Skagfirðingabók - 01.01.1992, Page 113
UM LEGSTEINA í HÓLADÓMKIRKJU
kom annar bylur og rak höfuðið aftur á kúna svo fast að
ekki losnaði aftur!56
Dánarbú Halldórs biskups varð þrotabú, enda féllu þá menn
og skepnur sökum harðinda. Ekkjan, Þóra Björnsdóttir, fluttist
að Reynistað og fékk um leið umboð klaustursins. Þótti mönn-
um nýlunda, að það skyldi veitt konu. Hún andaðist 27. sept-
ember 1767, og var greftruð á Reynistað. Þóra var atkvæðamikil
kona, en þótti all laus í rás og drykkfelld, eignaðist t.d. barn
aðeins fimm mánuðum eftir að biskup kom heim úr vígsluför
sinni. Hann varð undarlega við, en sefaðist nokkuð við fortölur
Skúla Magnússonar sýslumanns.
15. Grafskrift yfir dóttur Sabinskys
A austurvegg forkirkjunnar, norðan dyra til kirkju, er minning-
arletur yfir dóttur Sabinskys kirkjusmiðs, gert af föður hennar
með upphleyptum, gotneskum kalkstöfum á svörtum grunni.
Umhverfis vottaði fyrir umgjörð í múrnum. Taflan er boga-
dregin að ofan; hún hefur upphaflega verið u.þ.b. 100x50 cm,
en er nú skert að neðan. Grafskriftin var þegar árið 1910 orðin
mjög skemmd, en varð þó nokkurn veginn lesin á þessa leið, en
t.h. er lausleg þýðing:
Hier lieg ich
armes (wue)rmelein
un ru(he in) meinen
schlaff kaemmerlein
Jfr: Johanne Doretee
Sabintzki Dochter
Wart geboren den:
26 oct: (Anno) 1762:
gestorben den 11 nob:
1762
Hér ligg ég veslings
krakkaskinn
og hvílist vært
í klefa litlum.
Jungfrú Jóhanna Dóróthea
Sabinskysdóttir
var fædd hinn
26. október árið 1762,
dáin 11. nóvember 1762.
111