Skagfirðingabók - 01.01.1992, Page 116
SKAGFIRÐINGABÓK
Til er lýsing á prenthúsunum, gerð í október 1762, eða um svip-
að leyti og dóttir Sabinskys fæddist. Þar segir:
Prentstofa í 6 stafgólfum . . . alþiljuð í hvolf og gólf. . . .
Henni fylgir bríkarúm og ferkantað borð, samt bekkur.
Loft er uppyfir með stiga, hver nú tjáist í vinnukvenna-
skála. . . . Eldhús hefur Mr. Sabenskye reparerað og
uppbyggt. . . . Kakkelovn fylgir prenthúsunum, ei alls
fyrir löngu uppmúraður af múrmeistara Mr. Sabenskye.60
Eflaust hafa endurbætur Sabinskys á prenthúsunum verið
gerðar í eigin þágu; hann var þá kominn með konu, og barn í
vændum. Sumarið 1763, þegar kirkjubyggingunni var að verða
lokið, var kaupmanninum í Hofsósi falið að flytja Sabinsky „og
konu hans“ til Kaupmannahafnar, þ.e.a.s. ef hann verði ekki
ráðinn til að koma upp tugthúsinu (stjórnarráðshúsinu) í
Reykjavík. Allar líkur benda til að konan hafi verið íslenzk.
A.m.k. virðist Sabinsky hafa verið kvenmannslaus þegar hann
kom til landsins, en giftur þegar hann fór, og einhver sambönd
hefur hann haft í vinnukvennaskála skv. heimildinni hér að
ofan.
Sabinsky hvarf af landi brott haustið 1763. Fyrst eftir að til
Kaupmannahafnar kom virðist hann hafa átt frekar erfitt upp-
dráttar. Skv. varðveittum bréfum þurfti hann að verja þar gerðir
sínar: af hverju kirkjubyggingin tók svo langan tíma, hvers
vegna hann kenndi Islendingum ekki múrverk o.s.frv. I bréfi frá
14. marz 1764 sækir hann um að fá meistararéttindi sem múrari,
segir að Hóladómkirkja sé djásn fyrir Island, að sjálf Viðeyjar-
stofa sé ekki svipur hjá sjón samanborið við hana, en samt hafi
Burckner múrari hlotið meistarabréf fyrir hana. Að síðustu
biður hann Kirkjustjórnarráðið að verða við bón sinni svo að
sér og sínum hlotnist nokkur gleði og hugsvölun. Ferill hans
eftir þetta er hulinn mistri og móðu, en ekki er þó óhugsandi að
hægt sé að rekja hvað um hann varð.
114