Ritröð Guðfræðistofnunar - 01.01.2012, Page 24

d) að fjalla um einstök mál sem vísað er til þess af úrskurðarnefnd eða áfrýjunarnefnd
og veita henni ráðgjöf um meðferð þeirra;
e) að meta árangur starfsreglna og koma með tillögur til úrbóta ef með þarf;
f) að stuðla að forvörnum og fræðslu um kynferðisbrot innan kirkjunnar í samvinnu
við fræðslusvið Biskupsstofu.29
Að lokum var í endurskoðuðum starfsreglum áréttað að fagráð bæri
ábyrgð á starfi talsmanns (5. gr.).
Á Kirkjuþingi haustið 2010 voru enn gerðar breytingar á 2. gr. starfs-
reglnanna. Var annars vegar áréttað að öllum málum sem varða ætluð
kynferðisbrot innan kirkjunnar skuli vísað til fagráðs. Hins vegar var
niðurlag 7. gr. fært fram til þess að árétta að óheimilt er að afgreiða mál að
þessu tagi á heimavelli. I gildandi starfsreglum hljómar 2. gr. svona:
Ef ætlað kynferðisbrot varðar barn, skal sá sem hefur vitneskju um málið,
gegna skilyrðislausri tilkynningaskyldu samkvæmt gildandi lögum. Öllum
málum er varða ætluð kynferðisbrot innan kirkjunnar skal vísað til fagráðs.
Óheimilt er að afgreiða í söfnuði eða sóknarnefnd mál er varðar ætlað
kynferðisbrot.30
I sama skipti var einnig gerð sú breyting á starfsreglunum að hlutverk
talsmanns var fært undir fagráð. Þá var sett inn nýtt ákvæði þess eðlis að
fagráð geti leitað til utanaðkomandi aðila til að taka að sér hlutverk tals-
manns og starfar þá viðkomandi í „umboði og á ábyrgð fagráðs“ (núgildandi
5. gr.). Eftir breytinguna hljómar 6. gr. svona:
Telji einstaklingur að hann hafi orðið fyrir kynferðisbroti, sbr. 1. gr. skal
hann fá aðstoð og fyrirgreiðslu hjá fagráði. Fagráð aðstoðar hann við að
kæra til lögreglu og/eða leggja mál fyrir úrskurðarnefnd, sbr. 12. gr. laga
um stöðu, stjórn og starfshætti þjóðkirkjunnar nr. 78/1997, ef hann óskar.
Fagráð aðstoðar hann við að finna aðra nauðsynlega aðstoð. Fagráð skal jafn-
framt upplýsa hann um þær starfsreglur þjóðkirkjunnar sem við geta átt.31
Markmiðið með þessum síðustu breytingum var að einfalda ferilinn og
gera það að reglu að sú eða sá sem telur á sér brotið hafi beinan aðgang að
fagráðinu sem aðstoðar viðkomandi við að fá viðeigandi fyrirgreiðslu, en
29 http://stjornartidindi.is/Advert.aspx?ID=31d73c24-0b7e-4566-9a7c-3374dd2c9ef5
30 http://www2.kirkjan.is/node/9776
31 http://kirkjuthing.is/gerdir/2010/18
22
J