Múlaþing: byggðasögurit Austurlands - 01.01.1966, Page 68

HELGI GÍSLASON:
Fyrsta ökuferð til
Loðmundarf j ar ðar
Austfjarðahálendi heitir hálendisbálkur einn mikill, sem gengur
til norðausturs úr aðalhálendi landsins, milli Fljótsdalshéraðs og
Fjarða. Skerast Austfirðir inn í hálendi þetta að austan, og ganga
úr því álmur milli fjarðanna víða í sjó fram þannig, að sums stað-
ar er með öllu ófært milli byggða í fjörðunum með sjónum og erf-
itt að gjöra þar viðhlítandi vegi (sbr. Norðfjarðarnípu, Skálanes-
bjarg, Brimnesfjall o. fl.).
Austfjarðahálendi endar í snarbröttum fjöllum, sem ganga í sjó
fram milli Héraðsflóa að norðan og Njarðvíkur að sunnan. Mjög er
hálendi þetta sundurskorið af daladrögum og giljum, sem liggja
ýmist til Fjarða eða til Héraðs. Miili þeirra daladraga verða því
fjöll ýmist strýtur eða ávalir hnúkar og skörð á milli. Um þessa
dali eða skörð liggja samgönguleiðirnar á landi milli Héraðs og
Fjarða. Vegna hafnleysisins við Héraðsflóa hafa Héraðs'búar öld-
um saman orðið að sækja sína björg í bú yfir hálendið til hafna
í fjörðum niðri. Þrautseigju mikla hafa Héraðsbúar sýnt og þurft
á að halda á umliðnum öldum í fangabrögðum við torsóttar leið.ir
og óblíða veðráttu í ferðum sínum yfir fjöll þessi til aðdrátta, og
margar sögur eru til um hrakninga og svaðilfarir í þeim ferðum.
Veitti þá ýmsum betur. Osjaidan var það, að ferðamaður kunni
ekki frá tíðindum að segja, en lagðist til hinztu hvíldar í faðmi