Skagfirðingabók - 01.01.1992, Page 23

BJÖRN ÞORKELSSON, SVEINSSTÖÐUM
Vorið 1887 gerði stórhríð 17. maí, er stóð í fjóra daga. Góð
tíð hafði verið áður og búið að sleppa. Víða náðist fé ekki í hús,
og varð mikið skepnutjón um alla sveitina. Þá bjó á Anastöðum
Helgi Björnsson. Hann sagði mér, að eftir þetta skaðaveður
hefðu sauðir frá Sveinsstöðum fundizt dauðir þar í grennd „á
hryggnum og allavega“.
Lægst var tíund Björns Þorkelssonar haustið 1887, 12 lausa-
fjárhundruð, en hækkaði á næsta ári upp í 13Vúhundrað. Haust-
ið 1887, eftir fellinn um vorið, voru 18 bændur í Lýtingsstaða-
hreppi, sem töldu fram eitt til þrjú lausafjárhundruð. Jóhannes
bóndi á Hóli tíundaði eitt hundrað, enda fór hann til Ameríku
á næsta ári. A þessum árum fór fólk til Ameríku á hverju ári.
Arið 1888 var fjórum veittur styrkur úr hreppssjóði til Amer-
íkuferðar, samtals 945,99 krónur.
Þeir Svaðastaðamenn vildu ógjarnan vera í sveitarstjórn og
svo mun það hafa verið með Björn Þorkelsson. Ekki er það
skráð í Jarða- og búendatal Skagafjarðarsýslu, að hann hafi ver-
ið í sveitarstjórn, en þó er það víst að hann var hreppstjóri 1870
til 1872. Líklegt finnst mér, að skipunarbréf þar að lútandi hafi
glatazt. Hinn 21. júní 1870 skrifar Björn undir bréf til amt-
manns með Sveini Guðmundssyni hreppstjóra í Sölvanesi.
Annað bréf skrifa sömu menn undir 8. marz 1871. Það bréf var
til sýslumanns Skagafjarðarsýslu. Þá var Björn með Jóhanni á
Brúnastöðum við þjófaleitina í Hvammkoti 1872, sem Jóhann-
es Örn hefur skrifað um.1
Tómas Tómasson bóndi í Bakkaseli og víðar var á Breið árið
1885. Eftir honum skrifaði eg, þegar hann var orðinn gamall og
blindur, það sem hér fer á eftir:
Þetta ár, 1885, pöntuðu nokkrir bændur í Lýtingsstaða-
hreppi trjávið frá útlöndum. Þessi viður kom í sláttarbyrj-
un. Björn Þorkelsson tók að sér að taka á móti þessari
1 Jóhannes Örn Jónsson (Örn á Steðja): Dulsjá, Ak. 1937, bls. 37-41.
21