Ritröð Guðfræðistofnunar - 01.01.2012, Qupperneq 9

Formáli ritstjóra
Efni Ritraðarinnar er býsna fjölbreytilegt að þessu sinni. I sumum greinanna
eru málefni úr samtíðinni uppistaðan þó svo að þær greinar séu yfirleitt
sögulegar að hluta til. Aðrar greinar hefjast í fortíðinni en reynast síðan
hafa mikla skírskotun til umræðuefna í samtíð okkar. Þannig að greinarnar
í þessu hefti eiga það sameiginlegt að þar kallast á samtíð og fortíð, eins og
svo oft í guðfræðilegri umræðu.
Greinarnar eru af flestum sviðum guðfræðinnar og höfundar eru, að
meirihluta til, kennarar við guðfræði- og trúarbragðafræðideild Háskóla
Islands. En ánægjulegt er að einn höfundanna kemur af talsvert ólíku
fræðasviði, verkfræðiprófessorinn Jónas Elíasson. Hann hefur tekið sér
fyrir hendur að skrifa um efni á sviði gamlatestamentisfræða, eins og nánar
verður gerð grein fyrir hér að aftan. Þá er, í samræmi við stefnu ritsins, að
finna ritdóma um nýútkomnar bækur íslenskra guðfræðinga.
Arnfríður Guðmundsdóttir skrifar greinina „Kirkjan sem öruggur staður“
og fjallar þar um meðferð kynferðisafbrota innan íslensku þjóðkirkjunnar.
Arnfríður heldur því fram að sé það markmið kirkjunnar að vera öruggur
staður þar sem kynferðisafbrot séu aldrei umborin þá nægi ekki að setja
starfsreglur um meðferð kynferðisbrota starfsmanna kirkjunnar heldur þurfi
einnig að fara fram guðfræðileg vinna innan kirkjunnar sem snúist m.a. um
að endurskoða guðfræðilega merkingu og túlkun mikilvægra hugtaka.
Grein Einars Sigurbjörnssonar „Gyðingar í Passíusálmunum“ á rætur
sínar að rekja til þess að í febrúar 2012 fór Simon Wiesenthal-stofnunin
fram á það við Ríkisútvarpið að hætt yrði að lesa Passíusálma á föstunni
vegna þess hve neikvætt er talað um Gyðinga í þeim. Niðurstaða Einars
í greininni er sú að ekki sé um að ræða gyðingahatur í Passíusálmunum.
Neikvætt tal þeirra um Gyðinga setji Hallgrímur ekki fram í því skyni að
lítilsvirða Gyðinga heldur sé það í formi viðvarana til hans sjálfs og lesenda
hans um að fylgja ekki í hugsunarleysi stjórnlausum múg eða ráðvilltum
yfirvöldum heldur gera það sem rétt er og satt. Einar segir að allir menn,
Gyðingar og annarra þjóða menn, eigi það undir náð Guðs einni hvort þeir
frelsast eða ekki og allir verði því að gæta sín á að falla ekki úr náðinni með
vantrú og gáleysi.
Gunnar J. Gunnarsson fjallar um „Ungt fólk og trúarbrögð“. I greininni
er fjallað um nokkrar niðurstöður í rannsókn sem nú stendur yfir á lífs-
7
L