að umræðuefni í grein um rithöfund-
inn, þar sem dregin er upp mynd af Hallgrími sem einum af höfuðand-
stæðingum Davíðs:
Upp frá því var hann harðasti gagnrýnandi ríkisstjórnar Davíðs Odds-
sonar og einlægur meðreiðarsveinn útrásarvíkinga og auðmanna eins
og andstæðingar hans sögðu gjarnan. Þegar þessi nýja yfirstétt kom
saman í glæsiboði í Listasafni Íslands í desember 2005 voru greidd-
ar 20 milljónir króna fyrir ómálað verk eftir snillinginn sem reynd-
ar hálfskammaðist sín fyrir tilstandið enda plebbalegt fram úr hófi.
Hann varð þannig tenging vinstri manna og auðmanna, átti vini á
báðum stöðum og dáður sem snjall þjóðfélagsrýnir enda hvassyrtur
með eindæmum og hlífði engum sem voru á öndverðri skoðun við
hann. Að því leyti var hann ómetanleg málpípa þessara manna.50
Það er forvitnilegt að margumtalað málverk skuli enn og aftur vera helsti
vitnisburðurinn um sukkið á skáldinu, en annað virðist aldrei dregið fram
þegar meint spilling Hallgríms er færð til bókar. Einnig má draga í efa þá
fullyrðingu Sigurðar Más að hann sé ómetanleg málpípa óvina Davíðs.
Til þess er Hallgrímur of yfirlýsingaglaður, auk þess sem hann helst illa í
flokki – ólíkt þeim staðföstu andstæðingum sem gagnrýna hann.
Í grein sinni „Bæ, bæ, Nýi Hallgrímur“, sem vísað var í hér að ofan,
gagnrýndi Helgi Hjörvar Hallgrím einmitt fyrir skort á staðfestu. Hall-
grímur hafi undanfarin ár til skiptis lýst yfir stuðningi við ráðamenn í
Sjálfstæðisflokki og Samfylkingu og erfitt sé yfirhöfuð að sjá samfellu í
yfirlýsingum hans, sem beri fyrst og fremst hugmyndafræðilegu ístöðuleysi
vitni.51 Helgi gerir lítið úr aðkomu Hallgríms að búsáhaldabyltingunni og
model“, Manufacturing Consent: The Political Economy of the Mass Media, New York:
Pantheon, 1988, bls. 1–35. Guðni Elísson hefur einnig skrifað grein um efnið sem
ber nafnið „Hver er ráðgáta Orwells? um hlutverk gagnrýnna menntamanna í
samfélagsumræðunni“, en hún er væntanleg á árinu 2012 í safnriti um kenningar
bandaríska fræðimannsins Noams Chomsky.
50 Sigurður Már Jónsson, „Höfundur Baugslands snýr við blaðinu“, Viðskiptablaðið
27. ágúst 2009, bls. 27.
51 Nærtækari skýring væri auðvitað að ætla Hallgrím óflokksbundinn hægri krata
en margar fullyrðingar hans eiga samhljóm með þeirri hugmyndafræði sem Tony
Blair, formaður breska Verkamannaflokksins til margra ára, átti mestan þátt í að
breiða út á efnahagslegum uppgangstímum aldamótaáranna. Þannig er það fyrst
og fremst flokkshollusta sem bindur marga Samfylkingarmenn fremur við þann
flokk en Sjálfstæðisflokkinn.
„OG EFTIR SITJUM VIð MEð SEKTARKENND Í BRJÓSTI“