Ritröð Guðfræðistofnunar - 01.01.2012, Page 11

og niðurstaða hans er sú að segja megi að í dag liggi siðfræði Biblíunnar til
grundvallar réttarheimspeki nútímans.
f grein sinni Eftirfylgdin við Jesú beinir Sólveig Anna Bóasdóttir sjónum
að túlkun sem gengur út á að hin kristna eftirfylgd feli í sér ókvæni og
skírlífi fremur en að þeir sem taki kristna trú gangi í hjónaband og stofni
fjölskyldu. Bent er á að þessi túlkun eigi sér stoð í mikilvægum textum
Nýja testamentisins. Greinarhöfundur færir rök fyrir að sögulega hafi verið
litið á þessa túlkun sem hugsjón fremur en reglu og telur að sú hugsjón lifi
góðu lífi enn í dag.
Tveir ritdómar um íslenskar guðfræðibækur birtast að þessu sinni.
Annars vegar skrifar Gunnar Kristjánsson ítarlegan ritdóm um Islenska
kirkjusögu Torfa K. Stefánssonar Hjaltalín og hins vegar skrifar Sólveig Anna
Bóasdóttir um bók Arnfríðar Guðmundsdóttur Meeting God on the Cross.
Christ, the Cross and the Feminist Critique (Oxford University Press, 2010)
sem byggir á doktorsritgerð hennar frá árinu 1996.
Loks skal þess getið að dr. Jón Ma. Asgeirsson (1957-2012), prófessor
í nýjatestamentisfræðum, lést í janúarmánuði síðastliðnum eftir erfið veik-
indi. Hann var dyggur liðsmaður Ritraðarinnar og þær eru ófáar greinarnar
sem liggja eftir hann þar, einkum á sviði nýjatestamentisfræða og almennra
trúarbragðafræða. Síðsta grein hans birtist í síðara hefti fyrra árs og var
hún samin er hann lá helsjúkur. Hans verður betur og ítarlegar minnst
í næsta hefti Ritraðarinnar en hér skulu honum færðar þakkir fyrir allt
hans mikla og góða starf innan guðfræði- og trúarbragðafræðideildar. Um
leið vill undirritaður þakka Jóni trygga vináttu og margar ánægjulegar
samverustundir. Guð blessi minningu þess góða drengs. Ég hef tileinkað
grein mína í þessu hefti minningu dr. Jóns Ma. Ásgeirssonar prófessors.
Gunnlaugur A. Jónsson