Þjóðmál - 01.09.2014, Qupperneq 9

8 Þjóðmál haust 2014
úr innanríkisráðuneytinu . Þriðjudaginn 26 .
ágúst birti umboðsmaður afrit af yfirheyrslu
sinni yfir Stefáni Eiríkssyni um málið, auk
þess sagði umboðsmaður að athugun hans
væri liður í því að ganga úr skugga um
hvort málið væri af því tagi að tilefni væri
til að nýta 2 . mgr . 12 . gr . laga nr . 85/1997
um umboðsmann alþingis en þar segir: „Ef
umboðsmaður verður áskynja stórvægilegra
mistaka eða afbrota stjórnvalds getur hann
gefið Alþingi eða hlutaðeigandi ráðherra
sérstaka skýrslu um málið .“
Umboðsmaður alþingis birti frásögnina
af samtölum sínum við Stefán Eiríksson,
ábendinguna um að hann ætlaði hugsan-
lega að gera skýrslu um málið og fjölda
spurninga til Hönnu Birnu Kristjánsdóttur
áður en henni gafst tóm til að svara fyrir sig
og skýra mál sitt . Það gerði hún hins vegar
í sérstakri yfirlýsingu sem hún sendi frá
sér þriðjudaginn 26 . ágúst og í sjónvarps-
viðtölum sama dag . Henni mislíkaði fram-
ganga umboðsmanns og sagði hana „engu
betri en margra þeirra blaðamanna sem
hafa um málið fjallað“ .
Hanna Birna sagði að sér hefði verið til-
kynnt að í rannsókn lögreglu vegna leka-
málsins myndi ekkert meðalhóf gilda,
aðstaða lögreglu í málinu væri erfið og
opin ber umræða um það væri einfaldlega
þannig að rannsakendur yrðu að sýna fram
á að þeir hefðu „gengið alla leið“ eins og það
var orðað .
Á fésbókarsíðu sinni þriðjudaginn 26 .
ágúst áréttaði hún afstöðu sína með þessum
orðum:
„Ég var ekki kosin til að verja hagsmuni
kerfis sem ég tel að þurfa að bæta og breyta
— heldur til að verja hagsmuni almennings .
Nú er einfaldlega nóg komið af þeirri
ósanngjörnu og ósönnu umræðu sem verið
hefur um þetta mál — enda á almenningur
rétt á því að heyra hvernig það horfir við
mér og hvaða lærdóma ég tel okkur geta
dregið af því . Samhliða því sem ríkisstjórn
varð í dag við beiðni minni um lausn frá
ákveðnum verkefnum ráðuneytisins — fæ
ég loks svigrúm til þess . . .“
Að kvöldi þessa sama þriðjudags hóf
Hanna Birna samtal sitt við almenn ing
með því að sitja fyrir svörum í sjón varps-
stöðvunum . Þar þótti spyrjendum helst
ámælisvert að hún hefði mælst til þess við
lögreglu stjórann á höfuðborgarsvæðinu að
yfir heyrslum yfir aðstoðarmanni hennar
yrði flýtt! Hve margir hafi ekki staðið í
sömu sporum vegna rannsóknar mála?
Hér skal ekki spáð fyrir um lyktir þessa
þáttar lekamálsins . Hanna Birna sagði í yfir-
lýsingu sinni að á næstu misserum mundi
hún taka „persónulega ákvörðun um það
með mínum nánustu hvort stjórnmálin eru
minn framtíðarstaður eða hvort baráttan
fyrir betra samfélagi verði betur háð utan
kerfisins en innan þess“ .
V .
Miklar hræringar hafa verið á æðstu stöðum innan fjölmiðlaveldisins
sem kennt var við Baug meðan hann var og
hét . Nú er Ingibjörg Pálmadóttir, eiginkona
Jóns Ásgeirs Jóhannessonar, andlits hins
hrunda Baugsveldis, stjórnarformaður 365
miðla ehf .
Hinn 14 . júlí 2014 var Sævar Freyr Þrá-
insson, fyrrverandi forstjóri Símans, ráðinn
forstjóri 365 . Hann tók við starfinu af Ara
Edwald sem gegnt hafði forstjórastarfinu frá
1 . janúar 2006 þegar Gunnar Smári Egils-
son lét af því og varð forstjóri Dagsbrúnar
og hóf útrás fyrir Baug sem kostaði félagið
20 milljarða króna .
Hinn 24 . júlí var Kristín Þorsteinsdóttir,
fyrrverandi upplýsingafulltrúi Baugs, ráðin
útgefandi 365 . Þetta var nýtt yfirmannsstarf
innan 365 . Kristín varð yfirmaður frétta stofu
og bar ábyrgð á störfum hennar gagnvart