Múlaþing: byggðasögurit Austurlands - 01.01.1981, Page 131

MÚLAÞING
129
bjó síðar að Hesteyri í Mjóafirði. Anna giftist Einari syni HaUdórs
Pálssonar árið 1836. Bjuggu þau fyrst 12 ár í Koti en síðar í Firði og
ólust synir Onnu upp með þeim. Anna og Einar eignuðust 4 dætur og
var áðurnefnd Ingibjörg hin þriðja í röðinni af þeim, fædd 30. mars
1843. Hinar hétu: Þórunn er varð húsfreyja á Hofi í Mjóafirði, Hólm-
fríður, sem dó um tvítugt og Guðlaug er síðar varð húsfreyja í Koti.
Einar Halldórsson í Firði dó árið 1857 liðlega fertugur að aldri. Tók
Olafur Guðmundsson við búsforráðum þar.en Ingibjörg fékk Kot í sinn
erfðahlut, giftist 18 ára árið 1861 manni sem Jón hét Jónsson og reistu
þau bú í Koti. Hann dó 1863 og einnig drengur, sem þau Ingibjörg áttu.
Hún bjó áfram í Koti og giftist Eiríki Pálssyni af Isfeldsætt árið 1864.
Eignuðust þau níu börn á 15 árum frá 1865—1880. Eiríkur Pálsson
drukknaði rétt fyrir jólin 1881 og bjó Ingibjörg áfram í Koti. Þorsteinn
Jónsson fer sem ráðsmaður í Kot vorið 1883. Þau giftast 7. júlí 1884 og
búa í Koti til vors 1886 að þau flytja til Vesturheims. Síðasta árið eru
þau í tvíbýli við Jón nokkurn Daníelsson og eiga þá 17 manns heima í
Koti. Arin 1870-1885 eru þar aldrei færri en 9 manns og 12-16 í Firði og
sum ár eru nærri 30 manns samtals á báðum bæjunum. í kirkjubókum
Mjóafjarðarkirkju stendur að 5 af börnum Ingibjargar og Eiríks hafi
flust með þeim Þorsteini til Ameríku. Einn son höfðu þau eignast
meðan þau bjuggu í Koti. Hét hann Olafur Steingrímur og fluttist að
sjálfsögðu einnig með þeim vestur. Verður hann fjórða persóna þessa
þáttar. Því má skjóta hér inn í að vorið 1886 flytur einnig frá Fjarðarkoti
faðir bóndans, Jón Þórarinsson, gamalmenni norður í Þingeyjarsýslu og
er þá meira en hálfníræður að aldri. Sýnilegt er að hann hefur viljað
eyða síðustu árunum í návist sonar síns en ekki fundist taka því að
flytja vestur um haf til þess að bera beinin þar. Hér er sem sagt kominn
Jón fyrrum bóndi í Holtakoti og Hriflu í Þóroddsstaðasókn. I kirkjubók-
um þeirrar sóknar er bærinn ætíð nefndur Hrufla um miðja 19. öld.
En nú er rétt að halda áfram þar sem horfið var frá þeim Ingibjörgu
og Þorsteini. Þau settust fyrst að í Akrabyggð í Norður-Dakota en námu
síðan land að Hólmi í Nýja-íslandi árið 1889 og þar ólst Ólafur
Steingrímur síðan upp en lærði svo trésmíði í Winnipeg og stundaði
einnig nám í fiðluleik og píanóleik. Vann við smíðar í 20 ár en kenndi
einnig söngfræði og hljóðfæraleik yfir 40 ár og bjó fjölda nemenda undir
próf við Royal Conservatory of Music í Toronto. Stjórnaði einnig
danshljómsveitum víða í Nýja-íslandi. Hann var tvíkvæntur og átti tvo
sonu með fyrri sonu sinni. Foreldrar hans náðu háum aldri. Ingibjörg
andaðist árið 1925 og var þá liðlega 82 ára að aldri. Þorsteinn nefndi sig
Múlaþing 9